קאווע שטיבל

הוגה האט געשריבן:[justify]7) איך האב אין די פריערדיגע תגובה געברענגט א "איזביצא'ער בלאג. איך וויל דא צוצייכענען נאך איינס, מי השילוח, טיפע מאמרים נשגבים מיוסד אויף תורת המי השילוח וממשיכי דרכו. די מחבר, הרב יצחק לאווי איז א געווייקטע חסיד'ישע איד, פון דערויסן זעהט ער אויס ווי א טיפישע חאניאק'ישע איד, אבער בתוך תוכיות איז ער א גאר טיפע און ברייטע טראכטער, מיט ידיעות בכל מכמני התורה והמדע, נגלה ונסתר. גלייבט מיר נישט אויפן ווארט, צייגט אייך אליינס איבער. אגב, האט ער דארט א גאר שיינע מאמר אויף פרשת וישב, די וויכוח צווישן יוסף און זיינע ברודער, עיי"ש ותמצאו נחת. עס איז צום האפן אז ער וועט היי יאר צולייגן די צווייטע חלק צום מאמר אזוי ווי ער האט פארשפראכן.

8) די זעלבע מחבר האט נאך א בלאג מחשבת אמונה, וואס איז פון איין זייט נישט אזוי באארבייט ווי די פריערדיגע, אבער פון די אנדערע זייט איז עס ברייטער און דעקט א גרעסערע ספקטרום פון נושאים. ווער עס לערנט אדורך די מאמרים אויף די בלאג וועט באלד באמערקן ביי א גרויסע טייל, אז די מחבר לופטערט אויס זיינע מחשבות אן צוקומען צו א ספעציפישע מסקנא וודאית. די מאמרים דעקן נושאים מכל השייך צו חכמה, מדע, יהדות, הלכה, מיסטיקה, חסידות, תורת הסוד, פילוסופיה, ועוד ועוד. רוב מאמרים זענען העתקות וואס זענען ארגינעל געשריבן געווארן אין עצכ"ח אדער אין אנדערע מקורות. אויב ווילט איר ווערן א ברייטע ידען איז דער בלאג א גוטע אנהייב.
.[/justify]

כוכב האט געשריבן:נישט געטראפן דארט קיין שום השכלה, פונקט קאפויער, נעם אזא שרייבער ווי הרב יצחק לאווי, א היבשער משכיל וחוקר, אן אקטיווער פעיסבוק באנוצער און פירט אן א בלאג מיט איזשביצער תורות (אגב א מבהיל'דיגער בעל כשרון ועילוי און גאלדענע פענע, הוגה האט אמאל גערעדט פון אים ערגעץ, ויבוא המלנקקים וילנקקו) דארט ווידעראום אין הפעמון שרייבט ער א תמימותדיגע מאמר איבער מפרשי התורה, קאכט זיך אין שטיקער אור החיים הק' און נוצט דעם מעשה איש אלס סעד לתמכו.

יצחק לאווי האט געשריבן:שלום עליכם טייערע ידידים און פריינט , דא בין איך במלוא יפי והדרי, בשם המפורש, מיט אלע אינפארמאציע.
דא וועל איך שטיין אונטער מיינע מיינונגען, אלעס מיט מיין נאמען מיין בילד אן זיך באהאלטען אינטער מאדנע ניק-נעמען און אן מורא האבען פון די אייגענע שאטן.
ואליכם אישים שומרי משמרת הקודש אקרא, אז איר האט א פארבלעם מיט עפעס וואס איך שרייב, זייט מוחל הייבט אויף א טעלעפאן, שיקט מיר אן אימעיל, אינבאקס מיר אויף מיין פעיסבוק, שיק מיר א פאקס, שרייבט מיר א צעטל אויף א פאפירוס, שיק מיר א בריעף מיט א טייבל, שרייבט מיר אויף די פארע וואס זאמלט זיך איין אויף מיין פענסטער, קאנטעקט מיר עני וועג וואס עטס ווילסט, נאר מיט איין תנאי, אז איר חתמ'ט זיך אינטער מיט אייער פילער נאמן אן זיך באריפען עפעס א מאדנע פאשקיוויל אינטערשריפט נאמען. מיט 'היהדות החרדית', 'בני הישיבות', 'מרנן ורבנן', 'מקום חותם הבד"ץ', וועל איך נישט האבען צוטוהן.

הרב יצחק לאווי איז א חסידישער יונגער יונגערמאן, ניטאמאל א בן שלשים, א תלמיד חכם וכתבא רבא, באקאנט אלס אן אייגנארטיגער און העכסט אריגינעלער געשטעל וואס פארקערפערט מיט זיך דעם "עילוי" און "משפיעים און זייערע השפעות" זשאנארן, די נאסטאלגישע ערשיינונג פון אן אמאליגן עילוי פון די מעשה ביכלעך, אלץ אין א מאדערנעם און פארגעשריטענעם פענאמען.

ער איז דער פרעצעדענטלאזער טיפ וואס איז משלב און מאחד דעם מיסטישן קבלה'ישן טראכט, די חסיד'ישע לערע, דער פילאזאפישער מיטל-אלטער געדאנקענגאנג, אינאיינעם מיט דער סאציאלער ווירטואלער מאדערנער לעבנסשטייגער, אראפברענגענדיג אלוקית און געטליכקייט ביז למטה מעשרה טפחים. אונטער'ן זעלבן ארעם טראגט הרב לאווי א באנד שפינאזע און אויך דעם רש"ש סידור. ער איז דער כותב פון טיפזיניגע איזשביצער תורות און מאמרים אין חסידות, אין דער צייט וואס ער איז אן אקטיווער בלאגגער און קאמענטאר, און סאציאלער נעטווארק באנוצער.

אין די לעצטע פיר און צוואנציג שעה האבן מיר זוכה געווען צו דעם "ובמורא גדול זו גילוי" ווען הרב לאווי האט זיך מגלה געווען אלס אונזער "לעיקוואד" אויף קאווע שטיבל!
לעיקוואד איז דער ניק וואס מאכט אונז שטוינען און זעלבסטצייטיג שמייכלען, דער וואס געניסט פון אן אומגעהויערע רעספעקט ביי אלעמען, אבער גלייכצייטיג מאכט אונז אמאל דרייען מיט'ן טייטלען-פינגער איבער דעם שטערן מיט א גרימאסע אויפ'ן פנים.

לעיקוואד איז דער ניק וואס איז אומפאראויסזעבאר און אומפאראויסשאצבאר. זיינע מיינונגען קען מען נישט פארשרייבן, ווען מ'מיינט אז מ'קען ערווארטן זיין שטעלונג וועט ער אלץ איבערראשן מיט א פרישן עמוק'דיגן שניט און טראכט. נישט ליבארעל, נישט קאנסערוואטיוו און נישט מעסיג. נישט נעגאטיוו און נישט פאסיוו. עס איז איז די לעיקוואד אידעאלאגיע!

הרב לאווי האט זיך מגלה געווען אלס דער איין און איינציגער לעיקוואד, דעם וועמען מיר האסן און ליבן צו דער זעלבער צייט. דער ניק וואס ברענגט אויפברויז און התפעלות אלעס אויף איינמאל.

אין ביאגראפישן זין איז הרב לאווי מנעוריו א סלאבאדקער און רבי מרדכי בעק תלמיד. נאך אלס בחור האט ער שוין גע'שם'ט אלס דער יוצא דופן'דיגער עובד און משכיל וואס דאוונט מיט כוונת הרש''ש ובקי ברזי דרזין ובכל חדרי תורה וואס ווער ס'איז נאר געקומען מיט אים אין בארירונג איז ארויס פון התפעלות.

מבית אבותיו האט ער דעם כל שהוא ובנו ובן בנו תלמיד חכם. זיין פאטער איז דער משפיע און רב פון רחמסטריווקער שטיבל אין לעיקוואד. דער בוים פאלט נישט ווייט פון עפל און זיין פאטער איז אויך אן אייגנארטיגער טיפ תלמיד חכם, וועלכער האט פאר א שטיק צייט געדינט אלס מגיד שיעור אין ישיבת אור ישראל אבער האט זיך עווענטועל געמוזט אפזאגן, צוליב וואס די אורות זענען געווען גרעסער ווי די כלים, און די תלמידים האבן נישט געקענט מיטהאלטן די טיפזיניגע שיעורים.

זיין מוטער איז א טאכטער פון הרב שמעון ווייספעלד, אן אייגנארטיגער תלמיד חכם און מגיד מישרים אין בארא פארק, א נאנטער תלמיד מובהק פון רבי משה פיינשטיין זצ"ל. ווען הרב ווייספעלד האלט א דרשה ברבים טראגט עס א כאראקטעריסטישן אריגינעלן טעם. זיין אויסגעשפראכנקייט איז צום באוואונדערן ווי ער נעמט שטעלונגען על דא והא וואס מוזן נישט אלעמאל שטימען אדער אריינפאסן מיט'ן אלגעמיינעם שטראם. ער איז נישט נושא פנים פאר קיינעם און פאר גארנישט. טראגט הרב לאווי געוויס מיט זיך די הבטחה פון חז"ל אז שוב אין התורה פוסקת ולא במהרה ינתק. זיין פעטער איז ר' דוד אלי' ווייספעלד, א בארימטער תלמיד חכם מופלא ומופלג אין מאנסי, וועלכער דינט אלס ראש ישיבה אין נייטרא מאונט קיסקא.

אלס בחור איז ער געווען משומעי לקחו פון רבי מאטל זילבער, אבד"ק תולדות יהודה, מיט וועמען ער האט אנגעקנופט א פערזענליכן קשר און פיל פארברענגט במחשבת חסידות. אין די ערשטע יארן נאך דער חתונה האט הרב לאווי געוואוינט אין ארץ ישראל וואו ער איז געווען מבני היכלא קדישא פון רבי איטשא מאיר מארגנשטערן שליט"א. כהיום וואוינט ער אין ניו יארק, וואו ער דינט דעם אויבערשטן והשפעתו ואורו איז זורחת למרחוק פיל ווייטער און ברייטער ווי כותלי ביהמ"ד וד' אמות של הלכה.

עס איז פאר אונז א כבוד זיך צו באקענען מיט דעם זעלטענעם גדול'ישן געשטעל, וואס טראגט אונז אריין אין א ניכטערער וועלט, מיט ענדלאזע האריזאנטן און אומאפשטעלבארע ברעגעס וואס מאנען אן אייביגער גלוסט פאר אור און אורות.

איך וועל שליסן זיין מיינע ווערטער מיט א ציטאט וואס איך האב געשריבן במקום אחר:

מאראנצןזאפט האט געשריבן:אין א סיורויס נאוט איז מרן דער וואס האט ארויפגעשלעפט קאווע שטיבל פון א פארום צו א בית וועד לחכמים, ווען מרן איז פתוח פיו בחכמה ציפט מען זיך אויב עס עקזיסטירט טאקע אזעלכע מענטשן, ווען נישט די טיטלען זענען געטרעיד מארקט פאר בורים וריקים וואלט מען אים באצייכנט אלס חכימי דיהודאי, נר ישראל, עמוד הימיני, פטיש החזק, עס איז מרן וואס די גרעסטע קארפן קעפ דא (און אין עצכ"ח און אין ספר הפנים, ועוד ידו נטוי' ואין מגלין אלא ליודעי ח"ן) זענען מקבל מרות מיט א ביטול גמור.

מרן איז דער ניק וואס הונטער דעם זון פון א ב*טש וואס מיר אלע קענען, ווערט באהאלטן א הארץ פון גאלד, און פאר ווער ס'געדענקט, ווען א ניק האט דא אמאל געוויינט אז ער איז איינזאם, האט אים מרן געאפפערט צו פארברענגען מיט אים 24 ביממה, און אלעמאל גרייט אויפצוהייבן אויף אים די פאון.

בשם מכון מהרנ"פ להוצאות ספרי רביה"ק פרידיריך ניטשה זי"ע וואונטשן מיר א מזל טוב פאר מרן לרגל דאס געבן דעם טויזנטסטן לייק (דאס איז אגב א פעלד וואס מרן צייכנט זיך נישט אויס, און ווען ס'קומט צו דיפלאמאטיע איז ער אן עי"ן ה"א גמור...) למען יאריך ימים על ממלכתו, וכמאמר ז"ל אפילו אתה נותן לי כל כסף וזהב ואבנים טובות ומרגליות שבעולם, איני דר אלא במקום תורה, מיר בלייבן מיט'ן עיר התורה, מרן זאל זיין געזונט (נישט שטארק ווייל ווען יא איז דעינזשרעס) און אונז פירן קעגן משיח'ן במהרה (על צד אז מ'פסק'ענט נישט ווי הלל.)

והיו עיניך רואות את מוריך:

א געוואלדיגער ארבעט, א כבוד פאר אונז צו האבן רבי יצחק אלס ראש חכמי השטיבל און מאראנצן זאפט אלס אמתער מבין ובר דעת. מיר דארפן א מבין זאל ענדליך מספיד זיין מאראנצן

אריין אין מיין מידיע פאלדער אלץ דער ערשטער פראפיל אויף מיר.
אבער פארוואס איז עס נישט פאבליק?

און יעצט מוז איך מאכן נאך א ניק אויף צו קריטיקירען דער יצחק.

ביטע מלנקק (קערדיט [tag]כוכב[/tag]) זיין די געוואלדיגע גילוי

זארג נישט איבער די קריטיק, מען וועט עס שוין טון פאר דיר. און יעצט צו די מיליאן דאלאר שאלה, רבי יצחק געב אונז ארויס יאיר'ן דיין קאלעגע...

לויט ווי איך פארשטיי, האט לעיקוואד צוגעלייגט צו זיין פראפיל זיין פעיסבוק בלאט, זיין טוויטער אקאונט און זיין אייגענע וועבזייטל. מאראנצן האט עס אויפגעכאפט און פארשטאנען דעם רמז מן השמים אז ס'איז געקומען די צייט פון התגלות.

מאראנצן זיסע, בלייבט אויף דיר די אויפגאבע אצינד צו מגלה זיין דעם עני הרוכב על החמור, און מיר זעמיר אלע געהאלפענע.

נתגלה העטרה!!!

אגב, די נייע וועבסייט וואס האלט אינמיטן קאנסטראקטירט ווערן להפצת המעיינות.

נ.ב. דער אשכול באלאנגט אין אנשי שם אדער אין העמק דבר אבער נישט אין שבת אחים.


.

איבערבליקנדיג אביסל דעם לעיקוואד\יצחק, זעה איך אז אז עס האנדלט זיך פון א וואונדער קינד, ילד שעשועים, את בנך, את יחידך, אשר אהבת, את יצחק. אבער עס איז נישט די עיר התורה לעיקוואד, עס איז ליבערשט די נייע געגענט לעיקוואד. וואס פון דאס וואונדער קינד וועט זיך אויסקאכן ווייסט קיינער נישט. זיינע מאמרים אין זיינע בלאגס זענען נורא נוראות, מלא לב ונפש. זיינע חידושים דא אין קאווע זענען שארף, שפיזיג, ער איז א חריף ובקי, א בעל מחדש און פארמאגט ביצים גדולים צו קריגן אויף יעדן און זאגן זיין דעה מיט א ברייטקייט. אבער ווי געזאגט איז ער אן עילוי בראשית דרכו און וויאזוי ער וועט זיך אויסקאכן ווייסט קיינער נישט מיר ווארטן געשפאנט. עס קען זיך ענדיגן מיט א מטושטש'דיגער דראג באנוצער וואס ווארפט שפיזיגע רעינות און וויל מאכן א מהפיכה אן א השגה וויאזוי,ער קען ווערן א בעל מקובל מיט אסאך תלמידים. ער קען ווערן א מאדערנער געערטער פילאזאף וואס באקומט תהילת עולם און זיינע ביכער פארקויפן זיך אין די מאסן, און ער קען ענדיגן אלס א מאדנער גורו, קולט פירער. אויך קען ער ענדיגן אלס א ביזנעסמאן, א בעל משפחה, וואס שרייבט אמאל א שיינע מאמר בעת הפנאי. דאס בוים האט אסאך פאטענציאל, מיר מוזן אלע עס באוואסערן. אויב לייקס וועט העלפן, וועל איך אים געבן כל לייקס שבעולם. ר' יצחק די פארמאגסט געטליכע כשרונות, א ריזיגע גאווה און ברייטקייט, די וועלט איז דיינס, כולה שלך, גיי נעם איר איין לטובה!

אפשר מאכט מען עפעס א חבורה ווי מען קען הערן דברי תורה וחכמה פון לעיקוואד\יצחק?
אפשר ברענגט מען יאיר, מען בעט די צוויי זאלן שמועסן און די משתתפים זאלן ארומפעסן די שיסל פאפקארן?

ב"ה דער עולם הייבט זיך אן מגלה זיין. איך האב אויך געלינקט מיין טוויטער אקאונט אין מיין פראפיל עטליכע טעג צוריק...

אפטעמיסט האט געשריבן:ב"ה דער עולם הייבט זיך אן מגלה זיין. איך האב אויך געלינקט מיין טוויטער אקאונט אין מיין פראפיל עטליכע טעג צוריק...

אויך מיר א גילוי...

א געוואלדיגער התגלות!

נישט דער פערזענליכער חלק שבו, נאר כרוב חברי השטיבל האט ביי מיר שטענדיג געהערשט א הערכה פאר לעיקוואד׳ס ברייטפארצווייגטע חכמה און טיפזיניגע רעיונות, אבער ווען א ניק שטעלט זיך אהער אונטער׳ן פאן פון דרייסטקייט און פאדערט קוראזש אינעם חיי יום יום, קומט צומאל אן שווער דאס מקבל צו זיין מיט א אמת׳דיגקייט ווען דער שלייער שטעלט זיך אינדערמיט אלץ מסך המבדיל און א שטיקל אפענע סתירה.

ועכשיו שקרבנו, אז דער אמת איז טאקע יא אמת, קאצק און ר׳ יוזל זענען דא בגלוי און אין פולן קראפט, איז סיי מיין הערכה פילפאכיג געשטיגן, און סיי איז דער התחייבות אנצונעמען דברים נכונים אצינד געווארן א רעאליטעט, בבחינת קבל את האמת ממי שאמרו.

כה לחי!

אפטעמיסט האט געשריבן:ב"ה דער עולם הייבט זיך אן מגלה זיין. איך האב אויך געלינקט מיין טוויטער אקאונט אין מיין פראפיל עטליכע טעג צוריק...

ס'איז א הסתרה שבתוך ההסתרה.

לעיקוואד האט דאך פארשפראכן צו שרייבן א #למעשה ארטיקל איבער די נחיצות פון זיך מגלה זיין. זעט אויס אז דאס איז די ערשטע טריט פאראויס.

לעיקוואד האט געשריבן:

פארוואס? האט געשריבן:

אבטולמוס האט געשריבן:[tag]לעיקוואד[/tag] שרייבט בענין "לעולם יהא אדם... בסתר ובגלוי" - אן ערנסטער שמועס איבער דעם ענין פון ניקס, און וויאזוי עס איז אפשר מעגליך זיך צו אידענטיפיצירן מיט וואס מ'שרייבט ברבים.

איך ציטער פון וואס ס'קומט.
אבער צום אלעם ערשט בעטן מיר קריינא דאיגרתא איהו ליהוי פרוונקא, וממנו ילמדו וכן יעשו. (חוץ ממני, כמובן).

יעדער איינער וואס וויל וויסען ווייסט ווער איך בין, די סיבה פארוואס איך שרייב אינטער לעיקוואד איז נאר ווייל עס איז א בעסער ברענד אויף ק"ש ווי מיין נאמען.. וואס וועט מען זאגען יצחק פון קאווע שטיבל זאגט..? קיינער האט נישט געהערט פון עם בכלל.. לעיקוואד.. אה דאס ווייסט מען.

אזוי אויך ביי די סאמאטוכע פון משכיל'ס טויט און זיין הספד אויף ק"ש האט לעיקוואד געשריבן וועגן זיין קעגרנשאפט פון זיך באהאלטן אונטער א מאסק. לעיקוואד האט מער ווי איין מאל מרמז געווען זיין אידענטיטעט און דער וואס האט געוויסט האט געוויסט. צווישן אנדערע האט ער אמאל געשריבן אויף זיך און געשריגן מיט טרערן "און איך לו"י יצח"ק בן שרה שאשא וכו' והדברים ידועים.

עס קען ברענגן א פלייץ פון גאטטס און סעלף עסטים ביים ברייטן ציבור זיך אראפצוציען די מאסקעס
עס באפאלט מיר א פחד

מבין ריסי עיניו ניכרין אז דער הרב לאווי איז א חשוב'ער יונגערמאן, אבער צו לעיקוואד קומט ער נישט...

איך האף נאר אז לאווי און לעיקוואד זאלן זיך נישט צוזאמשמעלצן נאר עס זאל בלייבן יעדער פאר זיך מיט זיינע חידושים,

פארגעס פון שמעלצונג, זיי גייען זיך ארומ'רצח'ן.

לעיקוואד האט געשריבן:עכ"פ, לגבי מיר קען איך דאך יא מחליט זיין, ווען איך שטארב, אחר מאה ועשרים בלא בלא בלא, בין איך דא מוסר מודעה, זאל מען שרייבען אויף מיר א גרויסער הספד, מיט מיין נאמען און מיין טאטע'ס נאמען, און מען זאל אלעס באשרייבען און נישט שוינען גארנישט. בעצם אפשר אויך בחיי, אויב איינער וויל דווקא. עכ"פ לאחר מותי זיכער. און מען זאל גארנישט אויסלאזען. נישט צענזורירען נישט די מצוות און נישט די עבירות. אלעס איז כתוב וחתום אויף די אינטערנעט סייווי.

און יא דאס האט שוין מרן געשריבן איבער א יאר צוריק, איך האב זיך די גאנצע צייט געווינדערט פארוואס די התגלות פאסירט נישט, דעמאלטס בין איך געווען זיכער אז ביז א טאג צוויי באסט אן התגלות, מיט די צייט האב איך איינגעזעהן יא יא רעדן קען אויך לאמיר זעהן טוה למעשה, און למעשה האמנתי כי אדבר פון אזויפיל רעדן דערפון האט ער באמת אנגעפאנגען צו גלייבן דערין,

האב איך אנגעפרעגט ביי לעיקוואוד'ן אין אישי וואס ער זאגט אויף דעם מר. לאווי, שרייבט ער מיר צוריק אזוי:
קודם כל, די גאנצע זאך פון מאכן א וועבסיייט איז סתם א משוגעת, און דער לאווי אויב איז ער טאקע אזא קלוגער ווי ער שטעלט זיך אהער דארף נישט די אלע שטותים. און בכלל איז ער סתם א טיפישער פאסטמאדערניסט, א גרויסע קונץ צו זיין א פאסטמאדערניסט פונקט נאך מאדערניזם. לאמיר זען ער זאל פאראויסזען וואס די וועלט גייט האלטן הונדערט יאר ארום. מיר זעט אויס ווי ער האט זיך אנגעטרונקען מיט א גלעזל וואדקע און געשריבן אפאר נארישקייטן, און ער רעדט זיך איין אז דא ליגט עפעס טיפע חכמות נשגבות. בכל אופן זעט מיר אויס אז זיין גאנצע טעאריע איז געבויט אויף דעם אז מען ווייסט נאכנישט פונקטליך וואס דאס מיינט רעאליטעט, אויב אזוי ווייסט ער נאכנישט וואס ער אליין איז, און דעמאלט ווייסט ער אודאי נישט וואס ער זאגט, איז וואס זאל איך ליינען איינעם וואס ווייסט נישט וואס ער אליין האלט ואין לי כח להאריך יותר.

בר דעת: איך בין מסכים מיט איין איינציגן משפט/סענטענס אין דיין מאמר איבער דיין אפשאצונג אויף די געהויבנקייט פון די פערזענליכקייט פון די בריאה וואס רופט זיך דא בשם "לעיקוואוד". נאר אין א סאך מער מוגבל'דיגן זין...! בבחינת אז אפליינען עפעס אין א ברייטערן זין איז א מעלה איבער דעם נידון. ומכלל הן אתה שומע לאו.
נ.ב.: עטץ מיינטס אז בערל בעל עגלה קען נישט שרייבן פילאזאפיש. נאר ס'איז נישט מיין דרך און סטייל...!