קאווע שטיבל

[tag]גנדי[/tag]׳ס פאפולערער תגובה ״הצעות פאר תקנות המוסד״ ווערט פארוואנדעלט אין א באזונדערער אשכול
דער מנהל [tag]אסף המזכיר[/tag] הייבט אן די סאמוטאכע דורכ׳ן פארשפארן יענעם אשכול פאר תגובות, און רוקט עס קיין שמייכל
אן אלטער אשכול ״פארוואס איז עס פארשפארט?״ שווימט ארויף אויפ׳ן אויבערפלאך, דער עולם פארלאנגט א הסבר
גנדי׳ס אשכול ווערט גענצליך נעלם פאר עטליכע שעה, דער עולם נעמט זיך אן פאר גנדי און עפנט נייע אשכולות לכבודו מיט אנטריסונג קעגן די מעשה נבלה
[tag]אסף המזכיר[/tag] לאזט הערן אומפארשטענדליכע זאצן, ער ווערט א צילברעט פאר ליצנות

[tag]אסף המזכיר[/tag] שטעלט צוריק דעם אשכול און איז מגלה טפח ומכסה טפחיים כאילו אז עפעס קאכט זיך, עס פליען הייסע קוילן אין זיין ריכטונג
[tag]אסף המזכיר[/tag] עפנט א נייער אשכול: ״קלארשטעלונג בנוגע דעם גייסט פון קאווע שטיבל״ מיט א לעכערליכע הסברה, שטעלט מיר פאר אלץ ווארטזאגער
אסף ווערט אראפגעריסן אויף א ברייטן פארנעם, ציניקער שרייען ״אפריל דער ערשטער״, ס׳איז יו״ט אינדערוואכן, דער פארקער אין קאווע שטיבל דערגרייכט רעקארד ציפערן
כ׳נעם איבער דאס ווארט, א רייע ספינ׳ס וואס הערן זיך ערנסט פאלגן נאך
אפדעיט #1 = ס׳איז פארגעקומען א פערזענליכע אטאקע אויף אן אחראי, מ׳איז מרמז אז גארנישט טוישט זיך נישט אין ק״ש
היות ס׳איז נישט קלאר, הללו מאמינים והללו אינם מאמינים
אפדעיט #2 = מער פרטים פונעם כלומפ׳רשט׳ען אטאקע ווערט נתפרסם, מען פארבינדט אויך א פערצופאל׳דיגער טעכנישער גליטש פון יענעם טאג
דער גליטש איז משכנע אז ס׳קען אפשר יא זיין ערנסט, חברים דרוקן אויס מיטלייד, טיילן מיט עצות, סטראשען די רודפים

אפדעיט #3 = מען שליסט אויס דעם גליטש אלץ בלויז טעכניש, מען דארף נישט זארגן אז ס׳איז פארגעקומען א אמת׳ער האקער אטאקע
דער בארואיגונג האט א פארקערטע עפעקט, מאנכע נעמען עס צו ערנסט
אפדעיט #4 = מען בארואיגט דעם עולם אז קיינער פון די אחראים איז נישט באמת אין געפאר, מען פרובירט מרמז זיין אז דער עולם קען זיין רואיג
די ציניקער כאפן דעם רמז און לאזן זיך מער נישט פאר׳נער׳ן, זיי שרייען חי וקים ס׳איז א וויץ און מ׳זאל אראפקריכן פונעם בוים
אפדעיט #5 = מען פירט אריבער דעם אשכול קיין שבת אחים, מכלומפ׳רשט צו האלטן דעם שמועס אויף א מער געהיימניספולן אופן
אפדעיט #6 = יא, ס׳האנדלט זיך פון א ערנסטע טעראר פארזוך אבער די הנהלה האט יעצט דער אויבערהאנט, ס׳איז ידם על העליונה
דער שפינוועב זייעט אן אמת׳ער פחד, די מנהלים ווערן באלעסטיגט מיט הונדערטער (!) ווענדונגען, די אמת׳ע אחראים קענען נישט עומד זיין בצערתן של ישראל

א החלטה ווערט באשלאסן אז מ׳איז שוין געגאנגען צו ווייט, מ׳קען מער נישט אנציען ווייטער
געים אווער, תם ונשלם

• שווער צו געטרויען ווירטואלע באשעפענישן אדער פארקומענישן;
• מ׳ווייסט ווי א וויץ הייבט זיך אן, מ׳האט אבער נישט קיין אהנונג ווי ס׳וועט זיך ענדיגן;
• ציניזם איז אפשר א קללה, אבער ציניקער וועלן גאנץ זיכער ראטעווען דאס מענטשהייט;
• וואס הומאריסטן קענען באווייזן קען קיינער נישט, זייער מתנה איז דאס גרעסטע ברכה עלי אדמות;
• ס׳איז היפש גרינג אפ׳צונער׳ן א ציבור;
• ס׳איז היפש שווער מצער צו זיין א ציבור;
• אפריל דער ערשטער איז ערשט נעקסטע וואך מיטוואך;
• קאווע שטיבל איז למעלה מן הזמן (Ahead of the game).

שמעקעדיג האט געשריבן:נאך אן אבזערוואציע:

די אוואטאר מענטשעלעך פון שטיבל (אויבן) האבן אנגעהויבן פלאפלען.

לעיקוואד האט געשריבן:להוי ידוע איך בין נישט קיין חלק פון די קאנספיראציע

ירח בן יומו האט געשריבן:וואו איז [tag]גנדי[/tag] פארשוואונדען געווארן?
קען ער אפשר מוחל זיין און באשטעטיגן אז אין כאן לא סטראשן ולא מעקן ולא שליסן אבל יש כאן א באנדע לצים?