קדחת (פה-סח #6)

[נופת צופים]

בן שלשה עשר,
א קטן הצריך,
געהערט פון פאטער,
שפטרני ברוך.

אויף א גרויסע באנד,
בישיבה של קטנים,
טעג נאכאנאנד,
ביי די ווערטער זיינעם.

איין טאג מלאך,
קצות און אורים,
איין טאג גלח,
חטאת נעורים.

פון ישיבה קטנה,
זיך גערוקט פאראויס,
דאס צומישעניש מיינע,
ווערט גאר גרויס.

רוח קדים,
מצפון מים,
יצרו של אדם,
רתיחת הדם.

פון איין זייט ניצוצות,
איתרעותא דלעילא,
אוחזת פלצות,
באריכות לילי.

א באמבע פלוצלינג,
פון ערגעץ וואו,
דו האסט היינט א מיטינג,
באקען זיך מיט זי.

איך זעץ מיך פריש,
מיט א פלעשל באר מים,
אויפ'ן דיינינג רום טיש,
שוין אנגעגרייט לחיים.

נאך פאר כ'האב עספיעט,
מיין אטעם צו כאפן,
מזל טוב מ'גריט,
קענסט א וואנט טאפן.

א שטריימל אפאר שטאק,
מיט אלע צוגעהערן,
א דירה אויפ'ן בלאק,
מ'קען צוקוועטשט ווערן.

אין כולל אריין ערליך,
אזוי איז די הלכה,
פרנסה אזוי שווערליך,
פוד סטעמפס איז א ברכה.

אויפ'ן הארטן באנק,
צוריק כבראשונה,
אלץ אויפ'ן געדאנק,
מאן יהיב מזוני.

באלד אלס פרישע פאר,
די מצוה פרו ורבו,
נאך איינס יעדעס יאר
די געלט עס קומט פון וואו.

פרעג איך דא במר,
וואס וועט פון מיר ווערן,
ראש השנה ביים גמר,
פאר מיר געטוהן באשערן?

די ווייב די שוויגער שווער,
אלע ווילן נחת,
איך האלט נישט אויס מער,
עס ברענגט מיר נאר קדחת.

[נופת צופים]

אין פה סח געשטעלט,
פעאזיע א קדחת,
פאר די גאנצע וועלט,
על הארץ מתחת.

א פי די עף פייל,
פאפירענע פארמאט,
דערנאך אויף ווירטואל,
ווער ס'איז נאכנישט זאט.

הערות ביטע לייגט,
אביסעלע פידבעק,
ס'איז גוט צו ס'זייגט,
בין איך בכלל אן טרעק.

[געוואלדיג]

איך מוז דיר זאגן ר' נופת אז זייט דו ביסט אהער געקומען האסטו געהויבן די שטיבל כסדר מיט די זיסע פאעזיע ממש א מחיה אן דיר וואלט פה-סח געווען פעלערהאפטיג א גרויסן יישר כח

[ברסלבער]

נופת צופים, זייער שיין און גוט געזאגט, יישר כח.
זאל דער רבש"ע העלפן אז די אלע כולל אינגעלייט זאלן שוין קענען ארויסגיין מגלות לחירות ומשעבוד לגאולה.

[[NAMELESS]]

ישר כח ר' נופת עס איז ערב מ[tag]נופת צופים[/tag] וכל טעם, נהנתי מאוד,

אז די פארלאנגסט אביסל קריטיק, האלט איך עס וואלט געווען פאסיג נישט נאר צו באזינגען דעם פראבלעם נאר אויך אריינריקן דער עצה ארויס פונעם קדחת,

[נופת צופים]

די צווייטע טייל וועט אי"ה קומען אין @זייגער 'ס קראטש מי אויבגאבע

[מפוזרי]

די נעורימ'דיגע ביינאכטיגע פלצות איז געבונדן מיט די היינטיגע קדחת? צי דו האסט סתם געוואלט ארויסברענגען פארשידענע זאכן וואס הייצן דיר אן?
איך פרעג פון דער פאעטישער שטאנדפונקט - נישט דער רעליגיעזר.

[נופת צופים]

אויסדריקליך נישט. דער קדחת איז פונע'ם כללית'דיגע לעבן ביז אהער.

בד"וו ב"ה איך האלט שוין לאנג נאכ'ן קדחת מיט אלע דעי צרות.

[נופת צופים]

צי דו האסט סתם געוואלט ארויסברענגען פארשידענע זאכן וואס הייצן דיר אן?
.

פונקטליך וועלכע חלק הייצט דיך אן, עניוועי? [emoji1]

[א איד]

וועלכע חלק עס הייצט עם, ווארט ביז ער וועט קומען לכלל התגובות הנצרך למאחורי, און ער וועט דיר דארט ענטפערן.

נופת טייערע דיין ווערק איז מייסטערהאפטיג שיין, איך וועל נישט גיין ווי [tag]געוואלדיג[/tag] עד קצה האחרון אז אן די קדחת וואלט פה-סח געווען פעלערהאפטיג, אבער עס האט בלי שום ספק וגוזמה צוגעגעבן צום אויסגאבע, און א שמייכל צו מיינע לעפצן האט עס אויך צוגעגעבן.
נו לאמיר זעהן טייטש עס איבער אין פאעזיע.

[נופת צופים]

א קדחת מייסטערהאפט
א לייק איינגעשאפט
אן דעם אין פה-סח
ווי א שבת אן א וואך
צו אנדעם איז א מום
אדער עולה תמים
@געוואלדיג מיט @א איד
און איך בין אינדערמיט
כאטש געברענגט א שמייכל
ביי נאך @א איד אין היכל
צו הייצונג וואס דער גרמא
לכשיגיע שמה
א תשובה דארט פארקויף עס
פארענטפערן פאר נופת

[געוואלדיג]

א לייק ביסטו קוטף
נאך א שמייכל חוטף
דברים מדבש נוטף
מוסר, אין גראמען עוטף
און עס גיסט זיך כנהר שוטף.