איבערבלייבעניש פון מיטאג

[רויטע וואנצעס]

טינט פארטריקענט
פאפיר מעלביג
פעדער איינגעשרימפט
האנט געלעמט

דעת שטומפיג
הארץ פארשטיינערט
מרה לעמאן ביטער
נשמה לעהר

איינגעטינקן אין ספק
באקלייד מיט יאוש
עצבות פאר נאכטמאל
איבערבלייבעניש פון מיטאג

שאלות אן א סוף
תשובות אן עלטערן
פראגעס אן ווידערקול
ספיקות אן ריכטער

איינער אליינס פארלאשן
נאר שאטן געבליבן
קיין מציאות קיין פאנטאזיע
קיין פארשטאנד קיין עתיד.

[רויטע וואנצעס]

פאר א גוט יאר, שכח פאר'ן אישי, ניין איך גיי מיך נישט הענגן. אויב דו קערסט אזוי שטארק פאר מיין וואוילזיין אפשר לייק די פאעזיע.

[יאיר]

::hugs::

[רויטע וואנצעס]

יאיר, שכח פאר די hugs, דאס געבט מיר מיין ווייב אויך, פון דיר דארף איך תשובות וואס האבן עלטערן.

[יאיר]

דאס קען דיר קיינער נישט געבן אויסער דו אליין.

[יאיר]

What is a poet? An unhappy person who conceals profound anguish in his heart but whose lips are so formed that as sighs and cries pass over them they sound like beautiful music.
Soren Kierkegaard

[רויטע וואנצעס]

[tag]יאיר[/tag], זייער שיין, אבער קען א פאעט נישט זיין א צופרידענע מענטש מיט א שווארצע מאמענט, אדער א מענטש מיט א מאמענט פון שמחה אדער מחשבה?

[יאיר]

די גרויסע פאעטן און ארטיסטן בכלליות האבן געווענליך א נטיה צו מרה שחורה.

[פלאוויוס]

יאיר, איך מיין אז ס'איז לאו דוקא. אמאל קען אן ארטיסט זיין געטריבן פון א טראנס. (כאטש ס'איז קלאר אז אזעלכע ארטיסטן זענען א זעלטנהייט, און ס'איז מסתמא מער כאראקטעריסטיש צו ספעציפישע רעליגיעזע פאעטן.)

[יאיר]

דער זעלבער ארטיסט וואס איז היינט געטריבן פון א טראנס איז מארגן טיף אין שאול תחתית.

[רויטע וואנצעס]

שאול תחתית איז דער היים פונעם ארטיסט, די טראנס איז זיין מאגערע וואקאציע.

[berlbalaguleh]

די גרויסע פאעטן און ארטיסטן בכלליות האבן געווענליך א נטיה צו מרה שחורה.

און די וועלט'ס גרויסע שרייבער און פאעטן האבן זיך די בעסטע געקענט אויסדרוקן אין זייערע מאמענטן פון מרה שחורה. אויך דאס האט זיי געטריבן צו שיכרות. אדער אפשר איז עס גאר געווען א רעזולטאט פון שיכרות...!