קאווע שטיבל

נשלח: **זונטאג מאי 10, 2015 11:24 am**

עס איז שוין לאחר המעשה, דא אין שטיבל האט מען נישט בארירט דעם נושא (כאטש אין אייוועלט האט מען עס פעסט דעבאטירט לטוב ולהיפך, בעת אפאר נארמאלע ניקס האבן פארשטאנען דעם ציהל האבן אנדערע געהאקט געפערליך אנטקעגן ווייל עס קען אפשר שאדן פאר די אמונה פשוטה).

דעם פארגאנגענעם שבת איז פארגעקומען א שבת "וקרבתנו" אין א גרויסארטיגן האטעל, ווי מען האט צוגעשטעלט צו בריקען בגשמיות און א געמיש פון פארשידנארטיגע רעדנערס לרחצה ברוחניות.
איך בין למעשה נישט געווען דארט. כאטש איך וואלט געהאט חשק צו גיין.

דער שבת האט געקאסט אסאך געלט, לכתחילה א טויזענטער, אבער א גרויס חלק האט עס באקומען "בלויז" פאר 800. בגשמיות איז דער שבת געווען הערליך צוגעשטעלט. די בילדער ווייזן גאר א רייכע פראגראם. אפאר פון די רעדנער'ס האב איך שוין אויסגעהערט אין די פארגאנגענהייט, און זיי האבן מיר עלעקטריזירט מיט זייער כח הדיבור. ממילא גלייב איך אז די רעדנערס זענען מסתמא געווען א קנאק, אבער איך וואלט געוואלט הערן אן ערשטהאנטיגן באריכט פון א באטייליגטן.

לדעתי איז געווען צופיל דרשות. עס איז געווען אויסגעשטעלט אויף אזא אופן, אז עס זענען פארגעקומען עטליכע דרשות אין די זעלבע צייט, און מען האט זיך געקענט אויסוועלן וועלכע דרשה מען וויל גיין. כ'בין זיכער אז טייל האבן שווער געקענט מאכן א דעסישען.

סיי ווי אזוי, איז דער פענאמען א נייער ביים היימישן חסיד'ישן עולם, און כדרכם מאז ומקדם, אויף יעדע נייע זאך (אפילו גוטע) הייבט זיך עס אן מיט קריטיק פון די צינישע און סקעפטיקער, אויך יעצט האט ווינער רב און מהר"א מ'סאטמאר געהאקט דערויף, ביז עס עסט זיך צעביסלעך אריין אינעם ציבור און עס ווערט דער נארם.

נשלח: **זונטאג מאי 10, 2015 11:35 am**

איך זעה דארט רויטע מיט אפטעמיסט אפילו זר ווי זיי האקן אריין.

נשלח: **זונטאג מאי 10, 2015 12:10 pm**

די זאגסט אז מהר"א האט געהאקט דערויף, האט ער געזאגט אז זיינע חסידים זאלן נישט גיין ווייל ס'וועלן זיין בעלי דרשנים מיט פרעמדע השקפות אדער האט ער געהאקט בכלל אויף דעם געדאנק פון אזא שבת התוועדות? דער ערשטע וועג קען איך פארשטיין אבער טאמער איז עס פאר די צווייטע סיבה, איז עס גלאט היפאקרעסי.

נשלח: **זונטאג מאי 10, 2015 12:30 pm**

געטרייט אנצוהייבן א מו"מ שוין א חודש מיט א האלב צוריק. גארנישט געווארן.

viewtopic.php?p=260683#p260683

נשלח: **זונטאג מאי 10, 2015 12:37 pm**

לדעתי, דאס ארויסבעקן פונעם קאסעווער נאך ר' אהרנ'ן האקעריי, ווייזט עס אויף א שווייכקייט מצידו, משא"כ ר' משה שטעסעל, אויך פון די שיינע יודן ביים קרבתנו שבת, איז אריין צום בעלזער רב, און האט באקומען גרויס חיזוק כדרכו בקודש ווען עס קומט אויפציטוהן פאר כלל ישראל, אז ער זאל יא פארן אויף שבת און זיך נישט ציטוהן מאכן פון די העצעריי אקעגן דעם שבת, און לויט ווי איך הער פון מיינע חברים, איז די שבת געקרוינט געווארן מיט א געוואלדיגע הצלחה.

נשלח: **זונטאג מאי 10, 2015 6:44 pm**

קרעטשמע מאן אויף אייוועלט האט געשריבן:איך האב גערעדט מיט מיין חבר פרייטאג זאגט ער מיר אז ער איז יעצט אין האטעל ביי דעם שבת קרבתנו, איך האב הויעך אויסגעדריקט מיין וואונדער איבער זיין באטייליגונג, ליינענדיג דא האב איך פארשטאנען אז ס'איז נישט פאר די סארט אינגעלייט ווי איך קען אים, למעשה האבן מיר נישט געהאט קיין צייט פאר קיין לענגערע שמועס פרייטאג, אלזא, מוצ"ש האב איך אים געטעקסט אויב ער קען מיר געבן א שטיקל רעפארט פון די דרשות און בעיקר די טאפיקס וואס זענען דארט אויסגעשמועסט געווארן.

ער האט מיר געשיקט בילדער פונעם סדר השבת און אירע דרשות, למעשה בין איך געווארן שאקירט און געזעהן אז מ'האט דא געבויעט בלעטער אויף בלעטער אויף זינלאזע טענה'רייען ווען צווישן די ווייסעך וויפיל דרשות זענען מיסתמא אינגאנצן 2-3 געווען איבער אמונה טאפיק. די דרשות זענען באשטאנען פון טאפיק'ס א שטייגער ווי:

א טיפערע בליק אויפן שב"ק.
רליעישאנשיפ, ווי די מאן זאל בעסער פארשטיין די ווייב, די ווייב די מאן און די עלטערן די קינדער.
וויזוי איבערצוגעבן פאר די קינדער די ריכטיגקייט פונעם מעמד הר סיני און תורה שבעל פה.
נישט לאזן שרעק דיקטירן די לעבן.
רואיגקייט אין צייט פון קריזיס.
שבת איז מער ווי סתם טשולענט..
קירוב קרובים.
בויען א רואיגער היים.
אפעקטיווע וועג פון קאמויניקעטן מיט די קינדער.
חינוך פאר בחורים, עס קאסט כוחות הנפש..
פארוואס שלעכטע זאכן געשעהן צו גוטע מענטשן.
וויזוי צו האנדלן אין צייט פון כעס.
אפעקטיווע קאמיוניקאציע מיט די קינדער.
די דרך הבעש"ט.
טיפס וויזוי צו האנדלן מיט קינדער וואס (ליידער) גליטשן אין אידישקייט.
זאל נישט עבודת השם זיין גרינגער?
וויזוי צו האנדלן מיט די מידה פון 'קנאה'

און נאך און נאך, וואס איך געדענק נישט.

איך האב איבערגעקוקט דעם ליסטע און געקלערט 'א שאד איך בין נישט געגאנגען'. למען האמת מיין איך אז די ארגענעזירער האבן געטוען א געוואלדיגן טעות מיטן רופן דעם שבת "קרבתנו" וויבאלד עס איז געווען 95% 'חיזוק', א מינדערהייט פון 'קירוב'. ביים היימישן עולם איז 'קירוב' א פרעמדע מושג און 'חיזוק' קען יעדער ניצן.

אה, נאך א פוינט, איך האב געזעהן אויך עטליכע בילדער פון מלוה מלכה דארט, האב איך געזעהן אביסל דעם ציבור וואס האבן זיך באטייליגט, בקיצור, א שיינער עהרליכער ציבור, נישט ווי איך האב געקלערט ליינענדיג דא די אשכול.

זייער שיין באשריבן.

(איר קענט אליינס באזוכן אויף אייוועלט און זעהן ווי טייל פרומאקעס שמייסן אריין אין אים פארן זיין אויפריכטיג, אקעגן זייערע אגענדעס.)

נשלח: **זונטאג מאי 10, 2015 6:51 pm**

די קליפ ווי הרב יואל ראטה רעדט קעגן די צולייגן יודישקייט איז פונקט גיט פאר די איי וועלט חברה

נשלח: **זונטאג מאי 10, 2015 6:55 pm**

אפשר האקן די רבנים דערויף ווייל זיי האבן מורא דערפון דער עולם וועט נאך אוועקלויפן פון זיי און ווערן חסידים פון וואלערשטיין.....

נשלח: **זונטאג מאי 10, 2015 9:11 pm**

מיסטעריעז האט געשריבן:ס'רוב פון די טעמעס וואלט איך נישט געוואלט הערן פון א מגולח

נשלח: **זונטאג מאי 10, 2015 9:18 pm**

petergrifin האט געשריבן:
מיסטעריעז האט געשריבן:ס'רוב פון די טעמעס וואלט איך נישט געוואלט הערן פון א מגולח

איך האלט ער האט א שטארקע נקודה

נשלח: **זונטאג מאי 10, 2015 9:26 pm**

ער פאר זיך זאל טוהן װאס ער װיל אבער רײס נישט אראפ דער װאס װיל יא גײן. נאר װי אזוי קען מען האקן
אויף עפעס װאס איז זײער װיכטיג? אנשטאטס זיך ארויף שטעלען אויף א בענקל באגראבט מען יענעם. װאס
הײסט דו גײסט צו א דרשה פון עפעס א מגולח װאס לערנט מער װי א חסידישער פארום שרײבער?

נשלח: **זונטאג מאי 10, 2015 9:30 pm**

אגב דא איז א לינק װי קרעטשמע מאן זאגט גוט און די חברה געבן נישט אויף.
http://www.ivelt.com/forum/viewtopic.ph ... 8#p1050908

נשלח: **זונטאג מאי 10, 2015 9:39 pm**

מחותן מחותן דו באלאנגסט אין קאווע שטיבל

www.ivelt.com/forum/viewtopic.php?p=1051114#p1051114

נשלח: **זונטאג מאי 10, 2015 10:43 pm**

גראדע די פאר בעלי שכל האקן פיין אריין פאר די רשעות'דיגע אנגעזעצטע ס''ח. עס איז העכסט אינטרעסאנט אז די קליינקעפיגע מנהלים האבען עס נאכנישט פארשפארט.

נשלח: **מאנטאג מאי 11, 2015 1:07 am**

נאך פון מחותן
http://www.ivelt.com/forum/viewtopic.ph ... 2#p1051282

נשלח: **מאנטאג מאי 11, 2015 10:13 am**

קאצקע ציקער האט געשריבן:מחותן מחותן דו באלאנגסט אין קאווע שטיבל

www.ivelt.com/forum/viewtopic.php?p=1051114#p1051114

נשלח: **מאנטאג מאי 11, 2015 11:26 am**

דער אשכול איז מער נישט דארט!

נשלח: **מאנטאג מאי 11, 2015 2:43 pm**

שוין צוריק!

נשלח: **מאנטאג מאי 11, 2015 2:44 pm**

געהעריג דארט

נשלח: **מאנטאג מאי 11, 2015 4:18 pm**

ווען זיי האבען ווען שכל די אחראים דארט וואלט מען געוועלט מחותן'ס תגובה פארען תגובה פונעם יאר און עס מנעץ געווען העכער יעדע אשכול.

אבער זיי האבען דאך נישט קיין שכל און לאזן יא די אנגעזעצטע ס''ח פירן די טאון זעהט א''ו אויס אזוי ווי עס זעהט אויס אזש ביז מיללער בכבודו ובעצמו מוז אזאנס שרייבן א טרויער דרשה אז א''ו זייגט אוועק און אפען שפעקלירן אז אפשר איז געקומען די צייט עס לאזן ליפטערן אינעם היידפארק בית החיים.

נשלח: **מאנטאג מאי 11, 2015 5:59 pm**

הודעה דורך מיללער » מאנטאג מאי 11, 2015 9:18 am

וזה תפארתינו!

דאס הייסט טאלעראנץ, אייוועלט איז געמאכט פאר "יעדן" ווילאנג ער האלט זיך צו די תקנות המקום און ער שלעפט נישט אוועק דעם פלאץ צו ווערן א שלאכטפעלד, לעב און לאז לעבן!

נשלח: **מאנטאג מאי 11, 2015 7:35 pm**

א באנדע משוגעים חברה זענען זיי אין אייוועלט אזעלכע שווערע דאגות טראגן זיי אויף זיך כאילו זיי זענען שוין פאר זיך קלינאפ .......

נשלח: **מאנטאג מאי 11, 2015 10:50 pm**

לית דין בר נש האט געשריבן:
הודעה דורך מיללער » מאנטאג מאי 11, 2015 9:18 am

וזה תפארתינו!

דאס הייסט טאלעראנץ, אייוועלט איז געמאכט פאר "יעדן" ווילאנג ער האלט זיך צו די תקנות המקום און ער שלעפט נישט אוועק דעם פלאץ צו ווערן א שלאכטפעלד, לעב און לאז לעבן!

א נייע דערהער אין טאלעראנץ...

קאווע שטיבל

שבת "קרבתנו"

שבת "קרבתנו"

Re: שבת "קרבתנו"

Re: שבת "קרבתנו"

פון אײװעלט

Re: שבת "קרבתנו"