קאווע שטיבל

דא האט איר מחשבות וואס דרייען זיך מיר אין מח בנוגע לעצטערע געשרייבאכצער דאהי אין שטיבל. ס׳וואלט געווען אינטערעסאנט צו וויסן וואס אנדערע האלטן.

ס׳האט זיך לעצטענס אנטוויקלט א שמועס וועגן די מנהג סדום פון דער חסידישער געזעלשאפט פון פרובירן אפרייסן קינדער פון עלטערן וועלכע געהערן מער נישט צי חסידישקייט. די וויי-געשריי פון אט דער מנהג איז אין לשער. די צער, יגון ואנחה וואס דאס פארשאפט איז אומעגליך ארויסצושרייבן אויפן פאפיר, ווי אלע וואס האבן דאס דורך געמאכט וועלן מעיד זיין. די רשעות און אכזריות איז בוקע רקיעים. גויל אילו רקיעי קני כל חורשתא וואלט נאך אלס נישט מעגליך געווען ארויסשרייבן א שמינית שבשמינית פון די הארצווייטאג, אן אחד בששים פון די טרערן און גארנישט פון די אומבאגרייפבארער מעסער-שטעך און ברענענדיגער אייביגער ווייטאג ווען אן אייגן קינד וויל פלוצלינג נישט קענען איינעם פון די עלטערן. אפט קומט דאס צי א מצב פון מוצא אני מר ממות את החיים. און ערגער פון אלעם איז דער ענטפער פון אסאך וואס לייגן די שולד אויף די באטראפענע, לאמר: פארוואס זענט איר אוועק געגאנגען? איר זענט זיך אליין שולדיג. איר וואלט דאך געברויכט וויסן אז אויב מ׳נעמט אריין געסט אין סדום וועט מען רעיפ״ן אייער טעכטער, פארברענען אייער הויז און אפהאקן די פיס פון אייער געסט. איז וואס קומט איר יעצט וויינען כ׳קאזאק הנגזל? וואלט איר זיך אויפגעפירט ווי ס׳פאסט פאר סדום וואלטן דאך די אלא זאכן נישט געשען.

באמת איז נישט דאס דער איינציגער מנהג סדום און דער חסידישער געזעלשאפט, ווי איך האב שוין געשריבן דא אמאל. יא, דער חסד איז געוואלדיג. אבער פיל (צופיל) מאל איז עס ווי דער חסידה שעושה חסד (אך ורק) עם חברותיה -- אן אויפירונג וואס איז חזיר-טרייף מדאורייתא. וויבאלד איר ווערט מער נישט גערעכנט אלס חברותיה (דער פונקטליכער פונקט ווען דאס פאסירט איז נישט דער זעלבער ביי יעדן) דאן איז מער נישט דא קיין פראבלעם אריין צושטעקן א מעסער אין רוקן אדער גאר אפשניידען דעם קאפ ווי אייסיס רח״ל. ס׳טייטשט, דאס איז דאך סך הכל א גוי / שגץ / שיקסע, אז מה בכך? די האסט נאך רחמנות?

די קשיא איז, פון ווי נעמט זיך דער שוידערליכן אכזריות ביי מענטשן לגבי אנדערע מענטשן? פון ווי נעמט זיך די שנאה צום ״אנדערן״, צי איינעם וואס איז (מער) נישט קיין חסידה-שר איד?

דער תירוץ דאכט זיך איז היפש פארצווייגט און איך וויל נישט יעצט אריינגיין און דעם. וואס איך וויל ארויסברענגען איז די וועג וואס מ׳קען עס, בדרך אפשר, אנהייבן פאררעכטן. מעשה שהיה: איך האב געהערט אזא שמועס לגבי איינעמס קינדער, ווי עטליכע האבן געטעה׳נט אז דאס איז א געפערליכע רשעות, באלד ערגער ווי רציחה. האט זיך איינער אנגערופן, וואס הייסט, ער איז דאך א מחלל שבת? און... וידום אהרן. קיינער האט נישט געענטפערט (כאטשיג זיי האבן אין הארץ נאך אלץ נישט מסכים געווען), ווי גלייך ס׳איז טאקע זייער לאגיש אז איינער וואס צינדט אן א לעקטער אין שבת ברויך מען אפשניידען דעם קאפ און איינער וואס איז גע״י ברויך מען אראפווארפן פין א הויכן שטאק, כמנהג הקדושי אייסיס. אדער כאטשיג נוצן א גוטן פייניגונג מיטל כמנהג האינקוויזיציה, לכל הפחות!

פארוואס טאקע האט קיינער געענטפערט? דאכט זיך אז דאס איז וועגן די שטארקע זעלבסט-צענזור וואס הערשט ביים כלל. לדעתי איז דאס איינע פון די גרעסטע יסודות פאר מנהגי סדום זיך צי קענען פארשפרייטן. אז מ׳ברויך שטענדיג אכטונג געבן וואס מ׳זאגט אז ס׳זאל חלילה נישט שאטן פאר שידוכים, דעמאלטס איז ניתן רשות למשחית להשחית. אז מ׳ברויך אין קאווע שטיבל מעקן ווען איינער זאגט ״לייט״ און ״שבת״ און איין זאץ, דאן ווערט דער ניווא פונ׳ם געזעלשאפט אסאך נידריגער. אז מ׳ברויך דן זיין און איעדע זאך צו מ׳קען עס ארויסזאגן, צו ס׳הייסט יא אדער נישט כפירה, דאן ווערט דער געזעלשאפט צוביסלעך פארפוילט פון אינעווייניג, אין די ווערים וואס האבן ליב שימל פארמערן זיך.

כמעט אלע געזעלשאפטן האבן שוין איינגעזען די סכנה פון א געטליכען צענזור. נישט נאר איז עס אפט דער גורם אז מנהגי סדום זאלן זיך פארמערן, נאר עס ברענגט צו א גענצליכער דערשטיקונג פון חכמה און קונסט, וואס דאס איז דער אמת׳ער געטליכקייט אויף דער וועלט. עס ברענגט צו א בלבל המוחות, צי א מין געזעלשאפטליכן מח-קרענק וואס איז אומעגליך צו היילן. עס ערלויבט נישט אויסצושמיעסן אנדערע איינזעענישן, אנדערע דעות, און עס ערלויבט שטערבליך-קראנקע פארפוילטע דעות צי מארשירן אומגעשטערט. עס האלט אפ די מענטשהייט פון כל הקודש, פון מדות אזוי ווי רחמנות און ביישנות וואס איז אונזער ריכטיגע ירושה.

אשר על כן אליכם אישים אקרא, אויב באדערט אייך דער מצב פונ׳ם חסידיש׳ן געזעלשאפט, הערט אויף מיט דעם געטליכען צענזור, דא און קאווע שטיבל אדער אונ׳ם אמת׳דיגן קאווע שטיבל. אז איינער זאגט אז ער צינדט אן א לייט אום שבת, אז ער זאגט אז ער גלייבט נישט אין דיין באשעפער, אז ער זאגט ער טרונקט חלב עכו״ם, אז ער האלט אריסטוטל איז גערעכט נגד הרמב״ם, אז זי זאגט אז זי שלאפט מיט א שגץ, אז זי זאגט אז זי גייט מיט א קאלירפולן שירצל פרייטאג צונאכט, אז זי האלט אז תוספות אין מסכת סוכות האט א טעות געהאט אונ׳ם פייטאגארעס טעארם, דאן שמועס עס אויס. זעי ווער עס איז גערעכט. אויב האסטו מורא יראת אלוקים ויראת אנשים, דאן דריי זיך אויס און הער נישט אויס, אדער ליין נישט ווייטער. אבער הער אויף מיטן צענזור, סיי אויף דיר אליין אין סיי אויף אנדערע. ומובטח אני אז מיט די צייט וועט דורך דעם בעסער ווערן די אלגעמיינער מצב. וואס זאגט איר צו דעם?

ובזה יצאתי ידי חובתי. והנראה לעיני כתבתי, והשם ישמרינו מהמאמינים בו.

מצער זיין א צווייטען בלויז ווייל ער איז נישט קיין שומר שבת, איז איין זאך, און האלטן א פריוואטע פורום אפען נאר פאר שומרי שבת איז א צווייטע זאך. וואס מישטו?

קול דודי האט געשריבן:ס׳האט זיך לעצטענס אנטוויקלט א שמועס וועגן די מנהג סדום פון דער חסידישער געזעלשאפט פון פרובירן אפרייסן קינדער פון עלטערן וועלכע געהערן מער נישט צי חסידישקייט

מיט דעם שורה לייגסטו דיך אריין טיף אין תחת. קיינער דא איז נישט קיין בן חמש סאו קאט די קרעפלעך ווי אמשנעלסטען ,ווייז ביטע אן אפילו איין פאל ווי מען האט אוועקגענומן ציטריט פון איינעם'ס קינדער נאר פארן ''נישט זיין מער חסידיש''.

יעצט געענדיגט ליינען דיין עקלהאפטיגן תגובה און עס פאסט פונקט גוט פאר פאליש אבער געהערט בהחלט נישט אויף ק'''ש .[tag]סדרן[/tag]

מען גרעבסט נישט אין פאבליק…

ישמעאל הכהן האט געשריבן:

איך אויך האט געשריבן:יעצט געענדיגט ליינען דיין עקלהאפטיגן תגובה און עס פאסט פונקט גוט פאר פאליש אבער געהערט בהחלט נישט אויף ק'''ש .[tag]סדרן[/tag]

רעבע, יאנקי האט געקוקט אויף מיר, זאג עם אויס פאר די מנהל. [tag]רעבע[/tag]

געפילטע פיש האט געשריבן:

ישמעאל הכהן האט געשריבן:

איך אויך האט געשריבן:יעצט געענדיגט ליינען דיין עקלהאפטיגן תגובה און עס פאסט פונקט גוט פאר פאליש אבער געהערט בהחלט נישט אויף ק'''ש .[tag]סדרן[/tag]

רעבע, יאנקי האט געקוקט אויף מיר, זאג עם אויס פאר די מנהל. [tag]רעבע[/tag]

רעבע: געפילטע, קיינער האט נישט געקוקט אויף דיר, קוק ווייטער אריין אין חומש און טייטל אז נישט וועל איך מוזן רופן דעם מנהל.
[tag]מנהל [/tag]

איך אויך האט געשריבן:יעצט געענדיגט ליינען דיין עקלהאפטיגן תגובה און עס פאסט פונקט גוט פאר פאליש אבער געהערט בהחלט נישט אויף ק'''ש .[tag]סדרן[/tag]

מה אתה מדבר...? אתה בטוח שאתה לא מתבלבל פה עם מישהוא אחר...?.....
אוי. אנטשולדיגט. כ'האב געמיינט אז דא איז דער עברית פארום...

איך אויך האט געשריבן:מיט דעם שורה לייגסטו דיך אריין טיף אין תחת.

רעבע, ער האט געזאגט א מיסע ווארט. לייג פעפער.

קול דודי (דופק...או דפוק..) איך האב געליינט דיין פתיחת האשכול און כ'האב איינגעזעהן אז דו רעדסט דא פון חיטים ושעורים, עפלס און אראנדזשעס, באנאנעס און פיינעפל.
ערשטנס איז דא אזא פענאמען ביי א טייל פונ'ם היימישן עולם אז ווען מ'איז מעורר איבער געוויסע נעגאטיווע ערשיינונגען און אקטן אדער גאר טעראריסטישע שטיק וואס מ'טוט מצער צו זיין אנדערע אידן. אנשטאט מ'זאלל מודה זיין און נתעורר ווערן צו תיקון המעשים ענטפערט מען..."דו ווייסט וויפיל צדקה וחסד גייט ארויס פון אונזערע קרייזן...! נו, אשר על כן. ווייל ס'גייט ארויס צדקה וחסד פון איין זייט איז שוין הותרה דמם פון אנדערע אידן. וואס האט איינס צו טון מיט'ן אנדער'ן...?!...כאמאס האט אויך צדקה וחסד אינסטיטוציעס, פאר זייערע אייגענע...! דעם צווייטן חילוק וואס מ'דארף מאכן אין דיינע ווערטער. ווען דו זאגסט אז א מענטש וועלכער צינדט אן א לייט אום שב"ק איז [נאר] אוועקגעגאנגען פון חסידיש'ן וועג. און ס'איז אן עוולה ווען מ'לאזט נישט צו אז זיין פינעף יעריגע יונגל אדער מיידל זאלל נישט באאיינפלוסט ווערן פון איהם ווען ער וויל נישט רעספעקטירן די רעליגיעזע פיהרונג אין יענע שטוב. ס'איז דא נאך חילוקים וואס מ'דארף צו מאכן אין דיינע ווערטער און אויסקלארן די אלע עניינים. נאר לאמיר ארבעטן אויף די זאכן...!

מיט די הנחה אז די היימישע געזעהלשאפט וויל בלייבן ווי אזוי זי זעהט יעצט אויס, ווי אזוי אין גאט'ס נאמען וועט זי מקבל זיין דיינע דברי חכמה? אין פרינציפ ביסטו אפשר גערעכט אבער אומפראקטיש אין די היימישע ריאלעטי. א מער פראקטישע עצה וואלט געווען צו לערענען איבער כבוד הבריות מיט א דגוש אויף טאלארענץ.

די נושא דא בקיצור איז אויב censorship האט אן אפעקט אויף א סאסייעטי און עס ווישט אוועק די נאטירליכע מענטשליכע געפילן, און עס גרייט אן א fertile breeding ground צו פעסטערן אכזריות. קול דודי מאכט א גוטע קעיס דערפאר. יעצט לאמיר זעהן אז איינער זאל צושטעלן א גוטע counter argument אז צענזור ברענגט נישט אכזריות, אן שרייען שגץ און פוי.

[tag]קאווע טרינקער[/tag] ידידי היקר, ס'נישט שיין זיך אנצוכאפן אויף א זייטיגע נושא און פארדרייען דער שמועס.


.

נאך א מער פראטישע און ווירקזאמע עצה וואלט געווען צו לערנען אביסל ספרי מוסר וספרי יראה. איי ווי פארגרעבט דארף די מוח שוין זיין און ווי קאלט דאס אידישע פינטל אז אפענע דברי כפירה וניאוץ בארירט דיר שוין נישט און האסט נאך די עזות צו טיילן מוסר פאר א גאנצע געזעלשאפט יראים ושלימים.

As someone who has just been going through a divorce, I am not sure why you would cover an entire beautiful community in such a dark light, for the action of individual people. those people will use anything to their advantage regardless of the damage that it does to the people around them. It has nothing to do with Frumkit. in my case I was accused inappropriate touching of my kids BH it was thrown out by the judge rather quickly, although it messed up my visitation schedule for a few months there is no such a thing in the state of New York to take away visitation of parent for any reason unless he's a danger to the kids so I'm not really sure on what you base your story on.

קול דודי דפוק אן עקסטרעם חרדישע סטיל מאמר, פיל מיט העצע, גוזמא און קליינקעפיגקייט פון איינער וואס האט זיך געטוישט די דעות אבער נישט די מענטאליטעט אין צוגאנג. צימערמאן אין אוניווערזיטעט

ביג באס, ווייסט נישט אלעס. מיט די הילף פון א רב קאן מען אסך טוהן, אוועק'הרגן'ן קינדער פאר אייביג. פרעג אן ביי הרב וואזנער פון מאנסי אויב די אידיש בלוט און וואס ער באד זיך לעצטענס איז זיין כשר שעמפאו.

יואליש האט געשריבן:ביג באס, ווייסט נישט אלעס. מיט די הילף פון א רב קאן מען אסך טוהן, אוועק'הרגן'ן קינדער פאר אייביג. פרעג אן ביי הרב וואזנער פון מאנסי אויב די אידיש בלוט און וואס ער באד זיך לעצטענס איז זיין כשר שעמפאו.

דער נייע פוסק הדור?

יואליש האט געשריבן:ביג באס, ווייסט נישט אלעס. מיט די הילף פון א רב קאן מען אסך טוהן, אוועק'הרגן'ן קינדער פאר אייביג. פרעג אן ביי הרב וואזנער פון מאנסי אויב די אידיש בלוט און וואס ער באד זיך לעצטענס איז זיין כשר שעמפאו.

יואליש: דו מאכסט מיך געפערליך נייגעריג. לאמיר שוין הערן וואס דארט איז געווען...?

יואליש האט געשריבן: ער באד זיך לעצטענס איז זיין כשר שעמפאו.

א נייע זאך, שעמפאו דארף שוין אויך א הכשר. יואלי סטאפ די אכשר-דרא פרומקייטן!!

הוגה האט געשריבן:די נושא דא בקיצור איז אויב censorship האט אן אפעקט אויף א סאסייעטי און עס ווישט אוועק די נאטירליכע מענטשליכע געפילן, און עס גרייט אן א fertile breeding ground צו פעסטערן אכזריות. קול דודי מאכט א גוטע קעיס דערפאר. יעצט לאמיר זעהן אז איינער זאל צושטעלן א גוטע counter argument אז צענזור ברענגט נישט אכזריות, אן שרייען שגץ און פוי.

[tag]קאווע טרינקער[/tag] ידידי היקר, ס'נישט שיין זיך אנצוכאפן אויף א זייטיגע נושא און פארדרייען דער שמועס.


.

ניט אמת. למשל ווען איינער וועט ארויסברענגן א חסרון אויף קאפיטעליזם, זאל עס זיין אפילו א שטארקע חסרון, מיינט נישט אז ווילאנג איך האב נישט א צופרישטעלנדע קאנטער ארגומענט בין איך מוכרח צו זיין א קומוניסט. ווייל עס איז גאר מעגליך אז איך האלט אז קאפיטעליזם מיט אירע אלע חסרונות שטייט נאכאלטס איבער קאמוניזם.
לעניננו.איך און רוב רובו חברי השטיבל האלטן אז לטובת הצלחת הפארום, מיז זיין כאטש א מינימאלע צענזור. אויפקומען מיט א מאדנער פשעטל אז א צענזור אויף לעקטער לעבן שבת, העלפט צוכאפן קינדער פון או. טי. די'ס, איז נישט קיין סיבה צו דארפן אויפהערן גלייבן אין די פשוטע תועלת פון צענזור.

Perfect example; As far as I know she had her kids the Second day Pasch... People do a lot of damage in gods name but its people who do it, in the end those evil people lose the most. But you cant legally block a parent from seeing their kids

פערפעקט עקסעמפעל אויף וואס? וויאזוי א רב האט באפוילן און שטיצט נאך יעצט די בלוט פארגיסונג? ע"פ הוראותו האט מען איינגעבאקן אין קינדער ס'געמיינסטע שנאה קעגן א חסידישע מאמע, נאך היינט א מתפלל ביי אים אין ביהמ"ד. זיין עקעלהאפטיגע רציחה איז רעקארדירט אויף טעיפ, ועדיין עומד במורדו.

אין די ענד איז עס די קינדער וואס ליידן דערפון א גאנץ לעבן ממש. און דער רב קוקט ווייטער מראות דם אן קיין קאנסקווענצן.