מיין קינדערישע שאלות וואס זענען קיינמאל פארענטפערט געווארן

[רויטע וואנצעס]

"נון נון נון, מ'טאר נישט קניען". אבער רבי איך קני מיך צום אייבערשטען ווי מ'טוט יום כיפור.

"א טיש איז א מזבח". איז פארוואס טאנצט מען פורים אויפן טיש, און ביים שבע ברכות איז די רבי בכבודו ובעצמו געזעצן אויף א סטעיזש פון טישן.

"מ'טאר נישט אריינעמען א ספר אין ביה"כ ווייל ס'האט אידישע אותיות". נעקסטע טאג זעה איך יענעם מיט'ן צייטונג וואס האט ד"ת דארט.

"מ'טאר נישט זיין מיט'ן ריקן צום ארון קודש". אבער אלע בעלי דרשנים שטייען יא אזוי.

"קאפיוטער איז גואיש". אבער די מנהל מיט די סעקרעטערי האבן אין אפיס.

"מ'טאר נישט רעדן צו א גוי" אבער מיין רבי און מנהל רעדן כסדר צו אים.

"א איד טאר נישט שלאגן" אבער מיין רבי הערט נישט אויף צו האקן און פראקן.

"מ'טאר נישט רעדן אינמיטן עסן". אבער ביי די מלמדים טיש לאכט מען אויף אלע באקן, בעת די פרענטש טאוסט ווערט צומאלט מיט די באק ציינער.