קאווע שטיבל

[justify]איך האב ב"ה לכבוד דעם ל"ג בעומר געמאכט א נסיעה קיין ארץ ישראל. איך האב געהאט גאר א געשמאקע חוויה. איך גיי נישט ארויס ברענגן דא מיין גאנצע נסיעה מיט אלע פרטים. אבער איך וויל מיטטיילן געוויסע אינטרעסאנטע נקודות וואס איך האב געזעהן זייענדיג אין ארץ ישראל. אזוי אויך עפיזאדן וואס איך וואלט געוואלט מיטטיילן מיט די חשובע לייענערס.

ווי נאר מען פארט צו א צווייטע לאנד זעהט מען און מען אבזעווירט אינטרעסאנטע זאכן. זאכן וואס זענען אין יענע לאנד ראטין און נארמאל איז ביי א גאסט אויפפאללענד. כל שכן אז ווען מען פארט קיין ארץ ישראל ווי יעדער שטיין אטעמט אידישקיין און אירע היסטאריע איז יעדער זאך אויפפאלענד און אינטרעסאנט. אזוי אויך די התנהגות פון די מענטשן איז אנדערש ווי ביי אונז און עס איז אינטרעסאנט.

כאטש אויב איך וועל אלע פרטים וועלן שרייבן וועל איך מוזן זיצן שעות כדי צו אלעס אראפברענגן, אף על פי כן וואלט געווען כדאי אז מען זאל כאטש שרייבן געוויסע נקודות וואס קען אינטרעסירן די לייענערס.

איך וועל לייגן פון צייט צו צייט נאך א פרט.

איך לאדן איין אנדערע וואס זענען געפארן קיין ארץ ישראל אדער וואס גייען פארען, זאלן דא אין דעם אשכול לייגן זייערע אינטרעסאנטע זאכן וואס זיי האבן געזען אדער בייגעוואונט אין ארצינו הקדושה.[/justify]

דער ראש ישיבה איז דארט געווען דאס ערשטע מאל יעצט?

ווען איך בין געווען אין די לופטפעלד דא אין אמעריקא, ווארטנדיג ביי די ליין פון סעקיורעטי, פלוצלינג זעה איך א גאנצע קבוצה קומט אהן. איך זעה אז בראש פון די קבוצה איז די ראחמעסטריווקא רבי שליט"א פון ארה"ק. דער קבוצה איז אים געקומען באגלייטן צו די פליגער.

אזויווי די נוסעים האבן אים געזעהן האט יעדער גלייך ארויסגענומען די קעמערע'ס מיט די סעלפאון/קעמערע, צו כאפן א בילד פון אים (זעה בילד אין די לופטפעלד. אויף די זייט זעהט מען די רוקן פון ר' אברהם סלאנים.).

לעבן מיר איז געשטאנען א איד וואס האט אויסגעזעהן פון דיע וואס זענען לעת עתה נישט קיין שומר תורה ומצוות. פרעגט ער מיר 'מי זה?'' זאג איך אים 'אדמו"ר מרחמסטריבקא'. זאגט ער: ישתבח שמו לעד. זאג איך אים: למה? זאגט ער: ככה אני יודע שיהיה טיסה נעימה, ונגיע בשלום!!!!

האב איך שוין באקומען א שיעור אין הלכות אמונת צדיקים!!

בן אדם האט געשריבן:דער ראש ישיבה איז דארט געווען דאס ערשטע מאל יעצט?

די ראש הישיבה האט געלערנט אלס בחור זייער אסאך יאהרן. אזוי אויך זייט ער וואון אין חוץ לארץ האט ער באזוכט איבער צעהן מאל.

ווי דער ראש הישיבה פארשטייט פון די שאלה, איז פארוואס איז די ראש הישיבה אזוי עקסיידעד? דער תירוץ איז אז יעדעס מאל די ראש הישיבה פארט, פארט ער מיט א בחינה פון בכל יום יהיה בעניך כחדשים, ממילא איז יעדעס נסיעה ברענגט מיט איר א ספיציעלע עקספיריענס.

אלס ראש הישיבה ארומשפרייזענדיגן אין דעם ים התלמוד, דער עולם התורה, טרעפט מען זיך אן אין אלע קרייזן און שיכטן, מנהגים וכו' וגו' - און אלעס זיצענדיג בין ד' אמות של הלכה בלבד.

די עיקר וואס כ'האב געמיינט איז ווייל ס'איז אינו דומה ווען מ'פארציילט מעשה'לעך פון דארט ווען מ'זעט עס ס'ערשטע מאל ווי ווען מ'קען זי שוין פון פארדעם. סאו יעצט וועט עס זיכער האבן א טעם.

[justify]היות די וואס פארן קיין ארץ ישראל האבן דזשעט לעג (JET LAG), איז די מנהג פון גאר אסאך מבקרים בארץ ישראל צו דאווענען ביי די מנין ותיקין ביין כותל, כאטש אז בדרך כלל דאווענען זיי נישט ותיקין.

איינער פון די אינטרעסאנטע זאכן וואס איך האב באגעגענט איז געווען הרב יעקב עדס.

הרב יעקב איז א זוהן פון הרב יהודה עדס ראש ישיבת קול יעקב. ער איז א בן כלאים. זיין טאטע איז א ספרדי און זיין מאמע איז אן אשכנזי. זיין טאטע איז געווען פון די מועצת גדולי התורה פון דגל התורה וואס האט זיך אפגעזאגט צוליב געזונטהייט סיבות.

הרב יעקב איז באקאנט אלץ גאר א גרויסע עילוי. ער איז געוון חתונה געהאט און געבורן צוויי קינדער. ער האט געבעטן זיין פרוי אז ער וויל אוועק פון שטוב אלץ א ענין פון גלות אדער עפעס אן אנדערע תיקון פאר פינף יאר. זי האט אים געגעבן רשות. נאך פינף יאר האט ער געזאגט אז ער וויל לעבן ווי א פרוש און ער האט זיך געגט פון זיין פרוי. (זי האט חתונה געהאט מיט א חשובע בן תורה אין לעיקוואד)

ער האט זיך באזעצט אין די קעלערן פון די ישיבה פון הרב בצרי, ווי מען האט געווידמעט א קליין ד' על ד' פאר אים. ער וויל נישט נהנה פון די וועלט כי הוא זה. ער לעבט אוייף לחם ומים. ער גייט אהנגעטוהן קרוע ובלוע. (כעין ווי מענדל ווייס ע"ה הנקרא מענדל די חזיר)

ער וויל נישט האבן קיין שייכות מיט מענטשן. איך בין צוגעגאנגען צו אים נאכן דאווענען און ער איז כמעט ווי אנטלאפן פון מיר.

ער דאווענט ביים כותל בערך ביי די נץ. זיין דאווענען גייט מיט נגינה און קולות וברקים. זיין דאווענען איז אויך זייער הארציג, אז א שטיינערנע הארץ קען ציגיין פון זיין דאווענען.[/justify]

איך ליב זייער דעם אשכול. כ'גלייך אזעלכע נאטיצן פון דא און דארט * בשעת א נסיעה.
קיעפ איט אפ. איי עם לוקינג פארווערד.

ראש הישיבה האט געשריבן:איך לאדן איין אנדערע וואס זענען געפארן קיין ארץ ישראל אדער וואס גייען פארען, זאלן דא אין דעם אשכול לייגן זייערע אינטרעסאנטע זאכן וואס זיי האבן געזען אדער בייגעוואונט אין ארצינו הקדושה.

קענסט ליינען מיין אשכול דא, עס קען דיר זיין אינטרעסאנט.
viewtopic.php?f=24&t=8079

_____________________
*) איך אויך, נישט די פון 'דער איד' וד"ל

אפשר וואלט מען געדארפט צישמעלצן די צוויי אשכולות?

נישט כדאי מיין איך, דאס איז דיינע אייגענע עקספיריענס בפרטיות, עס איז אן אנדער סארט אשכול אינגאנצן.

ראש הישיבה האט געשריבן:איך לאדן איין אנדערע וואס זענען געפארן קיין ארץ ישראל אדער וואס גייען פארען, זאלן דא אין דעם אשכול לייגן זייערע אינטרעסאנטע זאכן וואס זיי האבן געזען אדער בייגעוואונט אין ארצינו הקדושה.

כ'האב געהאט אין פלאן אראפצושרייבן אלע מיינע פאסירונגען און איינדרוקן איבער מיין נסיעה לארה"ק, אין א באזונדערן אשכול. כ'האב געוואלט אראפשרייבן דבר יום ביומו בשעת די זאכן פאסירן. למעשה האב איך נישט געהאט קיין צוטריט צו קיין אינטערנעט און כ'האב נישט אראפגעשריבן בשעת מעשה מיינע געדאנקן.

למעשה אבער טראכט איך נאכאלס אויפצומאכן אן אשכול מיוחד ויקרא שמו בישראל "מסעות ד'אדנירם"... וואו כ'וועל אי"ה אראפשרייבן מיינע איינדרוקן און מקומות וואס איך האב באזוכט אין ארץ ישראל, ואקוה שיהי' לתועלת הרבים.

אויב איך וואלט געשריבן וואלט איך קיינמאל נישט געענדיגט, איז הייב איך אפילו נישט אן.

בן אדם האט געשריבן:אויב איך וואלט געשריבן וואלט איך קיינמאל נישט געענדיגט, איז הייב איך אפילו נישט אן.

אבער דו קענסט לייגן קליינע עפיזאדן לשמחת לב הקוראים. נו געגאנגען. הייב אהן מיט איינס און זיי ממשיך ווען דו האסט צייט.

ליינענדיג פון דיין באזיך אין כותל האב איך קודם געמיינט אז די רעדסט פון דער ספרדי אינווייניג וואס שטייט אין דאווענט אגאנצען טאג מיט קולות ביים שטענדער מיט די היט אויפן טלית...

[justify]די לעצטע פאר מאל וואס איך בין געפארן קיין ארץ ישראל, האב איך מחליט געווען אז איך גיי נישט דינגן א קאר. כאטש עס קאסט מער די אלע מניות און אוטובוסים, פיל איך אז כדי צו פילן די לעבן פון ארץ ישראל לוינט זיך צו אויפגעבן די הנאה פון האבן א פריוואטע קאר.

ווען איך בין געפארן קיין מירון בין איך געפארן מיט קו 982 פון ירושלים. מיען האט מיר געזאגט אז אויב איך וויל האבן א זיץ פלאץ זאל איך ארויפגיין אויף איינער פון די ערשטע תחנות ביי בר אילן און שמואל הנביא. למעשה האב איך פארשפעטיגט און איך בין ארויף ביי די תחנה פון שמגר ביי תכלת מרדכי. די באס איז געווען פול (עס איז קודם אריבערגעפארן א פולע באס וואס האט זיך נישט אפגעשטעלט). צו מיין מזל האב איך מיט מיין ווייב באקומען איינע פון די לעצטע פלעצער. אבער די באס האט נאך געדארפט אויפנעמען נאך מענטשן. איך בין געזעצן אויף די אונטערשטע זיץ.

ווען ער קומט אהן צו די נעקסטע תחנה קומען ארויף נאך מענטשן. און דערנאך איז ארויפגעקומען נאך מענטשן. איך טראכט וואס גייען די אלע טוהן? ביז געציילטע מינוט איז די אויף די ערד געזעצן א צעהן מענטשן!! עס האט זיך נישט געגלייבט וואס איך זעה.

צווישן דיע וואס זיצן אויף די ערד האב איך באמערקט א חייל. עס איז מיר געווען אומבאקוועם אז ער זיצט אויף די ערד און איך זיץ זיך אויף מיין 'באקוועמע' זיץ. בעט איך אים אז איך וויל זיך טוישן מיט אים. איך זאג אים אז ער ארבעט שוין גענוג שווער אז עס קומט נישט אז ער זאל זיצן אויף די ערד. ער האט אבער געזאגט אז ער איז אקעי און נישט מסכים געווען זיך צו טוישן.

אינמיטן די וועג איז דער מנהג המדינה אז מען מוז זיך אפשטעלן. איך האב מורא געהאט אז איך גיי פארלירן מיין פלאץ. האב איך געלייגט עפעס אויף מיין בענקל א זעקל וכדומה. אבער ווען מען איז ווייטער געפארן איז יעדער געגאנגען איש על מחנהו, און די אלע וואס זענען פריער געזעצן אויף די דורכגענג האבן זיך גלייך צוריקגעקערט צו זייערע פלעצער.[/justify]

בן אדם האט געשריבן:ליינענדיג פון דיין באזיך אין כותל האב איך קודם געמיינט אז די רעדסט פון דער ספרדי אינווייניג וואס שטייט אין דאווענט אגאנצען טאג מיט קולות ביים שטענדער מיט די היט אויפן טלית...

איך ווייס נישט וואס דו מיינסט. הרב עדס דאווענט מיט קולות ער איז א האלבע ספרדי און דאווענט מיט א ספרדישער הברה. ער זינגט די ווערטער מיט הארציגער ניגונים. קען זיין אז דו האסט געזעהן א צווייטע. זעה די בילד פון די לינק וואס איך האב געלייגט סיי זיין נאמען.

ראש הישיבה האט געשריבן:

בן אדם האט געשריבן:ליינענדיג פון דיין באזיך אין כותל האב איך קודם געמיינט אז די רעדסט פון דער ספרדי אינווייניג וואס שטייט אין דאווענט אגאנצען טאג מיט קולות ביים שטענדער מיט די היט אויפן טלית...

איך ווייס נישט וואס דו מיינסט. הרב עדס דאווענט מיט קולות ער איז א האלבע ספרדי און דאווענט מיט א ספרדישער הברה. ער זינגט די ווערטער מיט הארציגער ניגונים. קען זיין אז דו האסט געזעהן א צווייטע. זעה די בילד פון די לינק וואס איך האב געלייגט סיי זיין נאמען.

אה עם האב איך געזען עטליכע מאל. דאס ערשטע מאל אפאר יאר צוריק אויף א פרייטיג צינאכטס איז ער געשטאנען ביי די בימה אינמיטן די שטח פון כותל, מיט אסאך קוקער'ס/חסידים ארום עם

ראש הישיבה האט געשריבן:

בן אדם האט געשריבן:ליינענדיג פון דיין באזיך אין כותל האב איך קודם געמיינט אז די רעדסט פון דער ספרדי אינווייניג וואס שטייט אין דאווענט אגאנצען טאג מיט קולות ביים שטענדער מיט די היט אויפן טלית...

איך ווייס נישט וואס דו מיינסט. הרב עדס דאווענט מיט קולות ער איז א האלבע ספרדי און דאווענט מיט א ספרדישער הברה. ער זינגט די ווערטער מיט הארציגער ניגונים. קען זיין אז דו האסט געזעהן א צווייטע. זעה די בילד פון די לינק וואס איך האב געלייגט סיי זיין נאמען.

איך גלייב נישט אז ער רעדט פון הרב עדס, ווייל הרב עדס טראגט נישט קיין הוט, נאר טראגט אזא סארט גערע קאפל וזהו.
אזוי אויך דאווענט ער כמעט אייביג אינדרויסן אונטערן הימל און נישט אינערווייניג, [און בדרך כלל שטייט ער נישט ביים שטענדער].

------
בן אדם האקט.
יא, צוגעטראפן! דאס איז הרב עדס.

אדנירם האט געשריבן:

ראש הישיבה האט געשריבן:

בן אדם האט געשריבן:ליינענדיג פון דיין באזיך אין כותל האב איך קודם געמיינט אז די רעדסט פון דער ספרדי אינווייניג וואס שטייט אין דאווענט אגאנצען טאג מיט קולות ביים שטענדער מיט די היט אויפן טלית...

איך ווייס נישט וואס דו מיינסט. הרב עדס דאווענט מיט קולות ער איז א האלבע ספרדי און דאווענט מיט א ספרדישער הברה. ער זינגט די ווערטער מיט הארציגער ניגונים. קען זיין אז דו האסט געזעהן א צווייטע. זעה די בילד פון די לינק וואס איך האב געלייגט סיי זיין נאמען.

איך גלייב נישט אז ער רעדט פון הרב עדס, ווייל הרב עדס טראגט נישט קיין הוט, נאר טראגט אזא סארט גערע קאפל וזהו.
אזוי אויך דאווענט ער כמעט אייביג אינדרויסן אונטערן הימל און נישט אינערווייניג, [און בדרך כלל שטייט ער נישט ביים שטענדער].

------
בן אדם האקט.
יא, צוגעטראפן! דאס איז הרב עדס.

ווען איך בין געווען האט ער געדאוונט אינעווייניג.

איך דערמאן זיך אז איך האב פארגעסן צו שרייבן אז ער האט לעבן זיך א גרויסע באטל וואסער. כסדר ווען ער פילט אפיסת הכוחות כאפט ער א טרינק גלייך פון די באטל. א מחזה וואס לוינט זיך צו זעהן פאר זיך.

[justify]ווען מען דרייט זיך אין די גאסן קען מען כסדר זעהן אינטרעסאנטע זאכן. איך רעד נישט אז מען קען כאפן א קיתון של שופכין פון די ספאנדזשא וואס רינט ארויס פון די הייזער. איך רעד סתם טעגליכע זאכן איז איטרעסאנט. צו זעהן ווי די קינדער גייען אין שולע. טויזענטער קינדער פון גרויס ביז קליין גייען אליינס צו שולע. אויסער די קינדער וואס גייען אין גן ילדים פארן כמעט אלע מיט די שטאטישע תחבורה, אדער גייען זיי צופיס. ווען דו גייסט ארויס אין גאס בערך האלב נאך אכט שטרומט די גאסן ביז בערך ניין אזייגער ווען די גאסן ווערן שטילער ביז בערך נאך איינסער וואס די מיידלעך האבן שוין דעמאלס געענדיגט זייער טאג אין שולע.

אינטרעסאנט צו זעהן אז אויפן וועג אהיים איז א נארמאלע זאך אז א קינד זאל זיך אפשטעלן אין א געשפעט צו קויפן זיך א גוטע זאך פאר א פאר שקל. אויב דו וועסט שטיין ביי די געשעפט מיצי אורי אין יענער צייט וועסטו זעהן ווי קינדער אין מיידלעך קויפן זיך א גוטע דרינק אדער גייען זיי אריין אין פיצה אורי אין קויפן זיך א 'משולש' פאר זיי גייען אהיים, אזאך וואס דאכט זיך אז דאהי איז עס נישט איינגעפירט.[/justify]

ראש הישיבה האט געשריבן:[justify]ווען מען דרייט זיך אין די גאסן קען מען כסדר זעהן אינטרעסאנטע זאכן. איך רעד נישט אז מען קען כאפן א קיתון של שופכין פון די ספאנדזשא וואס רינט ארויס פון די הייזער. איך רעד סתם טעגליכע זאכן איז איטרעסאנט. צו זעהן ווי די קינדער גייען אין שולע. טויזענטער קינדער פון גרויס ביז קליין גייען אליינס צו שולע. אויסער די קינדער וואס גייען אין גן ילדים פארן כמעט אלע מיט די שטאטישע תחבורה, אדער גייען זיי צופיס. ווען דו גייסט ארויס אין גאס בערך האלב נאך אכט שטרומט די גאסן ביז בערך ניין אזייגער ווען די גאסן ווערן שטילער ביז בערך נאך איינסער וואס די מיידלעך האבן שוין דעמאלס געענדיגט זייער טאג אין שולע.

אינטרעסאנט צו זעהן אז אויפן וועג אהיים איז א נארמאלע זאך אז א קינד זאל זיך אפשטעלן אין א געשפעט צו קויפן זיך א גוטע זאך פאר א פאר שקל. אויב דו וועסט שטיין ביי די געשעפט מיצי אורי אין יענער צייט וועסטו זעהן ווי קינדער אין מיידלעך קויפן זיך א גוטע דרינק אדער גייען זיי אריין אין פיצה אורי אין קויפן זיך א 'משולש' פאר זיי גייען אהיים, אזאך וואס דאכט זיך אז דאהי איז עס נישט איינגעפירט.[/justify]

יא יא, אסאך פון די קינדער קויפן טאקע אן אפילו וואס די עלטערן זאלן וויסן דערפון...
מ'מיז עס אויפעסן נאך פאר מ'קומט אן אהיים. [emoji13]

ראש הישיבה האט געשריבן:אינטרעסאנט צו זעהן אז אויפן וועג אהיים איז א נארמאלע זאך אז א קינד זאל זיך אפשטעלן אין א געשפעט צו קויפן זיך א גוטע זאך פאר א פאר שקל. אויב דו וועסט שטיין ביי די געשעפט מיצי אורי אין יענער צייט וועסטו זעהן ווי קינדער אין מיידלעך קויפן זיך א גוטע דרינק אדער גייען זיי אריין אין פיצה אורי אין קויפן זיך א 'משולש' פאר זיי גייען אהיים, אזאך וואס דאכט זיך אז דאהי איז עס נישט איינגעפירט.

איך מיין איר זענט נאך נישט געווען אין גראסערי 4:30 ווען דע מיידליך פארלאזען דע שולע (סקול בלע"ז)בפרט דע געשעפטען ארום דע שולע
איך דערמאן מיר יעצט ביי 12 יאר ווי מען האט זיך אנגעפילט דע טאשען נישט פאר 1 שקל נאאר פאר 5 דאלער

ראש הישיבה האט געשריבן:[justify]אינטרעסאנט צו זעהן אז אויפן וועג אהיים איז א נארמאלע זאך אז א קינד זאל זיך אפשטעלן אין א געשפעט צו קויפן זיך א גוטע זאך פאר א פאר שקל. אויב דו וועסט שטיין ביי די געשעפט מיצי אורי אין יענער צייט וועסטו זעהן ווי קינדער אין מיידלעך קויפן זיך א גוטע דרינק אדער גייען זיי אריין אין פיצה אורי אין קויפן זיך א 'משולש' פאר זיי גייען אהיים, אזאך וואס דאכט זיך אז דאהי איז עס נישט איינגעפירט.[/justify]

די סטארס דארטן מאכן מער געלט פון די קינדער ווי די עלטערן נעבעך.