צווישן גראז איך שפאציר
איך זעה דעם ברייטן ים
ווארעמע זון-שטראלן איך שפיר
קלארע לופט, א געטליכע טעם,
ביימער הויעך ווי גראדע שטאנגען
אויף זיי בלעטער אין סוף אין צאל
פויגל צוויטשקענען זיסע געזאנגען
איבער א טייך אין א טיפע טאל
די טייכל אויף איר וועג גייט
קיינער קען איר נישט אפהאלטן
ביז ביים וואסערפאל זי פאלט
און טוט די וואלד שטילקייט שפאלטן,
אלע טיילן פון נאטור שטעלן זיך צוזאם
פארמירן א בילד, די אטעם עס פארנעמט,
איך פרוביר זאגן מיט ווערטער מיט גראם
וואס נאר די גרעסטע מעלער וואלט געקענט,
און צווישן זיי אלע איך זוך מיין מקור
ווער בין איך, וואו איז מיין אפשטאם,
בין איך ווי זיי א פראדוקט פון נאטור
א געוויקס ווי גראז, געוואקסן אין ים,
צי קום איך גאר פון העכערע ספערן
א באשאף פרעמד צו די גאנצע ארום
צו א העכערע כח איך טו געהערן
וואס בעט זיך, צוריק צו מיר קום,
פון וואו?
-
רויטע וואנצעס
- שריפטשטעלער
- הודעות: 4863
- זיך רעגיסטרירט: דאנערשטאג יוני 27, 2013 1:17 pm
- געפינט זיך: אין א לאוו רילעישינשיפ מיט גאט און מיט די מענטשהייט.
- האט שוין געלייקט: 8315 מאל
- האט שוין באקומען לייקס: 8762 מאל
-
[NAMELESS]
