נאסטאלגישע זכרונות: די רעביצינס טשיז קעיק!

[זיניגער]

אהה דעם רעביצינס טשיס קעיק, די וואס דענקן נאך שטעלן זיך נאך היינט אויף בקומה זקיפה פארן נאמען אליין, דאס האט געהאט די מאקסומום קעיז פין סיי וועלעכע טשיס קעיק אופן כדור העולם, טראץ די דיקקייט דערפין האט זיך דאס געשניטן הערליך שיין, יעדע סלייס איז געבליבן מיט איר אייגענארטיגע איידענטיטעיט ער איז חלילה נישט צעפארן אדער צערינען, די ברעזל שיין ציגאסן בשמים ממעל האט ציגעגעבן אביסל א קריספ בנותן טעם.

מאחורי הפרגוד האט מיר עמיצער אנפארטרויט סקומט פאר מדי שנה לשנה א ״רעביצינס טשיס קעיק פארטי״ עס באטייליגן זיך דארט געשוואירענע שונאים אבער מאכן א פייער אפשטעל לשעה, באטייליגן זיך דארט אלע סאטמערע רביס, די רעביצינס געוועזענע שטוב מענטשן, בני יואל פארשטייער, נטרונא, נטורא קרתה, אלטע אפגעפארענע סענדז סטריט בוקעס טראק דרייווער, אלעס מאכט שלום מקומט זיך ציזאם עסן דעם רעביצינס טשיס קעיק.

א לעגענדע פארציילן געוויסע מענטשן אז ביים ערשטן יארצייט פינעם אלטן סאטמערע רעביצין האט עמיצער שפעט אויף דער נאכט ווען קיינער איז שוין נישט דארט געווען אראפגעלייגט א בעקעלע פין די רעבעצינס טשיס קעיק נעבן די ליכט ביי איר קבר, נישט מער נישט ווייניגער עס האבן ארויסשפאצירט פין די ארימיגע קברים די חברה אינאיינעם מיט ר׳ יוסל אשכנזי ז״ל בראש אין שטייטערהייט שטילערהייט זיך צילאזן אויפן טאץ טשיס קעיק (סהייסט די רעבעצין האט אויך געכאפט א לעק אבער זיי האט דאס תיכף ומיד אויסגעשפיגן אין געשריגן אז דאס איז פאלשע מעשיות נישט די ארגינעלע, אבער די חלק פינעם מעשה האט נישט קיין קראנטע מקור) מהאט נעבעך דעם אנדערן אינדערפרי געטראפן דעם איד זיצן אויפן הויכן וואסער טאנק נעבן בית החיים מהאט אים בשום אופן נישט געקענט איבערצייגן אראפקומען.

אלנפאלס די היימישע אידן דא זאלן זעהן פארלאנגן אין שטוב די בעה״בסטע זאל צישטעלן די ארגינעלע טשיס קעיק כנהוג נישט די אלע פענסי שמענסי טשיס קעיק וואס האט מער קאקי אין קרעים ווי קעיז, שבועות איז א מצוה צי עסן קעיז נישט קאקי.