באזוך פונ'ם פויפסט אין ניו יארק

[דריידל]

אין צוויי וואכן ארום, סעפטעמבער 24 למס' איז ערווארטעט אז די פויפסט וועט אפשטאטן א באזוך אין ניו יארק סיטי. די באזיך איז א טייל פון זיין רייזע איבער מערערע שטעט אין אמעריקא ווי מיליאנען קריסטן זענען ערווארטעט ארויסצוקומען אים מקבל פנים צו זיין.

די פויבסט וועט פראווענען אין ניו יארק כמעט צוויי טעג, פון דאנערשטאג נאכמיטאג ביז שבת אינדערפרי ווען ער וועט אפפליען קיין פילידעלפיא. זייענדיג דא, וועט ער צווישן אנדערע אויפטרעטן ביי די יונייטעד נעישאנס דזשענעראל אסעמבלי, באזוכן די 9/11 מעמאריאל, דורכפארן סענטראל פארק און פלעפלערן אין מעדיסאן סקוויר גארדן.

פאר אונז איז גאנץ א קנאפע נפקא מינא ווי פינקטליך ער וועט זיין און וואס ער וועט טון. וואס איז יא נוגע איז דאס וואס אלע ניו יארקער צוגלייך וועלן אפעקטירט ווערן, נעמליך די שרעקליכע טרעפיק וואס דאס וועט אנמאכן. להבדיל בין קדושה לטהרה, בין יום ולילה, ובין אדמו"ר לפויפסט איז די אלע וואס רעדן זיך אפ אויף כבוד דורכען אויפרעגן אנדערע און שרייבן אן אפענע בריוו צו ראשי ועסקני ק"ק פאפא זאלן נאר זעהן וואס וועט זיך טון ביים פויבסט. אויך וועט מען קענען זיך איבערצייגן אז סוס ורוכבו: די קארס פון אונזערע רבי'ס שליט"א איז נאך היבש אינטערשטעלינג.

אלע פאראויסזאגער ווארענען אז די טרעפיק אין יענע טעג וועט זיין אויסערגעווענדליך און מ'זאל זעהן אויסצומיידן די גאנצע געגענט. טאמער מ'וועל מיר זיך דערוויסן פון נוצבארע טיפס וועלן מיר דאס בל"נ מיטטיילן מיט'ן עולם.

[[NAMELESS]]

זיסע נקודה, אבער...

דער פויבסט וואוינט נישט אין באראפארקוויליאמסבורגמאנסיקריתיואלשיכון סקוויראוהגלילות, און ער אפעקטירט נישט אונזער טאג טעגליכן לעבן. סך הכל איינמאל אין וויפיל יאר?!
נאך עפעס, א פויבסט איז נאר דא איינס, אבער פויבסטי סאטמאר-סאטמאר-באבוב-באבוב45-סקווירא-סקוויראבאראפארק-סקאליע48-סקאליע18-וויזשניץ-בעלזא-סקולען-פאפא-ואטו-כי-רוכלא-ליחשוב-וליזיל זענען צופיל פויבסטן פאר אונז.

[ירא שמים]

ער גייט רעדן וועגן געי מערידזש ?

[דריידל]

זיסע נקודה, אבער...

דער פויבסט וואוינט נישט אין באראפארקוויליאמסבורגמאנסיקריתיואלשיכון סקוויראוהגלילות, און ער אפעקטירט נישט אונזער טאג טעגליכן לעבן. סך הכל איינמאל אין וויפיל יאר?!
נאך עפעס, א פויבסט איז נאר דא איינס, אבער פויבסטי סאטמאר-סאטמאר-באבוב-באבוב45-סקווירא-סקוויראבאראפארק-סקאליע48-סקאליע18-וויזשניץ-בעלזא-סקולען-פאפא-ואטו-כי-רוכלא-ליחשוב-וליזיל זענען צופיל פויבסטן פאר אונז.

פארשטייט זיך אז ס'איז נישט קיין דמיון. נאכמער, ביים פויפסט שפארט מען אפ גאסן צוליב סעקיוריטי, וואס מ'איז ערענסט באזארגט פאר זיין וואילזיין און נישט אלץ א מיטל צו ציען די מאסן.

[ציבעלע-קיגל]

לאמיר זעהן וויפיהל פון אונזער צאדיקים און רעבנים וועלען איהם גיין באזוכען ביי די מסע המלכות. וויפיהל היתרים קענען זיי טרעפען אויף אויפנעמען דעם גרויסען גאסט

[גנדי]

א חרדישע חסידישע איד מען גיין מיטהאלטן די קבלת פנים פון פויפסט?

להלכה ולא למעשה

[מבקר]

הרב יעקב עדס. דרשה לרגל ביקור האפיפיור בישראל אשתקד.

[mevakesh]

Washington not ny

[געוואלדיג]

זה לעומת זה, פונקט ערב יום הקדוש.

[קאווע טרינקער]

פארוואס האט ער אויסגעטוהן זיין קאפעל גלייך ווען ער איז אנגעקומען? זעהט זיך אויס אז אמעריקע מאכט קאלט נישט נאר אידישקייט.
I feel like going again to mikve b4 כל נדרי.

[ליפא]

לייק פארן לעצטן שורה

[berlbalaguleh]

זיסע נקודה, אבער...

דער פויבסט וואוינט נישט אין באראפארקוויליאמסבורגמאנסיקריתיואלשיכון סקוויראוהגלילות, און ער אפעקטירט נישט אונזער טאג טעגליכן לעבן. סך הכל איינמאל אין וויפיל יאר?!
נאך עפעס, א פויבסט איז נאר דא איינס, אבער פויבסטי סאטמאר-סאטמאר-באבוב-באבוב45-סקווירא-סקוויראבאראפארק-סקאליע48-סקאליע18-וויזשניץ-בעלזא-סקולען-פאפא-ואטו-כי-רוכלא-ליחשוב-וליזיל זענען צופיל פויבסטן פאר אונז.

אדנירם: ייש"כ פאר מעורר זיין אזא פרייליכע נקודה אום ערב יום כיפורים. די אידישע פויפסטן און פויפסטליכקייטן זענען נאך צום דערליידן. אבער ווען דער גוי'איש'ער פויפסט קומט איז עס דאך נישט אונזער שמחה. און דער פאקט איז אז דאס וועט אפעקטירן דעם טראפיק אפילו אין וויליפעסט און בארא פארק. און פלעטבוש. און אפשר אין די אפסטעיט אידישע געגנטער אויך. ווייל דאס לעצטע מאל וואס דער אמעריקאנער פרעזידענט אבאמא, ירום הודו (כדברי הרב ש.ש.ט. פון'ם בלאט, שליט"א( איז דא געווען. טאקע נאר אין מידטאו מאנהעטן, אבער דאס האט געשטערט דעם טרעפיק אויף פארט העמילטאן פארקוועי. און אויך אויף די אנדערע הייוועיס ווי בי,קיו. אי. און לאנג-איילענד עקספרעססוועי. אויך אלע ארומיגע הייוועיס וועלכע פיהרן צו די בריקן און טונעללן קיין מאנהעטן...! א גוט יו"ט...

[chusid]

vimeo.com/140268146

[[NAMELESS]]

אפגעזען דעם שמועס איבער אימיגראנטן, באנעמט מיר דעם קליפ. אזא אצילות פונעם הייליגן רבי'ן...

אמרו עליו על רבינו פראנציס הזקן, שהיה מחבב ומוקיר כל אדם באשר הוא, וקירב אף ילדים ממש, הגם שזכה לחסידים לרבבות ולביליונים, מ"מ לא זנח אף אדם באשר הוא אדם, ומתוך כך למדו ז"ל מה שמסופר על רבי מאיר שהיה מקדים שלום לכל אדם אפילו לנכרי שבשוק.

מה נהדר היה מראה כהן גדול, בצאתו על רכבו ופרשיו בבגדי לבנים, ותוארו כפני מלאך בלא בלא בלא...

[פאפיטעס]

איין זאך וואס ער געפעלט מיר שטארק, איז טראץ זיין שטארקע פאליטישן פארגאנגענהייט ווי ער רעדט אריין אין רוב ענינים האלט ער זיך אינדרויסן פון די היימישע פאליטיק פון די רעפובליקאנער/דעמאקראטן.
ער האט זיך נעכטן געטראפן מיט דזשעב בוש און הילערי קלינטן אין ביידע געווינטשן סוקסעס...

[דריידל]

שש, דיין אויסרומען די פויבסט איז אן ערענסטע שאלה צו מ'מעג, אפילו ס'איז געשריבן אביסול סארקאסטיש. כ'האף אז די האסט מברר געווען אז וואס די האסט געשריבן אבער פארגעס נישט אז ע"ז איז פון די שלש חמורות און ס'נישט די פלאץ מקיל צו זיין.

[ליטוואק פון בודאפעסט]

איין זאך וואס ער געפעלט מיר שטארק, איז טראץ זיין שטארקע פאליטישן פארגאנגענהייט ווי ער רעדט אריין אין רוב ענינים האלט ער זיך אינדרויסן פון די היימישע פאליטיק פון די רעפובליקאנער/דעמאקראטן.
ער האט זיך נעכטן געטראפן מיט דזשעב בוש און הילערי קלינטן אין ביידע געווינטשן סוקסעס...

יעדער לעבט אין זיין הויט, און דערנאך קען מען מיינען אז אנדערע זענען אויך דארט!
דער פויבסט איז נישט קיין אמעריקאנער און קיינמאל נישט געווען. די פארמעסטען אין אמעריקאנער פאליטיק זענען נישט זיין זארג. וואס עפעס מיינסטו אז ער האט אפילו געטראכט פון דער נושא?

[געוואלדיג]

איך וועל זאגן דעם אמת, אפילו אז שש וועט טרעפן א ענטפער און ער וועט אפילו זיין גערעכט, פארט שטעכט דאס אין די אויגן אזעלעכע ווערטער וועגן דעם אבי אבות הטומאה.

[נורמאלי]

אונז האמיר נאך דעם פאפיפאביע פונעם אלטע היים, ווען די טשורטש איז נאך געווען בתוקפו, און רעליגיע האט דאמאנירט די טאג טעגליכע ווערטשאפט פונעם אלגעמיינעם פאלאק, ראמעינאר, אוקריינער, ווען די די מענטשהייט האט נישט עקזיסטירט אן רעליגיע.

ווידעראום היינט איז די גאנצע וואטיקאן מיטן פויבס אינאיינעם נישט מער ווי צערימאריעל, עס האט זילטש מיט רעליגיע, אונזער פויבס ירום הודו, איז א ליבעראלע פיגור, זיין עקאנאמיע איז סאציאליסטיש, ער שטיצט אלע סארט הייראטן, זיין באנעמונג צו אנדערע רעליגיעס איז זייער רעספעקטפול, אריינגערעכנט די אידישע און להבדיל מוסלומענע רעליגיעס, פארגאנגענעם יוני האט ער דערקלערט אז אלע קריסטן האבן אידישע שרשים, און מיר זענען נישט קיין סטרענדזשערס.

בקיצור, אונז מעג מיר זיך שוין עטוואס אראפ נידערן אונזער טאון כלפי די וואטיקאן.

[[NAMELESS]]

שש, דיין אויסרומען די פויבסט איז אן ערענסטע שאלה צו מ'מעג, אפילו ס'איז געשריבן אביסול סארקאסטיש. כ'האף אז די האסט מברר געווען אז וואס די האסט געשריבן אבער פארגעס נישט אז ע"ז איז פון די שלש חמורות און ס'נישט די פלאץ מקיל צו זיין.

קודם כל, מכל מלמדי השכלתי. איך האב נישט גערעדט פון זיין הנהגה אין רעליגיעזע ענינים וואו ס'קען בכלל זיין א שמועס, איך האב גערעדט פון הנהגה פרטית פוןן מענטשליכקייט. און דארט איז דא מקום פאר יעדן מענטש צו רימען, און אודאי ווען מיר קענען זיך עפעס לערנען דערפון. דאס אז ער דינט אלס פרעזידענט פון ע"ז פלוני ואלמוני, פסל'ט נישט דער מציאות אז ער - אלס מענטש - זאל טון א גוטן טהאט, און זאל באקומען קרעדיט פאר דעם, און מיר זאלן זיך אפלערנען פון אים.

שנית, והיא העיקר. איך האב געמיינט ארויסצוברענגען אז אנשטאטס שרייבן 'רבינו פראנציס הזקן' וואלט איך געקענט שרייבן 'רבינו אדמו"ר הזקן' לחסידות פלונית, און דעמאלס וואלט דער עולם נשתומם געווארן פון זיין א.ג. 'גדלות'. די מוסר השכל איז פילפאכיג, ותן לחכם ויחכם עוד.

איך וועל זאגן דעם אמת, אפילו אז שש וועט טרעפן א ענטפער און ער וועט אפילו זיין גערעכט, פארט שטעכט דאס אין די אויגן אזעלעכע ווערטער וועגן דעם אבי אבות הטומאה.

געוואלדיג'ס הרגשה, איז טאקע א ריכטיגע הרגשה. איך האב מיך אליינס געקווענקלט צו כ'זאל עס שרייבן צו נישט, אבער פארט האב איך באשלאסן אז די נקודה איז גענוג ווערט אז כ'זאל עס באשרייבן.

[ראוונע]

די פויבסט האט יעצט אויפגעטרעטן פאר א דזשוינט סעשאן אין קאנגרעס

[ציבעלע-קיגל]

פארוואס האט ער אויסגעטוהן זיין קאפעל גלייך ווען ער איז אנגעקומען? זעהט זיך אויס אז אמעריקע מאכט קאלט נישט נאר אידישקייט.
I feel like going again to mikve b4 כל נדרי.

די לעצטע ליין געפעלט מיר נישט... בעסער צו קוקען אויף איהם ווי אויף די אלע היינטיגע (אזוי גערופענע) רעבנים

[גראף]

@שמעקעדיג אלערט