קאווע שטיבל

אויף יו טיוב האב איך געפונען עטליכע - טייל גאר פאפולערע - אידישע פילמען, געמאכט דורך אידישע טעאטער שפילער אינעם פאר - מלחמה'דיקן פוילן אינאיינעם מיט ניו יארקער פראדוצירער, איך פאר מיר האב - טייל פון זיי - שוין לאנג געזוכט, און איך שטעל זיך פאר עס קען זיין אינטערעסאנט פאר אנדערע אויך, לייג איך עס אהער.

די בכורה קומט זיכער פאר די מסתמא מערסט באקאנטע פילם, 'טובי' דער מילכיגער'. דאס איז אראפ געשפילט די לעבנס געשיכטע פון א כאראקטער אין שלום עליכם'ס ביכער. דרייסיג יאר שפעטער בערך האט מען פון די זעלבע געשיכטעס געמאכט דעם וועלט בארימטן פילם - אויף ענגליש - 'פידלער אן די רוף'. יענץ איז מער באריכות, קאווערט מער טעכטער און עקספלאורט מער די מענטשליכע געפילן. אבער די אידישע איז דאך פארט אידיש, און איז מסתמא מער נענטער צום מקור (אליין א פיקטיווע באשעפעניש).

די צווייטע לייג איך מיין פעיוואריט, 'א בריוועלע דער מאמען'. איך גלייך דאס די מערסטע סאם האו.

'מאמעלע' - מער א קאמעדיע ווי סובסטאנץ.

'דעם חזן'ס זון' חלק א, חלק ב - א פילם געמאכט אין אמעריקע, דער חזן אינעם פילם (דער זון) איז דער בארימטער חזן 'משה אוישערס'.

'דער פורים שפילער' - נישט געקענט געהעריג וואטשן צוליב די פוילישע איבערזעצונג וואס שרייט איבער די אריגינעלע.

Laughter Through Tears - איצט געפינען תוך כדי שרייבן די תגובה, אור אלט, די סאונד טרעק עקסטער צוגעלייגט.

מ'זאל געדענקען פיל מאל איז דא שאלות פון קול באשה.