קאווע שטיבל

חברה, ווער וויל האבן א חלק אין מאכן א קידוש ה'? דא אין איסט ראמאפּא זענען מיר אריבער שווערע צייטן די לעצטע צוויי יאר. ב"ה לעצטנס זעט מען אסאך שינויים לטובה. די וואך ביי א סקול באורד מיטינג האט דער מארטשינג בענד פונעם דיסטריקט פערפארמד און באקומען א סטענדינג אוועישאן. ס'איז געווען א גרויסער קידוש ה'. בכלל האט געהערשט זייער א פאזיטיווער טאן ביי די מיטינג. ס'איז געווען דאס ערשטע מאל אין א לאנגע צייט וואס מען האט נישט געהערט קיין אטאקעס קעגן די חרדים. דער נייער סופעראינטענדענט וואס דער באורד האט געשטעלט איז אפּלאדירט געווארן דורך די גוים און דורך די חרדים. בקיצור מען מאכט ערנסטע פראגרעס צו פאררעכטן די אנגעצויגענע באציאונגען.

דער מארטשינג בענד האט הוצאות פון אפאר טויזנט דאלאר א יאר (ס'קאסט די טיטשערס און די אינסטרומענטס). די גוים קוקן דאס אן ווי גאר א קריטישע זאך צו געבן פאר די סטודענטס א גאול אין לעבן. זיי זאלן זיין ביזי מיט א האבי און נישט טאן דראגס וכו'. אבער זיי ווערן נישט געפאנדעד דורך די דיסטריקט. איינע פון די אטאקעס קעגן אונז די לעצטע פאר יאר איז געווען אז מען שטעלט נישט צו קיין געלט פאר זייערע פּראגראמען. דא האבן מיר א געלעגנהייט מיט אפאר דאלאר צו ווייזן די גוים אז מיר זוכן זיי נישט אונטערצוברענגען אזוי ווי די שונאי ישראל העצן. כ'בעט יעדן וואס האט איבעריגע צוואנציג, אדער פופציג דאלאר, אדער אפילו נאר פינף דאלאר זאל ביטע קאנסידערן צו דאנעיטן פאר זייער מארטשינג בענד.

ווי שיין וועט זיין ווען די פּרעסע וועט מוזן באריכטן אז די חסידים האבן געפאנדעט דעם מארטשינג בענד און נאכדערצו פון פּריוואטע נדבות.

https://www.gofundme.com/fqkbtg