קאווע שטיבל

דיע קורצע שבת טעג איז א טאטאלע דיזעסטער פאר מיר,איך געב מיך נישט קיין עצה מיט די סדר היום.
לאור זאת וויל איך פרובירען דאווענען זיבען דרייסיג אכט אזייגער,אזוי האב איך נאך עפעס צייט צו אטעמען אוכט.
אויב איינער וויל זיין לאחיעזר,ביטע ציוויסען טוהן ווי מקען טרעפן א פריע מנין שבת אינדערפרי און בארא פארק.
יא איך ווייס פון שומר שבת בעיסמענט 8 אזייגער מנין,ווי סדאווענען א צאהל קערעקטערס פון שטאט,איך זיך עפעס בעסערע אפציעס.

סטאלין

צייט ?

כמדומני אז זיי דאווענען אן ערך 8 אזייגער (לעולם)

אין אלע ברסלב שולן דאווענט מען פרי

סתם נייגעריג, פארוואס גיבסטו זיך נישט קיין עצה מיטן סדר היום? וואס נאך טוט מען פון צופרי, אויסער דאווענען, סעודה, און א דרימל?
אויב עפעס, קען מען זומער צעפלאצט ווערן פון אזויפיל צייט אין די לאאאאנגע נאכמיטאג'ס. אויב לערנט מען נישט, איז די צייט זייער לאנגווייליג.

לעיקוואוד מנין האט א פריער מנין. אין ישיבת שערי ישר פלעגט זיין א נוסח אשכנז מנין אום שבת, איך ווייס נישט צו ס'גייט נאך אן. אין קהלת 'וצבי הערש' לעבען אמונת ישראל דאווענט מען יעדען טאג כוותיקין. די אלע דאווענען נוסח אשכנז, און די לעצטע איז גאר כמנהג הגר''א.

אינטערעסאנט איך זיך א מנין 11 אזייגער 9 איז צו פרי ..

mevakesh האט געשריבן:אינטערעסאנט איך זיך א מנין 11 אזייגער 9 איז צו פרי ..

א צוועלעווער איז נישט גענוג? וויפיל איז די שיעור צו שלאפן?

קיינמאל נישט גענוג שינה בשבת תענוג

ער וויל לערנען, קענישט זיין?

ירא שמים האט געשריבן:ער וויל לערנען, קענישט זיין?

קען ער דאווענען פרי און לערנען נאכמיטאג חוץ טאמער ער וויל דוקא לערנען פארן דאווענען קען ער אויך אויפשטיין פרי דאווענען און זיך צולייגן נאכמיטאג

שמעקעדיג האט געשריבן:סתם נייגעריג, פארוואס גיבסטו זיך נישט קיין עצה מיטן סדר היום? וואס נאך טוט מען פון צופרי, אויסער דאווענען, סעודה, און א דרימל?
אויב עפעס, קען מען זומער צעפלאצט ווערן פון אזויפיל צייט אין די לאאאאנגע נאכמיטאג'ס. אויב לערנט מען נישט, איז די צייט זייער לאנגווייליג.

איך דארף אייגענע צייט א יעדן טאג און בפרט שבת
דאווענען,דרימעל,סעודה, איז נישט קיין אייגענע צייט.
וואס איך טוה ווען איך האב אייגענע צייט ?
אמאל לערנען,אמאל ליין איך א בוך,אמאל טראכט איך עפעס אדורך,און אמאל קלאץ איך מיט א געשמאק,און אמאל פארווייל איך מיט די ווייב צו מיט די קינדער,צומאל טשיל איך מיט א שכן.

ליטוואק פון בודאפעסט האט געשריבן:לעיקוואוד מנין האט א פריער מנין. אין ישיבת שערי ישר פלעגט זיין א נוסח אשכנז מנין אום שבת, איך ווייס נישט צו ס'גייט נאך אן. אין קהלת 'וצבי הערש' לעבען אמונת ישראל דאווענט מען יעדען טאג כוותיקין. די אלע דאווענען נוסח אשכנז, און די לעצטע איז גאר כמנהג הגר''א.

איך האב גארנישט קעגן נוסח אשכנז,אדער נוסח גר״א,איך זיך אבער צו דאווענען מיט לייכטערע מענטשען.

ברסלב 16, ותיקין אויף 51

אין די ספרדישע שול איז דא א 6:30 מנין
אין גער דאווענען זיי אויך פרי. איך מיין 7:30 אלעמאל.

לעיקוואוד מנין איז מסתמא שווערע מענטשען, וותיקין איז דאך וותיקין (וכידוע מפרק שירה - משוגעים אומרים: ייראוך עם שמש). אבער שערי ישר איז דוכט זיך א גרויסע ליידיגער צימער. איך האב איין מאל אין לעבן געוויילט שבת אין ב.פ. אין תשס''א, אבער אזוי געדענק איך.

שומרי אמונה אויף 14 און בני יהודה אויף זעכצן פלעגן האבן א זיבענער מנין. דאס ווייס איך פון אפאר יאר צוריק איך בין נישט זיכער אויב עס גייט נאך אן

Kool man האט געשריבן:ברסלב 16, ותיקין אויף 51

וותיקין: זאלל דער אייבישטער אפהיטן. כ'האב אמאל געדארפט גיין צו א שבת'דיגן ברית אין צווייטן עק שטאט (עוו. זי...) האביך געדאוונט וותיקין. 3שעה מיט 15 מינוט. מ'קען צופלאצט ווערן. ספעציעל ווען מ'איילט זיך...!

געווענדליך שלעפט מען נישט ביי וותיקין מניינים. ס'איז געמאכט פון אנגעזעצטע מענטשען, עלטערע בחורים אדער מענטשען וואס פארגעטערען דער סעקונדע פון וותיקין. אלע אנדערע זאכען זענען טפלים. אפשר האסטו זיך אנגעשטויסען אין א קבוצה עובדים וואס פראבירען אריינצולייגען וותיקין אינ'ם קארב פון עבודות. איך הער אז אין 'וצבי הערש' ענדיגט מען ר''ה ארום עלעף אזייגער, אנהייבענדיג ארום פערטעל פאר זעקס.

ליטוואק פון בודאפעסט האט געשריבן:געווענדליך שלעפט מען נישט ביי וותיקין מניינים. ס'איז געמאכט פון אנגעזעצטע מענטשען, עלטערע בחורים אדער מענטשען וואס פארגעטערען דער סעקונדע פון וותיקין. אלע אנדערע זאכען זענען טפלים. אפשר האסטו זיך אנגעשטויסען אין א קבוצה עובדים וואס פראבירען אריינצולייגען וותיקין אינ'ם קארב פון עבודות. איך הער אז אין 'וצבי הערש' ענדיגט מען ר''ה ארום עלעף אזייגער, אנהייבענדיג ארום פערטעל פאר זעקס.

ליטוואק פון בודאפעסט: דער הרב געווירץ שליט"א פון מנין וותיקין איז א ספעציעל געהויבענער איד, אן עובד ה'. ס'איז טאקע זייער שיין אז מ'דאוונט במתינות, וואס איך האב געוויינליך זייער שטארק ליעב. אבער ווען כ'האב מיך געאיילט צו ענדיגן דאווענען און עסן די סעודה פאר איך לאז מיך ארויס אויף א לאנגן וועג, ביניך צופלאצט געווארן פון דעם שטאאטן דאווענען און קריאת התורה...!