ליטוואק vs חסיד - בין אדם לחבירו

[פוחת ועומד]

שוין אסאך מאל וואס איז אויסגעקומען צו הערן (נישט דערהערן) פון חברים און אנדערע חסידישע אז ''דע ליטוואקס זענען די ערגסטע'' אדער ענליכס. איך האב עס קיינמאל נישט פארשטאנען פארוואס ס'דא גענוג פון אונז וואס האלטן אזוי, ווען איך פרעג זיי פארוואס און מיט וואס? האב איך נישט פארשטאנען פונקט די אלע תירוצים, אבער ס'האט אויסגעזען אז דאס איז עפעס וואס איך קען נישט דערגיין וויבאלד איך האב נישט צופיל א קאנטאקט מיט אנדערע און זיכער נישט מיט ליטוואקס.
אבער דאס ביסל וואס איך האב יא געהאט מיט לעיקוואודע אידן איז גאר עפעס וואס האט מיר געגעבן א פארקערטן בליק אויף זיי. ווען איך ווייל שבת אין לעיקוואוד עטליכע מאל אין יאר שטיי איך אלץ איין בחינם ביי אידן וואס גיין פונקט אוועק פאר שבת און זיי געבן איבער זייערע דירות הארצן גערן, שוין געווען וואס לאזן איבער צעטלעך אז מ'קען נוצן אלעס פון די הויז מיט א ברייטקייט אלעס מיט א שמייכל. פונקט...? ווי חסידים.
עכ''פ איך ווייס דאך אבער נישט אויב יענע זענען דע ליטוואקעס וועלכע געוויסע פון אונז חסידים בארעדן אזוי, זענען זיי אפשר ישיבה'ש? אדער סתם מאדערנע איך דערקען נישט. אבער לעצטענס האט מיר איינער פארציילט עפעס וואס אפשר ווארפט א ליכט וואס יענע מיינען ווען זיי ברענדען ליטוואקס ווי שלעכטע על אף וואס ס'מוז נישט זיין אז ס'איז ממקור הרע. ער האט געזוכט א פארקינג א שעה צייט שפעט אין דער נאכט ער האט גארנישט געקענט טרעפן בלית ברירה האט ער געפארקט אין א גרויסע הויף פון א ליטווישע ישיבה ביים עק אינגאנצן, דארט איז א גרויסע הויף וואו מ'שפילט באל אינמיטן טאג אביסל. ווען ער איז געקומען נעמען זיין קאר איז דער עפענונג געווען געבלאקט מיט א קאר דעם ראש ישיבה'ס קאר, ער האט אים אפירגעזוכט און מסביר געווען וואס ער האט געהאט צו זאגן, דער ליטוישע ר''י זאגט אים אבער אז ס'איז א פריוואטע לאט ממילא קען ער אים נישט העלפן... ער וועט מוזן היינט זיין אן א קאר.... ער גייט נישט רוקן זיין קאר פונעם טיר. יענער האט זיך איינגעבעטן שוין מיט טרערן אז ס'איז געווען בלית ברירה ממש און למעשה האט ער קיינעם געשטערט און ער מוז האבן זיין קאר פאר ביזנעס. אבער והוא באחד און דער ר''י שפאצירט אוועק יעצט ווער איז גערעכט? ס'מאכט באמת נישט אויס ווייל איינעם קען מען פארשטיין געפילש און דעם אנדערן קען מען פארשטיין לעגאל... אבער כ'קען נישט טראכטן פון א חסידישן ר''י טון אזאנס. איז אפשר דאס פשט וואס יענע זאגן? קען זיין. איז עס שלעכטקייט? אדער ענדערש מער דאס עצם ליטווישע תורה'דיגע פונקטלישקייט? איך האב קיין מיינונג.