קאווע שטיבל

וועפערייזער האט געשריבן:איך הער וואס דו זאגסט,
אן אינטרעסאנטע פשט האט מיסטער אנעים זמירות מחדש געווען, הרואה סוטה בקלקולה = ווער עס זעהט זאכען וואס זענען עם נישט אנגענעם, וואס פרעגן אפ זיינע דעות, יזיר עצמו מן היין = זאל ער שרייען הויך שייגעץ ארויס מ'טאר נישט וויסען מטאר נישט זעהן מטאר נישט הערן. א הערליך טייטש!

[tag]וועפערייזער[/tag], מיין לייק איז נאר פאר די חלק!

ווער זאגט מע טאר נישט שרייבען דעס און יענץ?

ביסט נאר ביזי שרייען און דו זאגסט נישט גארנישט. כאב נישט א אנונג וואס דיר שטערט דא.

איך בין די איינציגע וואס פארשטייט נישט אדער די אנדערע מאכען זיך נישט וויסענדיג ווען מע שרייבט און שרייט סתם אזוי ווי איינער שרייט אין שיל און מע לאזט איהם זיך אויס שרייען?

דעם סעריע מאמרים האב איך אנגעהויבען מיטען לשון חז"ל הרואה סוטה בקלקולו יזיר עצמו מן היין. למעשה דערווייל האב איך בעיקר נאר געשמועסט וועגן יזיר עצמן מן החומץ, נעמליך ארויסגעברענגט דעם געפאר פון ליינען כפירה, מינות און קשיות פון אלערליי האלבע מסכילים און גאנצע אפיקורסים.

אצינד וויל איך בעזה"י צוטרעטן צום עיקר הוראה פון יזיר עצמו – זיך גודר צו זיין אויך פון יין. איך בין נישט ראוי בכי הוא זה צו זיין א מוסר זאגער און מוכיח, און בעיקר מיין איך טאקע זיך אליין צו מוסר'ן. איך שרייב נאר מיינע געדאנקען ברבים כדי איך זאל אליין בעסער מקבל זיין.


לא'מיר אריינטראכטען אביסעל וואס איז דאס יין, און צו וואס קען עס צוברענגען. ביסודו איז וויין גאר א חשוב'ע זאך, מיט פארשידענע אייגענשפאטען וואס קיין שום אנדערע מאכל ומשקה פארמאגט נישט. מיר מאכען א ספעציעלע ברכה אויף וויין, און עס איז דא א שאלה אין די גמרא צי א קובע סעודתו על היין ווערט מחויב בברכת המזון.

חז"ל לערנען אונז אז וויין איז שמח וזיין – עס טוט סיי מאכען פרייליך און מונטער, און סיי זעטיגען. רבא האט געזאגט (שילהי הוריות) חמרא וריחני פיקחין – טרונקען וויין און שמעקען בשמים מאכט קלוג ווערן. מיר זעהן אויך ווי עס ווערט גענוצט ביי פיהל חשוב'ע ברכות, ווי צ.ב.ש. קידוש אן הבדלה, כדי די מצוה זאל ווערן מער אריינגעבאקען אין אונז (ווען עס קומט צוזאמען מיט א געשמאקען וויין – ספר החינוך).

מצד שני ווייסען מיר אבער אז ווען עס ווערט גענוצט נישט ריכטיג דאן מאכט עס אהן געפערליכע חרבנות. דער חכם מכל האדם זאגט (משלי כ' א') לץ היין הֹמה שכר וכל שֹׁגה בו לא יחכם – וויין ברענגט דער מענטש לידי טפשות, ער זאל שרייען און זיך נאריש מאכען, און דער וואס רעדט זיך איין אז טאמער ער וועט טרונקען מער וויין וועט ער ווערן קלוגער מאכט ער א טעות ווייל לא יחכם. עס וועט איהם נישט ברענגען קיין חכמה.

מכל האמור זעהן מיר אז אין וויין ליגען צוויי געגנ-געזעצטע כוחות, ממש מן הקצה אל הקצה. טאמער נוצט מען עס ריכטיג קען עס ברענגען געוואלדיגע נוצען, אבער טאמער גייט מען איבער די מאס קען עס פארשלעפן דעם באנוצער אין דר'ערד אריין.


אפשר קען מען צו דעם מדמה דער אינטערנעט. פון איין זייט קען מען האבען גאר שטארקע טובות הנאה דערפון. עס ליגט דארטען אן אוצר פון וויסענשאפט און חכמה, און אויך בגשמיות קען מען פיהל געניסען פון דעם. מצד שני, איז אבער אויך דא אזא פארזאמלונג פון די ג' עבירות חמורות, וואס האט נאך קיינמאל עקזיסטירט אויף איין פלאץ, און מיט אזא גרינגע צוטריט, ווי אויפען נעץ.

איך האב לעצטענס גערעדט א לענגערע שמועס מיט איינער, און בין הדברים האב איך אריינגעווארפען אז היינט איז דא אויפען וועלט א מבול מיט כפירה און מינות. יענער האט מיר געענטפערט אז דאס איז נאר אויפען אינטערנעט. באלד אויפען מינוט האב איך מיר געוואלט מתוכח זיין, אבער נאך אביסעל התבוננות האב איך איינגעזעהן אז יענער איז גערעכט.

א יוד וואס גייט אין שוהל, אין כולל, צום ארבעט א.א.וו. אהנע זיין באהאפטען צום אינטערנעט, וועט זיך כמעט נישט אנשטויסען אין קיין כפירה, ליצנות אדער אנדערע טינופות (חוץ פארשטייט זיך וואס מען קען זעהן אויפען גאס), און אפילו ווען יא וועט עס בדרך כלל טאקע זיין וואס אינער זאגט איהם נאך פונעם נעץ, מעסענדזשער, טוויטער, פעיסבוק, א.א.וו.


די שרעקליכע מעשה וואס האט פאסירט דאהי אין לונדון מיט דעם יעניגער איז קלאר בלי שום ספק אז דער אינטערנעט האט דאס גורם געוועהן. איך באשולדיג נישט קיין איין ספעציפישען וועבסייט אדער בלאג (אפי' נישט ק"ש), סיי ווייל איך ווייס נישט און סיי ווייל לפי האמת איז עס מסתמא געוועהן א קדירה דבי שותפא. געבליקט דא, געליינט דארט ביז די ווערטער זענען אריינגעדרינגען אינעם באוואוסטזיין און האבען גורם געוועהן דעם חורבן.

[איך ווייס אז מען קען זיך דינגען אויף דעם באהויפטונג, מיטען טענה אז דער אינטערנעט איז נישט מער ווי א ביבליאטעק פון וויסענשאפט וואו מען קען לערנען און חוקר זיין פון אלסדינג, אבער אפגעפארען איז יענער צוליב זיינע קשיות\תאוות. אין אמת'ן אבער על זה אנו דנים און דאס איז מיין עיקר נקודה ביז אהער – די תוה"ק האט אונז פארווערט צו ליינען קשיות אויף אמונה. ולא תתורו אחרי לבבכם זה מינות, ד.מ. נישט צו קוקען אין מקומות וואס זענען היפך הדעת שהתורה בנויה עליו. דאס איז נישט חלילה ווייל דער יסוד פון אונזערע אמונה איז שוואך, נאר ווייל די מענטשען זענען שוואך ושכלם איננו בריא לבוא עד תכלית האמת בדברים! דעם נישט קלעטערען וואו מען טאר נישט איז נישט מיין אויפטוה, אויך נישט קיין אויפטוה פון די רבנים אין סיטיפילד, נאר די תוה"ק אליין האט עס גע'אסר'ט בלאו.]


תכלית גערעדט, איך האב שוין מקדים געוועהן איך בין נישט ראוי צו זאגען פאר קיינעם קיין מוסר, ובודאי נישט אינעם נושא פון אינטערנעט – אמער, איהר ליינט דאך יעצט וואס איך האב געשריבען אויפען נעץ. איך טוה נישט מער ווי אויסשמועסען הויעך צו מיר אליין כדי זיך צו שטארקען קעגן דעם יצר מתגבר בכל יום.

הרואה סוטה בקלקולה – ווען מען זעהט ווי עס האט אזאנס פאסירט, יזיר עצמו מן היין – מוז מען מאכען פארשידענע גדרים וסייגים און זיך מער (אדער גענצליך) באגרעניצען פונעם אינטערנעט גופא. אויך דער ערליכע מענטש, היות ער האט געזעהן די סוטה בקלקולה, האט עס געשאפט א פגם, און פאר איהם זעלבסט איז יעצט גרינגער געווארען אראפ צו גליטשען. דערפאר זאל ער אליין זיך איינצוימען און איינהאלטען, און אפילו פון יין באופן המותר\מובחר.

דעם גרעניץ מוז קומען אויף א צוויי-פאכיגען שטייגער: בכמות ובאיכות. סיי אין צייט, דארף מען פראבירען למשל מקבל זיין זיך איינצוהאלטען פון גיין אזויפיהל שעות, אדער אפשר אפמאכען א צייט ביינאכט וואס נאך דעמאלס גייט מען שוין נישט אויפען אינטערנעט א.א.וו.

פון דער אנדער זייט דארף מען זיך אויך מחזק זיין און גודר זיין באיכות, דהיינו אין די סארט וועבסייטס וואו מען באזוכט. דער גרעסטע חורבן פונעם אינטערנעט, דער שטערקסטע סתירה צו קדושה ואמונה, זענען די סאושעל נעטווארקינג סייטס. איך מיין מען קען זאגען אהן קיין צווייפעל אז נאך דער שטן האט ערפונדען דעם אינטערנעט האט ער דאונסייזד זיינע ארבייטער, נאך פעיסבוק האט ער ריטיירד און זינט עס איז דא טוויטער האט ער גענומען א וואקאציע ערגעץ וואו, און האלט בלויז מיט וואס טוט זיך מיט זיינע שטנ'ישע ענינים דורך טוויטער.

אונזער פליכט אין די צייט איז זיך אפצורייסען פון אלערליי סאושעל נעטווארקינג למיניהם, און כאטש עס קען זיין גאר שווער (בבחינת מסירת נפש – מען געבט אוועק א שטיק פון זיך), זאל מען קלערן אז מען ברענגט דערמיט א קרבן להשי"ת. טאקע יעצט אין די ניין טעג, ווען דער בענקעניש ווערט אזוי אויסגעשארפט און געשטארקט, האט מען א געלגענהייט מקריב צו זיין 'זבחי רצון' – א קרבן פון די אייגענע רצונות (קדוש"צ), און ווי שטערקער מען איז פארקניפט אלץ מער וועט עס זיין עולה לריח ניחוח.

זאל דער אויבעשטער העלפען מיר זאלען קענען ברענגען קרבנות אין ביהמ"ק בב"א.

מאנדלבאום האט געשריבן:תכלית, אויב געפעלט אייך נישט אז מ'זעצט זיך אריין ביי אייך גופא און מ'הייב אן צו זאגן אין פנים אריין, (און נישט נאר אז ווען איינער וועט זאגן ערגעץ אנדערש וועט מען לאכן "הונט בילט" וכו')
דעמאלט איי העוו ריטשט א ראנג נאמבער, און גיי מיר שוין אוועק פון דאנעט, קיין פראבלעם, ס'וועט מיר גארנישט פעלן.

העי אנעים זמירות, נייס טו סי יו עט קאווע שטיבל, אבער וואס איז מיט ליגענט? האסט געשריבן אז האסט דיך אויסגעשלאסן פון די אפיקורסישע בלאגס מיט א צייט צוריק, און אט קומסטו צולויפן אויף אלע פיר?

ווער דו זאלסט נאר נישט זיין, רופסטו אונזער שטיבל מיטן לשון ״ביי אייך״, עס ווייזט נישט אויף קיין שום היימישקייט, און אזוי ווי גבאי שני זאגט טאמער האסטו א פראבלעם קענסטו עפענען נאך א אשכול אין אייוועלט מיט דיין דריטן ניק. און יא ליין איבער דיינע צוויי אונטערשטע שורות ענד העוו ע נייס דעי!

זר, דארפסט א ווי איי פי צום קומענדיגן כינוס?

ולא תתורו אחרי לבבכם זה מינות, ד.מ. נישט צו קוקען who sais so
תתורו = בלאָנדזשען

לאליפאפ האט געשריבן:

מאנדלבאום האט געשריבן:תכלית, אויב געפעלט אייך נישט אז מ'זעצט זיך אריין ביי אייך גופא און מ'הייב אן צו זאגן אין פנים אריין, (און נישט נאר אז ווען איינער וועט זאגן ערגעץ אנדערש וועט מען לאכן "הונט בילט" וכו')
דעמאלט איי העוו ריטשט א ראנג נאמבער, און גיי מיר שוין אוועק פון דאנעט, קיין פראבלעם, ס'וועט מיר גארנישט פעלן.

העי אנעים זמירות, נייס טו סי יו עט קאווע שטיבל, אבער וואס איז מיט ליגענט? האסט געשריבן אז האסט דיך אויסגעשלאסן פון די אפיקורסישע בלאגס מיט א צייט צוריק, און אט קומסטו צולויפן אויף אלע פיר?

ווער דו זאלסט נאר נישט זיין, רופסטו אונזער שטיבל מיטן לשון ״ביי אייך״, עס ווייזט נישט אויף קיין שום היימישקייט, און אזוי ווי גבאי שני זאגט טאמער האסטו א פראבלעם קענסטו עפענען נאך א אשכול אין אייוועלט מיט דיין דריטן ניק. און יא ליין איבער דיינע צוויי אונטערשטע שורות ענד העוו ע נייס דעי!

איך בין נישט @אנעים זמירות!
ווען איר וואלט פארשטאנען אין שרייבן וואלט איר קיינמאהל נישט צוזאמגעפארט מיר מיט דעם שרייבער וואס @זר זהב ברענגט אים, דען מיין שריפט איז גענצליך פונאנדערגעשיידעט ווי דעם שרייבער @אנעים זמירות.
איך וואלט ווען געשריבן אויף אן אנדער מהלך, נישט אזוי בעטנדיג און תחנונים'דיג, א סאך א סאך אנדערש...

וואס יא, ווארשיינליך גייט א באשלוס זיין צו בעטן די פארוואלטונג מיר גענצליך אויסצושליסן פון דא.
וויבאלד אבער איך האב נאכנישט באשלאסן צו מיט אדער אן געזעגנס בריוו, וועל איך מיר דערווייל האלטן צו די פארשריפטן, און זיין א וואויל יונגל.

(אויב וועט זיין א באשלוס אויף א געזעגנס בריוו, וועט איר זיך איבערצייגן קלאר ווי דער טאג אז איך בין נישט דער שרייבער @אנעים זמירות)

פארציילט דער הייליגע גמרא (ע"ז ט"ז:) ת"ר כשנתפס ר"א למינות – ווען דער היייליגע תנא ר' אליעזר הגדול (בן הורקנוס) איז געפאנגען געווארען דורך די מינים און זיי האבען איהם געוואלט צווינגען צו דינען ע"ז, האבען זיי איהם געשטעלט צום משפט. דער שופט האט זיך געוואנדען צו איהם און געפרעגט מיט שפאס, "אזא אלטע יוד ווי דיר טוט זיך נאך באשעפטיגען אין אזעלכע נארישקייטען (תורה ומצוות, עפ"ל)?"
האט ר' אליעזר געענטפערט, "דער דיין איז באגלייבט אויף מיר – איך נעם אהן זיינע רייד."
דער הייליגע תנא האט געמיינט מצדיק צו זיין את הדין אויפען דיין ומוכיח ויודע ועד, אבער דער גוי'אישע ריכטער, דעם טיפש, האט געמיינט ר' אליעזר רעדט וועגן איהם זעלבסט, האט ער פארשיקט ר' אליעזר'ן אויף דער פריי, זאגענדיג, "היות דו האסט מיר געגרויסט וועל איך דיר אצינד לאזען גיין."
ר' אליעזר איז טאקע אפגעקומען מיט שרעק, אבער ער האט נישט געקענט קומען צו זיך. ער האט דאך געוואוסט אז אין יסורים בלא חטא, און טראץ זיינע פיהל רעכענונגען האט ער נישט געקענט דערגיין צוליב וועלכע זינד איז איהם געקומען צו ווערן געפאנגען ביי די מינים. אלע תלמידים האבען פראבירט איהם צו בארואיגען אויף פארשידענע אופנים אבער אהן ערפאלג.
ביז עס איז אריינגעקומען זיין תלמיד מןבהק דער הייליגע תנא ר' עקיבא. "רבי," זאגט ער, "אויב איהר ערלויבט מיר וועל איך עפעס זאגען."
"רעד," האט ר' אליעזר געבאטען.
"אפשר האט זיך אמאל געמאכט אז דער רבי האט געהערט א געשמאקען געדאנק פון א מין און דער רבי האט הנאה געהאט דערפון?"
ר' אליעזר'ס אויגען האבען אויפגעלאכטען. "אמת," האט ער אויסגערופען, "איך דערמאן מיר אז טאקע אזוי איז געוועהן די מעשה. אמאל ווען איך בין געגאנגען אין די גאסען פון ציפורי איז צו מיר צוגעקומען א מין און ער האט מיר פארגעלייגט זיין חידוש. ער האט געפרעגט אויב עס איז מותר צו נעמען געלט פון אן אתנן זונה צו מאכען דערמיט א ביה"כ פארען כה"ג אין די זיבען טאג פאר יו"כ ווען ער מוז וואוינען אין ביהמ"ק.
"איך האב איהם באמת גארנישט געענטפערט, ווייל מיט אן אפיקורוס איז אסור צו שטיין אין ווארט, אבער יענער האט אליין ממשיך געוועהן. ער האט געוואלט ברענגען א ראיה אז מען מעג פון א פסוק, מיטען סברא אז געלט וואס קומט פון א שמוציגע פלאץ זאל מען נוצען אויף טינופות. איך האב הנאה געהאט פון דעם געדאנק, און דערפאר בין איך געווארען באשטראפט אז איך בין פארכאפט געווארען ביי די מינים.
"כאטש איך בין נישט אריין אין קיין דין ודברים מיט יענעם, און איך האב ניטאמאל פארטוישט איין ווארט מיט איהם, בין איך אבער נישט אנטלאפען גענוג שנעל נאר איך האב איהם אויסגעהערט. דער פסוק זאגט אבער אויף מינות הרחק מעליה דרכך – שטיי ווייט דערפון."
ע"כ דברי הרב.
פון דא זעהן מיר אז בלויז פארען אויסהערן וואס דער מין האט געהאט צו זאגען איז ר' אליעזר הגדול געווארען באשטראפט. על אחת כמה וכמה דער וואס גייט אריין אין א דין ודברים מיט יענעם, און פארברענגט געשמאק.
ביי די אויבערדערמאנטע בלאגס זענען דא טייל וואס ווערן אנגעפירט דורך מינים ואפיקורסים גמורים, אבער אפילו ביי די טריפה'נע בלאגס און פארומס וועלכע ווערן אנגעפירט דורך פרומע יודען, דרייען זיך דארט אפענע כופרים מחללי שבת ואוכלי נו"ט רח"ל, און שרייבען ככל העולה על רוחם. שומו שמים על זאת, ווי מען מען דאס צו און מען שרייט נישט, "שגץ ארויס, ביזט א רשע, א מחלל שבת, און דו געהערסט נישט צווישען אונז!"
[הגם די לעצטע מאמרים זענען נישט געוועהן געצילט דוקא קעגן ק"ש, וויל איך מיר אצינד ווענדען* דייקא צו די וועלכע ליינען\שרייבען\שטיצען ק"ש כמות שהיא. מילא דאס אז עטס ווילטס א פלאץ וואו מען קען מער רעדן און ברייטער אויסשמועסען אלסדינג ווי אויף אייוועלט, קען מען נאך פארשטיין. איך האב שוין מאריך געוועהן אינעם איסור וסכנה פון חקירה און ליצנות, אבער איך קען נאך פארשטיין ווי מען פארענטפערט זיך און מען פארגלעט דעם געוויסען אז צו האבען אנדערע דעות הייסט נאך נישט קיין כפירה, און מען דארף נישט פארשטאפען די מיילער א.א.וו. פאר דעם האט זיך טאקע געעפענט ק"ש. נניח (לשיטתכם).
וואס איז אבער דער היתר אריינצולאזען אפענע אפיקורסים מסיתים ומדיחים? בערך א האלבע יאר צוריק האב איך געהערט פון איינעם אז אויף ק"ש שרייבט ש"ד – א רשע ואפיקורוס וואס פירט אהן א וועבסייט פון מינות והסתה. איך ווייס נישט צי ער איז נאך ממשיך צו שרייבען דארט, אבער דאס ווייס איך קלאר אז בשעתו האט מען איהם נישט ארויסגעטראסקעט בשם ועין ער זאל גיין צו אלע שווארץ יאר. היתכן? האט מען שוין טאקע פארלוירען יעדע יודישען רגש אז מען קען לאזען א כופר בעיקר ערקלערן זיינע פארפוילטע שיטות אויף א מכלומרשט'ע היימישע און פרומע פארום?
ווער ווייסט, אפשר איז דאס טאקע דער שטערקסטע ראיה לדברי, אז פון א קליינע ליצנות'ל און א תמימות'דיגע שאלה, ווערט מען ל"ע אזוי אפגעקילט אז מען איז שוין גארנישט מרגיש, און מען פארלירט יעדע פונק פון ערליכקייט.
ובחדא מחתא אליכם אישים אקרא*, לאחב"י אין אייוועלט: עס זענען דא פיהל שמועסען וואס פארען אראפ פון די רעלסען ווען מאנכע הייבען אהן שרייען קולות און עס מוז ווערן פארשפארט. דאס איז גורם אז טייל אירע זאלען זיך פאר'מיאוס'ען אינעם פלאץ און אפשר גיין אויף מקומות וואס טויגען נישט. ווער רעדט נאך פון דעם ביליגען אויסשפראך וואס מען הערט ליידער בינינו ווען עס געפעלט נישט פאר איינעם וואס דער אנדערע שרייבט 'קענסט גיין צו ק"ש'.
אמת, דאס אלעס איז נישט קיין היתר צו ליינען און באזוכען וועבסייטס פון כפירה און ליצנות, אבער חז"ל זאגען שוין כי יפול הנופל ממנו – ער וואלט ממילא געפאלען, אבער דו זיי נישט דער וואס איז גורם. דו פארטרייב נישט קיינעם. טאמער עס איז יא דא איין ריינעם פלאץ וואו מען קען זיך אויסשמועסען, זיי דו נישט דער וואס מאכט א צווייטען זיך שפירען אומאנגענעם און אומגעוואונטשען, ווייל יעדע האט אן אחריות פאר א צווייטען יוד.]


*הגם איך בין נישט ראוי קיינעם צו זאגען מוסר, שרייב איך מיינע געפילען, און טאמער ליגט דערין עפעס אמת איז פעליג דעם כלל קבל את האמת ממי שאמרו.

לעמעלע שפתיים ישק.

מאנדלבאום האט געשריבן:

לאליפאפ האט געשריבן:

מאנדלבאום האט געשריבן:תכלית, אויב געפעלט אייך נישט אז מ'זעצט זיך אריין ביי אייך גופא און מ'הייב אן צו זאגן אין פנים אריין, (און נישט נאר אז ווען איינער וועט זאגן ערגעץ אנדערש וועט מען לאכן "הונט בילט" וכו')
דעמאלט איי העוו ריטשט א ראנג נאמבער, און גיי מיר שוין אוועק פון דאנעט, קיין פראבלעם, ס'וועט מיר גארנישט פעלן.

העי אנעים זמירות, נייס טו סי יו עט קאווע שטיבל, אבער וואס איז מיט ליגענט? האסט געשריבן אז האסט דיך אויסגעשלאסן פון די אפיקורסישע בלאגס מיט א צייט צוריק, און אט קומסטו צולויפן אויף אלע פיר?

ווער דו זאלסט נאר נישט זיין, רופסטו אונזער שטיבל מיטן לשון ״ביי אייך״, עס ווייזט נישט אויף קיין שום היימישקייט, און אזוי ווי גבאי שני זאגט טאמער האסטו א פראבלעם קענסטו עפענען נאך א אשכול אין אייוועלט מיט דיין דריטן ניק. און יא ליין איבער דיינע צוויי אונטערשטע שורות ענד העוו ע נייס דעי!

איך בין נישט @אנעים זמירות!
ווען איר וואלט פארשטאנען אין שרייבן וואלט איר קיינמאהל נישט צוזאמגעפארט מיר מיט דעם שרייבער וואס @זר זהב ברענגט אים, דען מיין שריפט איז גענצליך פונאנדערגעשיידעט ווי דעם שרייבער @אנעים זמירות.
איך וואלט ווען געשריבן אויף אן אנדער מהלך, נישט אזוי בעטנדיג און תחנונים'דיג, א סאך א סאך אנדערש...

וואס יא, ווארשיינליך גייט א באשלוס זיין צו בעטן די פארוואלטונג מיר גענצליך אויסצושליסן פון דא.
וויבאלד אבער איך האב נאכנישט באשלאסן צו מיט אדער אן געזעגנס בריוו, וועל איך מיר דערווייל האלטן צו די פארשריפטן, און זיין א וואויל יונגל.

(אויב וועט זיין א באשלוס אויף א געזעגנס בריוו, וועט איר זיך איבערצייגן קלאר ווי דער טאג אז איך בין נישט דער שרייבער @אנעים זמירות)

נישטא אויף וואס זיך צו טענה׳ן, אבער איך האב איבערהויפט נישט געמיינט אז איר זענט אנעים, נאר אז איר טרייט צו דרייען די ... שפייז פונקט ווי עם, און איך האב עס דארט קלאר צו געלייגט! חוץ המעשה האב איך א שווארצן בליק אויף אייוועלטיסטן בפרט דעי וואס קומען דא סאבאטאזשירן. אויב מען טיילט דארט נישט קיין קאווע מוזט איר נאך נישט קומען אויס גיסן מיינס!

איך אויך האט געשריבן:לעמעלע שפתיים ישק.

געוואלדיג אראפגעלייגט, איך שטים מיט מיט דיר!

איך וויל זאגן וויאזוי איך קוק עס אן, קען זיין איך בין נישט גערעכט, אדרבה זאגטס מיר צו איך בין גערעכט.

קאווע שטיבל איז געמאכט פאר א אנדערע סארט שניט מענטש ווי אייוועלט, עס איז נישט קיין שום סתירה.

אייוועלט איז פאר מענטשן וואס האבן א שטארקע פראבלעם זיך צו געפינען אין איין אטמאספערע מיט אידיש-רעדנדע מחללי שבתות. משא"כ קאווע שטיבל.

דאונט געט מי ראנג, איך זאג נישט אז קיינער פון זיי איז שלעכט, און איך קום נישט דן זיין אויב עס איז דא א פראבלעם פון חילול שבת. איך זאג נאר אז ברוך השם עס איז פארהאן צוויי סייטס, אזוי האט יעדער ווי צו זיין.

למעשה, איינער וואס האט א פראבלעם צו האבן שייכות מיט מחללי שבתות זאל געזונטערהייט אוועקגיין פון קאווע שטיבל, און איינער וואס האט א פראבלעם מיט צענזור זאל געזונטערהייט אוועקגיין פון אייוועלט.

שלמהלע האט געשריבן:איך זאג אויך נישט אז עס איז א פראבלעם צו מחלל שבת זיין,

וואס איז די פראבלעם פון ליינען פון א מחלל שבת, אויב ער שרייבט נישט קיין כפירה?? אפילו די הייליגע מעלות מעגעזין האט געהאט א נישט ארטאדאקסישע איד וואס האט געשריבן פאר זיי

ראשעקאל
דו זעיסט נישט א חילוק פון א מחלל שבת ביז א נישט ארטאדאקסישע איד??? קאם אן דו ביסט קלוגער דערפון

א נישט ארטאדאקסישע איד איז א מחלל שבת

שלמה'לע, איר זענט דא געווען שבת? איינער שרייבט דא שבת?

ראשעקאל האט געשריבן:וואס איז די פראבלעם פון ליינען פון א מחלל שבת, אויב ער שרייבט נישט קיין כפירה?? אפילו די הייליגע מעלות מעגעזין האט געהאט א נישט ארטאדאקסישע איד וואס האט געשריבן פאר זיי

וועלכע שרייבער?

קאווע טרינקער האט געשריבן:שלמה'לע, איר זענט דא געווען שבת? איינער שרייבט דא שבת?

מאך דיר נישט אזוי תמ'עוואטע קאוועניא, גאנץ פשוט, געמיר נאר א רגע... אה... כ'האב געטראפן דעם גראבן פינגער...
שבת איז דאך מכפר אויף ע"ז כמבואר דאפילו עבד עבודה זרה כדור אנוש מוחלין לו. קומט אויס אז איינער וואס איז אדוק אין ע"ז נחשב לו כאילו חילל שבת. והא פשיטא לן דהמודה ברעיון הציונות כאילו עבד עו"ז כמבואר בכמה אגדי חז"ל. און דאס איז אויך פשוט אז ארטסקרול איז דא אויף א מיסיע לעקור הטהרת הקודש משורשה כמבואר בהVs שלה. דא אין שטיבל זענען דא היבש אסאך א.ג. חכמים וואס שטעלן איר העכער מתיבתא עי' באשכול המיוחד לכך. נא, וואס דארפסטו מער פון דעם?

הוגה האט געשריבן:

ראשעקאל האט געשריבן:וואס איז די פראבלעם פון ליינען פון א מחלל שבת, אויב ער שרייבט נישט קיין כפירה?? אפילו די הייליגע מעלות מעגעזין האט געהאט א נישט ארטאדאקסישע איד וואס האט געשריבן פאר זיי

וועלכע שרייבער?

שלום בערגער
פונקט זעה איך אז ער האט זיך היינט איינגעשריבען דא אין שטיבעל
memberlist.php?mode=viewprofile&u=1366

ער איז א האלץ האקער?

וואס איז געווען זיין פענע-נאמען?

מאחורי איז הייליג. ס'האט שוין געהאלפען צענדליגע חברים אלעס על טהרת הקודש

(אגב, אין אייוועלט וויל מען אויך נישט געדענקען זייערע מאווי און ספארט'ס אפטיילונגען.)
די היפאקראטיע איז נישט צו באשרייבן
טעגינג [tag]שנאפס[/tag]