קאווע שטיבל

אוי ווי.

פון זיך אזויפיל קלאפען אין פלייצע אז מ'קריגט חיזוק ועידוד פאר'ן אפלאכען פינעם בירור מצד מהרמ''ד לטובת רבם
זעהט אויס אז ס'איז פון די דברים הצריכין חיזוק און כ'האף ס'העט אנהאלטען דער התחזקות

.

מען איז מעורר נישט צו נעמען דעם ענין ערנסט בעט איך דער קוראים החשובים ביטע נישט ווערן צו ערנסט נעמט דאס מיט א גלייכגילט און ווערט נישט אריינגעדרייט סתם אין יענעמ'ס קוועטשעניש

א שוויצער, פאנגסט אן פארגעסן וואס דו האסט געשריבן אז דו האסט קרובים אין ביידע צדדים, און דו ביסט נישט קיין באבובער...
פון יעדע צווייטע תגובה דיינע שטעלט זיך ארויס אז דו ביסט א אינגע 45 חסיד.

אינג, שרייב איך, ווייל באשכול אחר ברענגסטו ארויס ווי ר' נפתל'טשע האט געהאסעלט פאר די מוסדות בשעת אביו איז געזיצן באקוועם אויפן פאטעל...

איינער וואס איז עלטער ווי 35 שעמט זיך אפילו נאכצוזאגן אזעלכע נאנסענס.

חוץ חובות וואס האט ער צוגעלייגט א האנט צו זיין טאטן מיט די מוסדות?

ר' משולם ,ממש אזוי פיינט האט מען ביי אייך הצדיק ר' נפתלי?

פיינט האט מען, ווען המטרה מקדש את האמצעים, מען האט גענומען א צדיק פון א איד, א גאלדענע הארץ, געמאכט דערפון אן אורים ותומים (אפילו אויפן מציבה האט מען עס געשריבן נגד צוואתו).

בשעת וואס זיין טאטע מהר"ש האט במו ידיו געבלוטיגט צו בויען מוסדות, איז כדי לקדש המטרה קארמעט מען די יוגנט אז די גאנצע קרעדיט קומט פאר מהרנ"צ, אנפאנג האבן זיי נאכנישט געהאט די גאטס צו גיין צו ווייט, האט מען געזאגט אז מהרנ"צ האט ארויסגעהאלפן זיין טאטע, היינט זאגן זיי שוין אז עס איז גאר מהרנ"צ וואס האט געהאסלט און מהר"ש איז געזיצן אויפן פאטעל.

שנאה יש כאן? אויפן פערזענליכן מענטש? ח"ו!!!

איך האב געוויס נישט געמיינט דער חלק אז מהר"ש איז געזעצן אויפן פאטעל וואס איז א געמיינהייט צו שרייבן און איז פשוט שקר נאר דער חלק "חוץ חובות וואס האט ער צוגעלייגט א האנט צו זיין טאטן מיט די מוסדות" וואס דו שרייבסט וואס ווייזט אויף א טיפע שנאה צו עם און איז כמובן שקר און ביליג.

אסאך באניצערס פרעגען דא כסדר דעם פארטרעטער פון באבוב 48, פארוואס ער שרייט אזויפיעל, פארוואס ער קייעט איבער נאכאמאל און נאכאמאל די זעלבע פשעטליך אין 30 אשכולות?
וואס שטופט א איש מכבוד, א תלמיד חכם ווי איהם (זיינע מאמרים זאגט עס, די מראה מקומות זענען להפליא, קיין עם הארץ איז ער זיכער נישט, און קיין יונגערמאנשטיק איז ער אויך נישט, איך שאץ לויט זיין שפראך איז ער ארום 60 יאר, גערעכט?) א עלטערע איד זיך אזוי משוגע צו מאכען ביי יעדע געלעגנהייט, צו ווען פאר 45 גייט גוט, צו עס גייט זיי נישט גוט, אבער ביי יעדע קלענסטע געלעגנהייט איז ער דא, וואס איז פשט?
ווידעראום פון 45 איז נישט דא אזא סארט "טוען רבני", ס'איז שטיל מער ווייניגער, אויסער ווען ער ציעט איבער דאס שטריקעל, אבער אזוי זענען זיי שטיל, למה?
און די קושיא איז נאך אסאך מער, מיר ווייסן די כלל אז ווער שרייט? ראובן וואס שמייסט מיט א פאסיג, צו שמעון וואס כאפט דאס במחילת כבודו? אוודאי שמעון, ניין? ער כאפט דאך! דא זעט מען דאס פארקערטע, 48 לכולי עלמא זענען די געוואנערס די וואס שמייסען, און 45 זענען די לוזערס און די וואס כאפען אריין, די וואס האבען נישט קיין נארמאלער ביהמ"ד, די בטלנים, די וואס מלמדים גייען אויף סטרייק, די וואס פארלירען אלעס, און אנשטאט שרייען, טוען זיי שווייגען רוב צייט, וואס איז דער פשט?

כ'וועל עס מסביר זיין בדרך משל (אזוי ווי ער זאל לעבען גלייכט) געווען איז אמאל א חסיד, וואס האט זיך אויפגעטוען "מיין רבי איז אלעמאל א צדיק, נישט קיין חילוק וואס ער טוט"
מיין רבי גייט באזוכן א צווייטע רבי און מען סערווירט "היימישע ארעדנזש דזשאוס" (מאראנצן זאפט בלשון גאליציע),
וועט דאס מיין רבי נישט טרינקען וועט מען זאגען "WOW קוק אהער, כאטש ער איז אזוי מקפיד נישט וויי צו טוען א אידן, דאך וויבאלד ער נעמט נישט אין מויל אריין זאכן וואס איז נישט "היימיש" פון אים אין שטוב, האט ער זיך דא אויך געהאלטען צו דעם קפידה!"
וועט עס מיין רבי יא טרינקען וועט מען זאגן "WOW, קוק וואספאראר גרויסער בעל מידות ער איז, כאטש ער איז מקפיד נישט צו טרינקען נישט "היימישע פראדוקציע" דאך כדי נישט צו וויי טוען א צווייטען איד האט ער דאס יא געטרונקען", מדריגות גבוהות!

נאך איינס: א איד האט אמאל געזאגט, וואס איז די נפק"מ צווישן א רבי און א רב? א רבי איז ווי א ניי געבוירענע בעיבי, וואס ער טוט איז זיס, אפילו ווען ער מאכט איין, אבער דער רב איז ווי א "טערעבאל2" וואס ער טוט איז נישט גוט!

ס'איז א אמת, און טאקע מה הפשט? פארוואס זענען מענטשן אזעלכע פערד, צו פארהייליגען אלעס וואס דער רבי טוט (אפילו קלארע פרישע [שרייב נישט קיין אומאיידעלע ווערטער. מנהל])? און אלעס וואס דער שונא טוט צו פארשווארצען (אפילו קלארע גוטע זאכען)?

די תירוץ איז, ווען א מענטש וועהלט זיך אויס א רבי איבער זיך, איז דאס זייער א שווערע זאך, דער רבי איז א בשר ודגים, ער האט א יצר הרע, ער קען זיך אויפפירען אמאל סטופעד אויך, מאכט זיך ביי יעדעם, און אויב וועל איך זיין "אמת'דיג" קען עס מיר ברענגען אין א פארגעלעגנהייט פון צייט צו צייט, אפגערעדט טאמער דער רבי האט א "גרויסער" יצר, און ער פירט זיך אויף "זייער אפט" זייער מאדנע און סטופיד, איז דאס א גרויסע פראבלעם, גיי זאג אז מיין רבי איז א מענטל קעיס, א נידעריגער פארשוין, דאך נישט מעגליך!
אין אזא פאל, נעמט א שמאטע, א דיקע שמאטע, מען וויקעלט דאס ארום די אויגען, און מען הייבט אן צו שרייען כקול קורא במדבר, ווי א פארווינדערטער האן, מען קרייט "אז אלעס וואס דער רבי טוט, אלעס איז מלא חכמה וצידקות" אפילו כאטש אין די אויגען פון א נארמאלער מענטש איז רשעות יש כאן, טיפשות יש כאן, נערווען פאקסען יש כאן, ווילדע כעסיגע אויסברוכען יש כאן, אבער איך וועל "מיר" פראבירען און "יענעם" אויך פראבירען צו משכנע זיין אז יעדע ריר איז הייליג, יעדע צימעסדיגע סיפור איז העכערס (אדער גאר א שקר גס), און איר וועט זען אז די נעבעכדיגע חסידים וואס זענען נעבעך אריינגעפאלען מיט א קראנקען רעבע, די חסידים וועלען נישט אויפהערען שרייען, יעדע גלעגענהייט וועט מען זיי הערען, און אויף יעדע בענקל וואס זיי זעען וועלען זיי זיך שטעלען שרייען, ווייל די אמת קיצעלט אין קישקע אזאש אז באלד איז קיין קישקעס ניט געבליבען,
מה שאין כן, א חסיד וואס האט יא געהאט די זכי' צו באקומען א ערליכער רבי, א נארמאלער מענטש, א צדיק אמת, דער חסיד וועט נישט מוזען שרייען, ווייל ער ברויך נישט אזויפיל זאכען פארענפערען, און אם יהי' ס'וועט זיך יא מאכען אז דער רבי טוט אמאל א נערישקייט, נו, האסט מיר געכאפט, איך לאך מיר אויס, ווייל אפילו א רבי איז א בשר ודם, ער איז בארעכטיגט צו זיין "א בשר ודם",
צום ביישפיל מיין רבי, מרן אדונינו מורינו ורבינו מוויזניץ שליט"א, איך גיי אים קיינמאל נישט מתרץ זיין פארוואס ער עסט מיט אזא אפעטיט וד"ל (און נאך ענינים), ווייל אויסער דאס איז ער א רבי וואס מען קען זיך שטאלצירען אָן דארפען שרייען, ער איז א שפיגעלע פון א עכטער צדיק, וואס לאזט זיך שניידען און שינדען די הויט און קיין ווארט וועט ער נישט זאגען, א איד וואס קאכט כולו פארען באשעפערס וועגען, נו עסט ער, איז וואס איז?
און קיין איין וויזניצער חסיד וועט נישט ווערען ווילד אויב דו וועסט אים קאנפראנטירען דערמיט, ווייל ער לאכט זיך אויס, מיין רבי איז מיר גענוג גוט, ער האט שוין אפילו רעכט צו זיין משוגע! און דעריבער האב איך אויך נישט אזוי פיינט דעם ברודער אדמו"ר ממרכז שליט"א, ווייל ער באדראעט נישט קיינעם, מיר ווייסען אין הארץ אז דער רבי זאל זיין געזונט איז גענוג גרויס און על כסאו לא ישב זר, ולא ינחלו עוד אחרים את כבודו,
אבער ווען דער רבי איז יא מלא משוגעתן כרימון, א מענטש וואס קאן זיך נישט בעהעווען אין פובליק (דעריבער גייט ער כמעט נישט צו קיין שמחות און אנטלויפט קיין מאנסי אדער פלארידע בכל עת מצוא), א מענטש א שלעכטס א ביטערקייט, אזא חסיד האט א פראבלעם, ער מוז "שרייען", ווייל אויב נישט קען זיך נאך אריינכאפען א נידנוד פון מחשבת פיגול וכפירה אין דער רבי זיינער, זעענדיג אז אנדערע רבי'ס זענען נישט אזוי משוגע.

דעריבער איז ער זייער טעטיג דא, וקל להבין
איך האב באמת מיטלייד מיט אייך, און א שאד אויף אייך,

(בנוגע דאס וואס ער לויבט אויס ראביי גראוס, און זאגט אז ראביי גראוס האט דאס אליינס ארויס געגעבן בלי רשות ובלי עידוד פון 48 זייט, איז שקר וכזב, יעדער ווייסט וועט עס האט דאס באצאלט, סימפעל צו פארשטיין, און דאס איז גארנישט קיין קלענערע פאשקעוויל ווי אנדערע פאשקעווילען, אמת ס'איז נאר א גוטע שיינער קלינע פאשקעוויל, גוט אדורך געארבעט דורך די שרייבערס ווי איהם וכת דילי', און ווען איינער כאפט א פראסק האט ער רעכט צוריק צו געבען, און דאס האבן די 45 יונגעלייט פראבירט צו טוען מיטען שרייבען אט די ספר'ל "זאת התורה", זייער פשוט צו פארשטיין, זיי זענען נישט אזעלכע פערדען ווי ער ווי זיי ארויס שטעלן,
אפגערעדט אז אין די היימישע וועלט ווייסט יעדער אז דא איז געווען א שרעקליכער עיוות הדין, און קיין איין גדול וועט נישט מודה זיין אז וואס די באנדע באנדיטען האבען געפסקנט איז יסודם בהררי קודש, און סוכ"ס איז על ידם ארויס א שרעקליכער חילול ה', מיט דעם וואס יעדער איד זעט אז עס לוינט נישט צו גיין צו א אידישע דין תורה, אסאך מער ענדערשט צו גיין אין קאורט, ליידער)

עס איז נאר "א תמימות'דיגע אפשאצוג" (ווערטער איבעריג)
א "חיבור" (ברי ושמא איז א "ספר" וועלכע מען גייט אין די קומענדיגע דור לערנען אין כוללים!!)
"אולי" צימעס'דיגע טעמע (ס'איז איבערהויפט נישט צימעס'דיג, איך זעה נישט קיין איין שמעק פון צימעס! ווי איז אייער "עגא"? ואל יבוש מפני המלעיגים שטייט, ניין?)
"א געהעריגע אנאליזיע" (מיטן מציאות הדברים, אן קיין נגיעות אוודאי, ביידע זייטן פונעם בילד שיין גאר באשריבען)
"דער עולם דא... אישי'ס מיך המלאי איך פארשווייג" (אלע טויזענטע שאף הייבן אויף די אויגען צו מנהיג זיך צו אננעמען אויף כבוד התורה פון דער גאון הדור זלמן גראוס, קיינער קען דאס נישט טוען, נאר ער, טאקע א טענה פארוואס ער שווייגט!)

איר זעהט: דאס איז א ערנסטע איד, א איידעלער איד, ער שרייבט נאר אביעקטיוו, און אן קיין שום נגיעות, פשוט נעמט זיך אן פאר כבוד התורה המבוזה
כל הכבוד