קאווע שטיבל

בערל
דער שלימאזעל לעווין האט שוין אמאהל באקומען איבערגעקייט פערציג פראצענט שטימען ווען ער איז געלאפען פאר.... כ' דענק נישט, ער איז שוין געלאפן פאר אלעס.

רביה''ק זי''ע האט געשריבן:ליבערטעריעניזם איז טאקע א פאנטאזיע, ווייל א פערפעקט גאווערמענט איז א פאנטאזיע, מכמה סיבות. און הא גופא זאגן די ליבערטעריענס, טאקע ווייל ס'נישט דא אזא זאך ווי א פערפעקט גאווערמענט, איז אין ווי ווייניגער זאכן זיי זענען אריינגעמישט, אלץ בעסער. בד"ו אונזערע founding fathers זענען געווען ליבערטעריענס, און איך זעה נישט וואס איז געווען אזוי שלעכט פאר צוויי הונדערט יאר צוריק, אדרבה, זיי בעסער מסביר. דאס וואס דו זאגסט וועגן גאווערמענט, מיש נישט אויס צווישן ליבערטעריעניזם און אנארכיזם.

1)די פאונדיג פאטערס זענען בכלל נישט געוועהן קיין ליבערטעריענס.

2)פון ווי נעמסטו אז סאיז בעסער ווען די גאווערמענט מישט זיך נישט אריין? ווען די גאווערמענט איז קאראפטירט און ווערט געפירט דורך ״ספעשעל אינטערס״ און מקען אינטערקויפן די גאווערמענט אזויווי דא אין אמעריקע ביסטו אפשר אביסל גערעכט. אבער סאיז דא גענוג און נאך כמעט ״פערפעקט גאווערמענטס״ ווי די מענטשען און די בירגער פירן די גאווערמענט און דיקטירן די גאווערמענט לויט וואס רוב מענטשן ווילן.

וואס איז שלעכט מיט רוב מערב אייראפישע גאווערמענטס?

3)איך מיש נישט אויס קיין אנארכיזם מיט ליבערטעריעניזם. איך זאג ליבערטעריעניזם= אנארכיזם. אפילו מיט א גאווערמענט און מיט שטראפן פאלגן אסאך מענטשען נישט אויס די גאווערמענט כ״ש אן קיין מורא פון די גאווערמענט???

4)ווייז מיר א ליבעטעריען גאווערמענט וואס האט עס געמאכט????
סאיז נישטא אזא זאך.... מענטשען זענען נאכנישט גרייט פאר אזא זאך. און גלייב מיר דו וואלסט קיינמאל נישט געוואלט וואוינען און לעבן אין אזא סאסייעטי.

שבת אחים האט געשריבן:1)די פאונדיג פאטערס זענען בכלל נישט געוועהן קיין ליבערטעריענס.

ווען איך האב זאג ליבערטעריענס מיין איך small goverment, און ס'איז פשוט אז זיי האבן געהאלטן דערפון

שבת אחים האט געשריבן:2)פון ווי נעמסטו אז סאיז בעסער ווען די גאווערמענט מישט זיך נישט אריין? ווען די גאווערמענט איז קאראפטירט און ווערט געפירט דורך ״ספעשעל אינטערס״ און מקען אינטערקויפן די גאווערמענט אזויווי דא אין אמעריקע ביסטו אפשר אביסל גערעכט.

יעדע גאווערמענט איז טיילווייז קארופטירט, every system has it's flaws.

שבת אחים האט געשריבן:אבער סאיז דא גענוג און נאך כמעט ״פערפעקט גאווערמענטס״

you just proved my point

שבת אחים האט געשריבן:וואס איז שלעכט מיט רוב מערב אייראפישע גאווערמענטס?

דו מיינסט טאקע אז אין שווייץ איז נישטא קיינער וואס האט טענות אויף די רעגירונג?

שבת אחים האט געשריבן:3)איך מיש נישט אויס קיין אנארכיזם מיט ליבערטעריעניזם. איך זאג ליבערטעריעניזם= אנארכיזם. אפילו מיט א גאווערמענט און מיט שטראפן פאלגן אסאך מענטשען נישט אויס די גאווערמענט כ״ש אן קיין מורא פון די גאווערמענט???

liberterianism means small goverment, anarchism means no goverment. that said, small goverment dosen't mean weak goverment, it means that they have very few responsibilities, therefore they are very powerful, because they can put in all their effort and resources in those few responsibilities

וואס מיינט small government?

דו ווילסט די גאווערמענט זאל דיר זאגן צו אין דיין עסען ליגט סם המות אדער נישט?
דו ווילסט האבן א פייער דיפארטמענט? א פאליס דיפארטמענט? מיליטער, אדער נישט?

אין שווייץ און אין רוב פראגרעסיוו לענדער איז זיכער דא אפאר מענטשען וואס רעדן זיך אפ אויף די גאווערמענט אבער רובא דרובא זענען צופרידן.

דו האסט נישט קיין איין גאווערמענט וואס לויפט אויף דיין וועג וואס דו קענסט ווייזן אז סהאט זיך אויסגארבעט. לויט מיין וועג קען איך דיר ווייזן 50 לענדער ווי ס׳ארבעט.

לויט וויאזוי די פאונדיג פאטערס האבן אראפ געלייגט די סיסטעם זענען זיי קיין ליבערטעריענס נישט געוועהן. אויך נישט קיין small government. פארקערט גאר... זיי האבן געמאכט אפילו אז דיין וואוט רעכענט נישט נאר די עלעקטארלס וועלן. זייער גאנצע דריי ברענטשעס אויף גאווערמענט קוקט מיר בכלל נישט אויס ווי וואס דו קלעימסט.

שבת אחים האט געשריבן:דו ווילסט די גאווערמענט זאל דיר זאגן צו אין דיין עסען ליגט סם המות אדער נישט?
דו ווילסט האבן א פייער דיפארטמענט? א פאליס דיפארטמענט? מיליטער, אדער נישט?

זיכער אז יא.

שבת אחים האט געשריבן:דו האסט נישט קיין איין גאווערמענט וואס לויפט אויף דיין וועג וואס דו קענסט ווייזן אז סהאט זיך אויסגארבעט. לויט מיין וועג קען איך דיר ווייזן 50 לענדער ווי ס׳ארבעט.

די גרעסטע (big - as in big goverment) רעגירונג וואס איז שייך רופט זיך קאמוניזם. יעצט, יעדע רעגירונג וואס איז נישט קאמוניסטיש, איז אביסל ליבערטעריען, ווי ווייניגער קאמוניסטיש אלץ מער ליבערטעריען. איך קען דיך נישט אויפווייזן אז די סיבה פארוואס אמעריקע איז א בעסער לאנד ווי כינע איז ווייל זיי זענען ווייניגער קאמוניסטיש/מער ליבערטעריען, אבער איך האלט אזוי.

שבת אחים האט געשריבן:לויט וויאזוי די פאונדיג פאטערס האבן אראפ געלייגט די סיסטעם זענען זיי קיין ליבערטעריענס נישט געוועהן. אויך נישט קיין small government. פארקערט גאר... זיי האבן געמאכט אפילו אז דיין וואוט רעכענט נישט נאר די עלעקטארלס וועלן. זייער גאנצע דריי ברענטשעס אויף גאווערמענט קוקט מיר בכלל נישט אויס ווי וואס דו קלעימסט.

איך ווייס נישט וואס דיך צו זאגן, איך קען מיך מיך נישט טענה'ן איבער פאקטן, איך בין פשוט נישט געמאכט פאר דעם. פארש אביסל נאך צי זיי זענען געווען ליבערטעריענס צי נישט, און נאכדעם קום צוריק מיט דיינע געפינסן.

דער ענין פון ליבערטעריעזם האט צוויי חלקים צו זיך.
איינס, צי די רעגירונג האט רעכט צו איינטיילן מענטשן וואס צו טון.
צוויי, וועלכע פארם פון גאווערמענט ארבעט די בעסטע.

איך וויל נישט אריינגיין אין קיין ויכוח לגבי די ערשטע טענה, אבער לגבי די צווייטע טענה איז דא זייער א פשוטע וועג צו געוואר ווערן דעם אמת. ס'דא א לאנד וואס רופט זיך 'די שווייץ', לויט די סטאטיסטיקס איז עס די בעסטע לאנד אויף די וועלט, דארף מען אדורכטון וויאזוי זייער רעגירונג ווערט געפירט, וועט מען וויסן וועלכע פארם פון גאווערמענט איז די בעסטע.

דא האט איר אויף אנצוהויבן: http://www.washingtontimes.com/news/201 ... limited-g/
עיין עוד כאן: http://www.spectator.co.uk/2010/07/swis ... clockwork/

כהאב אסאך צוצולייגן. איך האלט דו און אלע ליבעטערינס מאלן וואסער.

איך וויל אבער נוצן דיין משל: כינע. כינע איז גראדע אסאך מעהר א ליבטעריען לאנד אין געוויסע ענינים ווי אמעריקע. און מקען טאקע זעהן פון זייער לאנד אז ליבעטרעיניזם ארבעט נישט. למשל סעיפיטי רעגיולאציעס איז כמעט נישט פארהאנען דארט. דו קענסט דארט בויען אן כמעט די גאווערמענט זאל זיך אריינמישן אין דיינע ענינים. און די רעזולטאטן פונדעם איז קלאר. אסאך מעהר עקסידענטס און אסאך מעהר בילידינגס לייגן זיך צאם ווי אין אמעריקע וועגן דעם. ווידער ווען דו פארסט אויף די הייוועי און א גרויסע טראק מיט א ריזיגע אייזנע ביעמס פארט לעבן דיר, אין כינע איז דא אסאך א גרעסרע טשאנס אז דעס זאל פאלן אויף איינעמס קאפ אין אים דערהארגענען. און טאקע סאיז דארט דא אסאך אסאך מעהר פראבלעמען און עקסידענטס טאקע דערפאר ווייל די גאווערמענט טוט זיך נישט אריינמישן. אין כינע אז דו גייסט אריין אין א רעסטעראנט ביסטו נישט זיכער צי ער גייט דיר צועסן עפעס וואס גייט דיך פארסמן ח״ו. די פאבריקן געבן ארויס אזעלכע שווערע רויעך אז מקען נישט אטעמען און אסמא און אנדערע קרענק איז אסאך שטערקער דארט ווי דא.

חוץ מזה איך בין נישט זיכער צי די היינטיגע אמעריקע איז עפעס אזוי סאך בעסער ווי די היינטיגע כינע. איך בין געוועהן אין כינע גענוג און נאך. איך בין דארט געוועהן א יאר צוריק פאר א גאנצע חודש. די רייכע שטעט אין כינע קענען זיך שוין איינמאל פארמעסטן מיט אמעריקע. סאיז דא דארט פראספערטי, און גענוג און נאך רייכע לייט וואס מאכן א לעבן. סאיז דא זאכן וואס אמעריקע איז בעסער און ווידער איז דא געוויסע ענינים ווי כינע איז בעסער.

די בעסטע לענדער אויף די וועלט זענען ליבעראלע סאושליסט-געשטימטע לענדער. אדרבה קוק די חילוק פון אמעריקע ביז שווייץ, האלאנד, שוועדן, פינלאנד, נארוועגיע, בעלגיע, אסטראליע, ניו זילאנד, דייטשלאנד, עסטרייך, קאנאדא אאז״וו. און שטודיר יענע לענדער די גאווערמענט מישט זיך אריין אין יעדע קלייניקט און מיט דעם אלעמען זענען די בירגער אסאך מעהר צופרידן ווי אין אמעריקע.

אסאך מעהר פראספערטי. ווייניגער קריים. ווייניגער מענטשען אין תפיסה. ווייניגער פאליציי ברוטאלעטי. ווייניגער ארימלייט. ווייניגער דראג עדיקס. וויניגער האומלעיס. ווייניגער קאראפציע. ווייניגער ראסיזים.

ביטע הייב אן צוקוקן אויף די פאקטן און הער אויף מיט די דמיונת.

שווייץ זעט מיר אויס צו זיין א small federal goverment & strong local goverment אין אנדערע ווערטער a loose confederation ווי יעדע סטעיט/פראווינס מאכט שבת פאר זיך. וואס דאס האבן די founding fathers געוואלט, און לויט ווי איך פארשטיי דארף עס צו זיין די בעסטע סיסטעם.
http://www.post-gazette.com/opinion/let ... 1710020025


So what happens if you are, say, a young mother in Switzerland with a little baby but no husband or similar on the scene and nowhere to live? There is no countrywide answer to this question because it is not dealt with on a national basis. It is not even dealt with by one of the 26 cantons. It is dealt with by your local commune. There are 2,900 of these and their population can be anything from 30 to 10,000 or more.


Officials from this ultra-small local government will come and investigate your individual circumstances. The father will be expected to pay. The mother’s family, if it is in a position to, will be expected to house and pay for her. As a last resort, the young mother will be given assistance by the commune. But the people who pay the local commune taxes will be paying part of the cost. You can imagine that they will not be thrilled at paying for a birth or separation that need never have taken place. Putting yourself in the position of the mother — and perhaps the father — you can imagine that you will be embarrassed as you pass people in the street who are paying for your baby. Instead of feeling you have impersonal legal rights, as in Britain, you are taking money from people you might meet at your local café. No wonder unmarried parenting is less common.

שבת אחים האט געשריבן:כהאב אסאך צוצולייגן. איך האלט דו און אלע ליבעטערינס מאלן וואסער.

איך וויל אבער נוצן דיין משל: כינע. כינע איז גראדע אסאך מעהר א ליבטעריען לאנד אין געוויסע ענינים ווי אמעריקע. און מקען טאקע זעהן פון זייער לאנד אז ליבעטרעיניזם ארבעט נישט. למשל סעיפיטי רעגיולאציעס איז כמעט נישט פארהאנען דארט. דו קענסט דארט בויען אן כמעט די גאווערמענט זאל זיך אריינמישן אין דיינע ענינים. און די רעזולטאטן פונדעם איז קלאר. אסאך מעהר עקסידענטס און אסאך מעהר בילידינגס לייגן זיך צאם ווי אין אמעריקע וועגן דעם. ווידער ווען דו פארסט אויף די הייוועי און א גרויסע טראק מיט א ריזיגע אייזנע ביעמס פארט לעבן דיר, אין כינע איז דא אסאך א גרעסרע טשאנס אז דעס זאל פאלן אויף איינעמס קאפ אין אים דערהארגענען. און טאקע סאיז דארט דא אסאך אסאך מעהר פראבלעמען און עקסידענטס טאקע דערפאר ווייל די גאווערמענט טוט זיך נישט אריינמישן. אין כינע אז דו גייסט אריין אין א רעסטעראנט ביסטו נישט זיכער צי ער גייט דיר צועסן עפעס וואס גייט דיך פארסמן ח״ו. די פאבריקן געבן ארויס אזעלכע שווערע רויעך אז מקען נישט אטעמען און אסמא און אנדערע קרענק איז אסאך שטערקער דארט ווי דא.

חוץ מזה איך בין נישט זיכער צי די היינטיגע אמעריקע איז עפעס אזוי סאך בעסער ווי די היינטיגע כינע. איך בין געוועהן אין כינע גענוג און נאך. איך בין דארט געוועהן א יאר צוריק פאר א גאנצע חודש. די רייכע שטעט אין כינע קענען זיך שוין איינמאל פארמעסטן מיט אמעריקע. סאיז דא דארט פראספערטי, און גענוג און נאך רייכע לייט וואס מאכן א לעבן. סאיז דא זאכן וואס אמעריקע איז בעסער און ווידער איז דא געוויסע ענינים ווי כינע איז בעסער.

הוא הדבר, ווען דער אמת קומט ארויס פין דער ליבעראלע, ער איז א קאמיניסט, משבח כינע, וואס האט נישט קיין פראפערטי רעכטען, און אפילו קיין רעגליעזע רעכטען, מען צווינגט פרויען צו אבארטירען, און ביזנעס ווערט געפירט דורך דער פארטיי אדער משפחה פין פארטיי.

ווען איינער איז משבח א סיסטעם ווי דאס, ברויך מען נישט מער הערען, גרויזאמע קאמיניסט, גיי דיר צו אלע שווארצע יאר.

עס איז גראדע אן אינטערנאציאנאלע פראבלעם. דאס אז מ׳קען נישט צוטיילען זאכען. קיינער האט נישט געזאגט אז אלס וואס זיי טוהן איז ריכטיג, און שבת האט זאגאר אויסגערעכענט חסרונות זייערע. אבער טאמער איין זאך טויג יא, איז אלס שוין געכשר׳ט.

דער חותם פון א רעכטער, איז דאס נישט קענען פארשטייען פרטים. ביי זיי איז עס אוועק געשטעלט אז נאר א כלל איז פארהאנען. נישט יעדער רעכטער איז אזוי, אבער דאס איז א רעכטער פעלער.

Sent from my LG-K373 using Tapatalk

מען קען זאגען פארקערט אויך, אז א לינקע פארשטייט נאר א כלל נישט א פרט, און עס איז א לינקע פראבלעם וכו'.

לדעתי נראה, אז ביסט זעהר גערעכט, ד.ה. אז בכלל אהנעמען א שטעלונג אין סיי וועלכע נושא נאר ווייל מען איז א רעכטע אדער א לינקע, אהן אריינגיין אין די שיקול פין דער געוויסע ענין איז א פעלער, און א נישט ריכטיגע וועג פין דן זיין א נושא. ליידער איז זעהר אנגענומען סיי אין אידישקייט סיי אין די גאנצע וועלט, אריין גערעכענט פרייער מדינות, סאציאליסטישע דעמאקראטישע ראפאבליקס און קאמיניסטען אוודאי, אז מען האלט געוויסע שיטות נאר ווייל מען איז א .... פיל אריין די בלענק, און דאס מאכט עס גאר שווער צו אהנעמען סיי וועלכע שיטה פין סיי וועמען, און אפילו פין זיך אליין.

למשל, עס איז זיכער אז דייטשלאנד האט א נקודה מיט אריין נעמען געליטענע מוסלמענער פין סוריא, אבער זיי גייען איבער די מאס. און יעדער זאך איז אזוי. טראמפ למשל פלעגט האלטען דעמאקראטישער שיטות, און ווערענדיג פרעזידענט האבען זיך זיינע שיטות געטוישט צו רעכטע רעפאבליקאנער שיטות. און אלע דעמאקראטען זענען מחולק מיט אים נישט קיין חילוק וואס ער טוט, ווייל ער איז א רעכטער און זיי זענען לינקע. און אזוי איז אויך ביי אונז ל"ע, דער זאלוני מוז זיין מחולק מיט ר' אהרן וועגען אריזאנא ווייץ און צומת הגידין ווייל ער האט עס געזאגט.

עס איז כמעט נישטא קיין וועג ארויס פין דער קרענק.

רבותיי: איך האב לעצטנס געטון א ביסל אין חקרנ'ען די עצם איידיע פון קאמוניזם. און פאר וואס און וויאזוי אזא מאסן מערדער ווי סטאלין האט געקענט אנגיין מיט זיין דיקטאטורישע און מערדערישע ווערטשאפט פאר דרייסיג יאר. און דאס פאלק האט נישט רעוואלטירט אקעיגן איהם. ס'איז נישט נאר דער פחד וואס איז געליגן אין די ביינער פן די מענטשן. נאר אויך זיין פאפולאריטעט. ווייל ער האט געטון א סאך גוטע זאכן אויך. נאר ס'איז געווען מעורב טוב ברע. למשל ער האט ממש אויפגעבויעט די אינדוסטרי אינ'ם לאנד. פון גארנישט. ווייל רוסלאנד דורכאויס די רעגירונגען פון די צאר'ס למיניהם (די ראמאנאוו'ס) האבן נאר אויסגעניצט דאס פאלק פאר שטייערן כדי צו פינאנסירן זייער הולטיי'אישן לעבן און פינאנסירן זייערע מלחמות. אבער זיי האבן אינגאנצן נאכגעלאזט די דעוועלאפמענט פון אינדוסטרי. אנדערש ווי למשל ענגלאנד אדער פראנקרייך. אזוי ווייט אז מ'האט געשאצט אז רוסלאנד איז בערך 100 יאר אונטערשטעליג פון אנדערע מאדערנע, אינדוסטריאליזירטע לענדער. און סטאלין האט מיט גרויס כח און געוואלד אויפגעבויעט דעם אינדוסטריאלן כח פון רוסלאנד. ער איז אויפגעקומען מיט די איידיע פון 5 יאר פלאן'ס. ד.ה. אז מ'פלאנירט וועלכע פראיעקטן מ'וועט אונטערנעמען אין די נעקסטע 5 יאר. און ביים סוף פון די צייט מאכט מען א חשבון וויפיהל מ'האט דערגרייכט. און וואס מ'דארף פאררעכטן. אין משך פון 10 יאר (2 5 יאר פלענס) האט מען אויפגעבויעט זייער א סאך פאבריקן מיט מאשינען. אויך אונטערגענומען ריזיגע אינפרא-סטרוקטור פראיעקטן. א טייל זענען געלונגען. און אנדערע האבן געפלאפט. אבער ער מיט זיינע רישעות'דיג קאמיסארן האבן אויסגעצאפט דעם דם התמצית פון די מענטשן וועלכע האבן געארבעט ביי די פראיעקטן. און פאר די קלענסטע טעות האט מען געקענט באשולדיגן איינעם אין סאבאטאזש. און ער איז אויסגעשטאנען אדער צו ווערן געהרג'עט אדער פארשיקט ווערן קיין סיביר. אבער ער האט ..."ביי האאק אר ביי קראאק"...ארויפגעארבעט די אינדוסטרי אז סאוויעט רוסלאנד איז געווארן א וועלט'ס מאכט. ער האט אויכעט אויפגעבויעט אוניווערזיטעטן אין די גרויסע שטעט ווי מאסקווע און לענינגראד. און די סטודענטן האבן דארט געלערנט פריי פון אפצאל...!

ווען ס'איז געקומען צו אגריקולטור (דער צווייטער סימן אויף דעם סימבאל פון קאמוניזם) איז שוין געווען אן אנדערע מעשה. אוקריינע. וועלכע סטאלין האט מיט געוואלד צוגעטשעפעט צו זיין א טייל פון סאוויעטן פארבאנד איז געווען באוואוסט מיט איהרע רייכע פעלדער פון תבואה. און ווען דער רויבער און רוצח סטאלין האט געוואלט איינפיהרן דאס קאמוניזם דארט האט ער געוואוסט אז די אייגנטומער פון די פעלדער וועללן זיך אקעיגן שטעללן. איז ער געקומען ווי א חכם. און ר'האט זיי געזאגט אויב זיי נעמען אן זיין פלאן צו קאלעקטיוויזירן. דאס מיינט צו ווערן ...."שותפים"... מיט'ן גאווערנמענט, וועללן זיי קענען האלטן 15% פון די תבואה פאר זיך. און די איבריגע וועט גיין פאר'ן וואוילן פעטער. פארשטייצעך אז זיי האבן אפגעווארפן זיין פלאן. האט ער זיי געזאגט, כדרכו..."עטץ וועטץ נאך חרטה האבן און עטץ וועטץ ענק נאך קומען בעטן"...ויהי היום. ס'איז געקומען סוף זומער. ווען מ'דארף אנפלאנצן די תבואה פאר'ן קומענדיגן יאר. און די פארמערס האבן געדארפט סחורה פאר פלאנצונג ווי כעמיקאלן און טראקטארס.זענען זיי געגאנגען צו דעם גוטן פעטער סטאלין בעטן. האט ער זיי געזאגט אויב עטץ נעמטץ אן מיין פלאן באקומט עטץ אלעס. ס'איז דא פון אלעם בשפע. אבער אויב נישט באקומט עטץ א פייג...! (ווייל מ'דארף געדענקען אז דאס קאמוניזם האט געלייגט א קאנטראל אויף אלעם). ולא עוד. ס'איז געקומען די קאלטע טעג. און די מענטשן האבן פארלאנגט האלץ און קוילן פאר הייצונג. האט ער און זיינע שליחים געענטפערט די זעלבע. אויב עטץ נעמטץ אן דעם פלאן פון קאלעקטיוויזאציע באקומט עטץ אלעס. אנישט באקומט עטץ א פייג. און דאס אויכעט נישט...! ווען זייערע רעפרעזענטאטיווס זענען געקומען צו לויפן צו סטאלין און געבעטן בתחנונים אז מענטשן שטארבן פאר קעלט און הונגער האט ער געענטפערט קאלטבלוטיג...."איך האב ענק שוין געזאגט וואס עטץ האטץ צו טון"...און---די סטאטיסטיקס זאגן--- אז בערך 5 מיליאן מענטשן זענען געשטארבן פאר הונגער און קעלט יענעם ווינטער. ולא עוד. דער רשע און רוצח האט נאך אריינגעשיקט זיינע קאמיסארן און זיי זענען געקומען באזוכן ביי אלע פויערן אין אוקריינא. און די ביסל עסן וואס זיי האבן באהאלטן האבן זיי אוועקגערויבט פון די מענטשן...! און ס'האט איהם נישט בארירט קייין כי הוא זה...!

נאך א סטראטעגיע האט ער געהאט. אז ער האט גענומען איין מענטש פאר'ן הויפט פון די זיכערהייטס פאליציי. און ער האטציך גענומען בעיקר צו די מענטשן וועלכע האבן זיך שוין געהאט ארויפגעארבעט אין די קאמוניסטישע פארטיי און זענען געווען גרויסע פריצים. און בין יום ללילה האט מען זיי ארעסטירט . און געמאכט פאלשע בילבולים אויף זיי . און מ'האט זיי געשאסן. אדער פארשיקט קיין סיביר. נאכדעים האט ער גענומען אנדערע מענטשן אויף זייער ארט. אן נאך א שטיק צייט האט ער זיי אויך געלאזט ארעסטירן און אויסשיסן. אויך די הויפטן פון די זיכערהייטס פאליציי די טשעקא און שפעטער די נ.ק.וו.ד.../ק.ג.ב. האט ער געטוישט א יעדע פאר יאר. זיין ערשטער הויפט פו די טשעקא איז געווען (ליידער א איד) דזשערזשינסקי. וימת זשערזשינסקי. ווייל סטאלין האט געהייסן מ'זאלל איהם הרג'נען וימלוך יעזשאוו (אויך א איד'ל. וועמענ'ס ווייב האט געהאט א שטארק אידישן נאמען. חנה פייגנבוים.) און דער איז געווען גאר א גרויסער רוצח. ער האט בידים אויסגערהג'עט א סאך שולדיגע און אומשולדיגע מענטשן. און זיינע אגענטן האבן אויכעט אויסגעפיהרט מאסן רציחות. און ווען מענטשן האבן אנגעהויבן צו רעדן אז מ'הארג'עט עפעס אויס א סאך מענטשן. האט סטאלין עס געבלעימט אויף זיין פאליס טשיעף. און ער האט איהם מעביר געווען. אבער אין רוסלאנד מעביר זיין האט געמיינט מאכן מיט א קאפ קערצער. והך קאווע. און ער האט אזוי געטון. ער האט אויפגענומען א נייעם פאליס טשיעף. איינער א האלבער איד מיט'ן נאמען לאוורענטי בעריא. זיינער א לאנדסמאן פון גרוזיניע. דער בעריא איז פארשטייצעך אויכעט געווען נישט קיין קליינער רוצח. און ער האטציך באלד גענומען צו די ארבעט. איינס פון די ערשטע זאכן וואס ער האט געטון איז ארעסטירן זיין (געוועזענעם) באס. יעזשאוו. איין שיינעם פרימארגן וואקט ער אריין צו זיין באס יעזשאוו אין אפיס. און ער זאגט צו איהם.."דו ביסט ארעסטירט"...יענער האטציך קודם אויסגעלאכט פון איהם. דו ראצער, וואס רעדסטו נארישקייטן. הקיצור. ס'האט איהם גארנישט געהאלפן. מ'האט איהם געקייטלט און אריינגעפיהרט אין די חד גדיא. טאקע אין דעם זעלבן בילדינג וואו ער האט געפייניגט און געהרג'עט א סאך מענטשן. און מ'האט איהם דערשאסן...וימות...נאכנישט פארטיג. די קאמוניסטן האבן געהאט אן אנדער'ן טאקטיק. נאכדעים וואס זיי האבן געהרג'עט א מענטש האבן זיי געשיקט פאר זיין משפחה א בילל פאר די בולעטס וואס זיי האבן געניצט...שומו שמים...! ס'איז נאך דא א סאך צו פארציילן. ועוד חזון למועד...!

המשך פון פריער:וימלוך בעריא. און בעריא . דער..."נייער"... פאליס טשיעף האט געקעניגט. וואס מיינט ..."געקעניגט"...ער האט געטון כל מה שליבו הטמא חפץ. ער האט געמאכט ליסטס פון מענטשן וועם מ'דארף ארעסטירן און פייניגן און הרג'נען. און אויכעט וועים זיין באס , סטאלין האט געהייסן ארעסטירן און הרג'נען אדער פארשיקן קיין סיביר אין די גולאגס. צווישן זיי הויעכע פאליטישנ'ס און אפיצירן פו די ארמיי. און אפילו גענעראלן. ווייל סטאלין האט געליטן פון א מחלה וואס הייסט פאראנויא. און ער האט מורא געהאט אז זיי וועללן מאכן אן אויפשטאנד אקעיגן איהם. אזוי ווייט אז ווען ס'איז געקומען די צייט וואס די נאציס האבן אינוואדירט רוסלאנד האט ער נישט געקענט אהערשטעללן א פעסטע ארמיי וואס זאלל ארויסגיין און זיך שלאגן אקעיגן זיי. ס'זענען נאר געבליבן 2 גרויסע גענעראלן. איינער פון זיי האט געהייסן דזשארדזשי דזשוקאוו. (א גוי) און איינער א איד מיט'ן נאמען שאפאשניקאוו.און די נאציס, ימ"ש זענען שוין אנגעקומען ביז 20 קילאמעטער (בערך 18 מייל) פון מאסקווע. אין די זעלבע צייט האט דער הויפט פן די נ.ק.וו.ד. בעריא געלעבט א הולטיי'אישן לעבן. ער האט געטון דאס וואס רש"י זאגט אויף עשיו הרשע...הי' צד נשים ומענה אותן , וכו'... און ס'איז נישט געווען קיין דין ודיין וואס זאלל איהם קענען סטאפן. ווייל זיין באס איז נישט געווען בעסער פון איהם. און ס'האט איהם נישט אינטרעסירט. ווילאנג ער האט אויסגעפיהרט זיינע באפעלן פון ארעסטירן און הרג'נען טויזנטער מענטשן...!

ויהי היום. און דער הויפט מערדער סטאלין האט פלאנירט זיך ארויסצולאזן אויף א נייעם קאמפיין פון מאסן ארעסטן און רציחות. און ער האט געזוכט תירוצים וויאזוי אדורכצופיהרן די ארעסטן פון א סאך אנפיהרערס פון די פארטיי. מ'דארף געדענקען אז ער איז אויכעט געווען א גרויסער שונא ישראל. וואס צוערשט האט ער געלאזט די תינוקות שנשבו . די אידישע קינדער. די וועלכע זענען שוין אויפגעוואקסן אונטער'ן קאמוניזם, אן קיין טראפ פון אידישקייט. חוץ פון רעדן די אידישע שפראך. און זיי זענען געווען זייער שטארק טאלאנטירט. א סאך פון זיי זענען געווען זינגערס און שפילערס אין אידישן טעאטער.ער האט זיי געלאזט שפילן איבער גאנץ רוסלאנד. אין די גרויסע שטעט. און זיי האבן געלעבט זייער א ברייטן און רואיגן לעבן. און ווען די 2'טע וועלט מלחמה האט אויסגעבראכן . זענען א גרויסע טייל פו זיי ארומגעפארן איבער גאנץ אמעריקע . און זיי האבן געמאכט א סאך געלט פון די שאוס וואס זיי האבן אראפגעלייגט. און דאס אלעס געשיקט קיין רוסלאנד פאר דעם וואוילן פעטער סטאלין. (פארשטייצעך נאכ'ן אראפנעמען א גוטן חלק פאר זיך). די פרייע אידישע באפעלקערונג אין אמעריקע. ספעציעל אין ניו יארק האט זיי אויפגענימען מיט אפענע ארעמס. מ'האט זיי געקויפט די שענסטע און טייער'סטע סוטס. און אנהייב די '50'גער יארן האט זיך עפעס געגעבן א דריי אין דעם גרויסן מערדער סטאלין'ס קאפ. און ער האט זיך גענימען רודפ'ן די אידן. אלס אידן. אויסער פון א רעליגיעזן שטאנדפונקט. וואס זיינע רעבעס ווי לענין און טראצקי האבן נאך געטון ביים סאמע אנהייב פון קאמוניזם.אין די זעלבע צייט האט ער אויכעט געוואלט פטור ווערן פון א סאך גרויסע פריצים אין די רעגירונג און די פארטיי. האט ער זיך דערטראכט צו א בילבול וואס ער האט געמאכט אויף די אידישע דאקטוירים. אז זיי האבן געוואלט פארסמ'ען א סאך מענטשן אין די קאמוניסטישע פארטיי. און אויך איהם. און ער האט אנגעהויבן אדורכצופיהרן מאסן ארעסטן. און א סאך פון די גרויסע אידישע טעאטער שפילערס און זינגערס האט ער געלאזט הרגנ'ען דורך זיינע פערזענליכע רוצחים וואס ער האט געשיקט. זיי האבן גארנישט חושד געווען וואס ער פלאנט צו טון צו זיי. ווייל זיי האבן דאך געהאט ..."קרעדיט"...ביי איהם. זיי האבן געשיקט מיליאנען דאללערס קיין רוסלאנד בשעת די וועלט מלחמה, וואס זיי האבן פארדינט אין אמעריקע. אבער זיין פאליס טשיעף בעריא האט אנגעהויבן חושד צו זיין אז זיין באס, סטאלין איז נישט כתמול, שילשום. און ער וויל איהם אויכעט אפפטר'ן. און בעריא האט געוואוסט אז ביי סאטלין ..."פטור".. ווערן מיינט הרגנ'ען. האט ער זיך מקדים געווען. אבער אין די זעלבע צייט איז געווען אן עת צרה ליעקב. ווייל דער מאסן מערדער האט געפלאנט אנצוהעצן די גוי'אישע באפעלקערונג אויף די אידן אז ס'זאללן ח"ו אויסברעכן פאגראמען אויף די אידן. וויייל די מידיא האט געהאלטן אין איין העצן אקעיגן די אידישע דאקטוירים. און אקעיגן אלע אידן. דאס אלעס האטציך אפגעשפיעלט אין חודש אדר. און פונקט אזוי ווי ס'שטייט אין די מגילה ביי אחשורוש. והמלך והמן ישבו לשתות. והעיר שושן נבוכה.... דער רשע סטאלין האט געמאכט א גרויסע פארטי און געהוליעט ביז שפעט אין די נאכט. און צווישן די איינגעלאדענע געסט און (געוועזענע) מקורבים איז אויכעט געווען דער הויפט פון די נ.ק.וו.ד., לאוורענטי בעריא. און ער האט (מסתמא. אזוי האלטן רוב עקספערטן) אריינגעגאסן א סם וואס הייסט ווארפארין. דאס איז א בלוט פארדיננער. מ'נוצט עס אויך אלס מעדיצין. אבער סאך פון דעם איז שעדליך. אין זיין (סטאלינ'ס) פעיוואריט דרינק. וויין פון זיין היימלאנד גרוזיניע. ווייל מ'דארף געדענקען אז דער גרויסער רוצח האט זיך זייער שטארק געהיטן. ווייל ער האט טאקע אייביג מורא געהאט אז מ'וויל איהם פארסמ'ען. האט ער געהאט א מנהג אז ער פלעגט געבן צו עסן פון זיין טעלער פאר א יעדן (..."שיריים"...) און מ'האט געמוזט עסן. ווייל ער האט געוואלט מאכן זיכער אז די עסן איז נישט פארסמ'ט. אבער בעריא איז געווען פון זיינע נאנטע מענטשן. און ער האט דאס געקענט אריינלייגן. און דער סם האט נישט קיין גערוך אדער א טעם. דאס אלעס איז געשעהן פורים ביינאכט ביי די מגילה ליינען. און א פאר רבי'ס, וועלכע שטאמען פון רוסלאנד האבן געוואוסט וואס די אידן דארט גייען אדורך, זיי האבן געזאגט אז דער רשע גייט האבן א מפלה אין יענע נאכט. וכך הווה. ישועת ה' כהרף עין...דעם נעקסטן טאג, פורים. זיינע באדינערס און וועכטערס האבן געזעהן אז ער שטייט נישט אויף. און קומט נישט ארויס פון זיין צימער. זיי האבן געווארט א גאנצן טאג. ערשט ביינאכט זענען זיי אריינגעגאנגען צו איהם. און זיי האבן איהם געטראפן ליגן אויפ'ן פלאהר, מיט א סטראוק. אין א זייער נישט קיין בכבוד'דיגן מצב. און דער פאליס טשיעף בעריא איז אנגעקומען. און ער האט געזאגט. וואס מאכט מען דא א פאניק. ער איז בסך הכול געוען מיעד. און ער איז איינגעשלאפן. מ'האט געזעהן אז ער שלעפט די צייט. און וויל נישט ברענגען מעדיצינישע הילף פאר זיין באס, סטאלין. אבער די ארומיגע מענטשן האבן יא אלארמירט די דאקטוירים. אבער די פראבלעים איז געווען אז אלע גרויסע דאקטוירים וועלכע זענען געווען אידן, זענען געווען ארעסטירט. זענען זיי געגאנגען צו די דזשעיל און זיי האבן געברענגט אייינעם פון די גרויסע אידישע דאקטוירים. אבער ס'איז שוין געווען צו שפעט. ווייל דעם נעקסטן טאג איז ער געפגר'ט...כן יאבדו כל אויבך ה'...!

גלייך נאכדעים וואס סטאלין האט געפגר'ט האט בעריא איבערגענימען די מאכט פון די רעגירונג. און די ערשטע זאך וואס ער האט געטון איז געווען צו באפרייען אלע אידישע דאקטוירים פון תפיסה. און זיי איבערבעטן. און ער האט געלאזט וויסן איבעראל אז די גאנצע זאך איז נאר געווען א בילבול...! וליהודים היתה אורה ושמחה וששון ויקר...!

המשך יבוא, אי"ה...!

המשך פון פריער: (התנצלות המעתיק. ווען איך זעה אז דער עולם געט לייקס געט עס מיר קוראזש און מוט ווייטער צו שרייבן. נישט ווייל איך דארף די לייקס. נאר איך זעה אז דער עולם ליינט וואס איך שרייב. און איך רעד נישט צו די ווענט...!ייש"כ.)

וימלוך לאוורענטי בעריא. ער האט (נעבעך) געמיינט אז זיין מלוכה און ממשלה וועט מאריך ימים ונשים זיין. זיין מלוכה האט נישט אנגעהאלטן מער ווי 4 וואכן. ווייל מ'דארף געדענקען אז דאס קאמוניזם איז געווען הורתו ולידתו מיט רציחה און מערדעריי. און דאס זענען געווען די פירות פון דעם. איינער האט געמאכט קאנספיראציעס אקעיגן דעם צווייטן. ווייל ער האט געהאלטן אז זיין ..."בעסטער" חבר פלאנירט צו מאכן א יד אחת אקעיגן איהם. און איהם הרג'נען. האט ער איהם געוואלט מקדים זיין.

איינער פון די "מקורבים" ביי סטאלין איז אויכעט געווען ניקיטא כרושטשעוו. א יעדער האט איהם געהאלטן פאר א טיפש און א קלאון. אפילו סטאלין , ימ"ש פלעגט זיך אונטערהאלטן ביי זיינע הוליאנקעס מיט מאכן חוזק און שפאט פון איהם. ווען ער האטציך גוט אנגעשיכור'ט, כדרכם, האט סטאלין איהם געהייסן טאנצן א ..."קאדאטשקע"... און א יעדער האט געלאכט פון איהם. און מ'האט איהם באווארפן מיט זאכן ווי טאמעיטאס . הקיצור. ר'איז געווען קהל'ס נאר. קיינער האט איהם נישט גענומען ערנסט. אויך בעריא האט זיך נישט געהיטן פון איהם. אבער דערווייל, במחשכים האט דער טיפש ניקיטא כרושטשעוו געפלאנט איבער צו נעמען די מאכט. און אזוי ווי דער מנהג איז געווען אין רוסלאנד, האט מען געדארפט אפרוימען פון וועג דעם ..."שונא"...האט ער זיך אפגעשמועסט מיט 2 גרויסע גענעראללן און געזאגט צו זיי לאמור. אזוי צו זאגן..."עטץ זאלטץ נישט טראסטן דעם בעריא. ווייל ער וועט ענק אויך צום סוף אריינווארפן אין דזשעיל און הרג'נען. אשר על כן. וועט מען איהם ארייננארן אז ער זאלל קומען צו א וויכטיגע מיטינג אין קרעמלין. און ווען מ'וועט ענק געבן א סיגנאל זאלט עטץ אריינקומען אין צימער און איהם דערשיסן...! והך קאווע. און ס'איז טאקע אזוי געווען. כרושטשעוו (וועלכער איז אויכעט נישט געווען קיין קליינער רוצח בזכות עצמו) האט געלאזט רופן בעריא צו א מיטינג אין קרעמלין. און צו די באשטימטע צייט האט ער געהייסן איינעם פון זיינע אדיוטאנטן אז ער זאלל דריקן דעם באטטן פון דעם אינטערקאם וואס דארף געבן דעם סיגנאל פאר די צוויי חברה וואס ווארטן אין אנדער'ן צימער. אבער יענער האט נישט געהאט די ..."גאטס" דאס צו טון. איז געגאנגען כרושטשעוו און ער האט אליינס געדריקט דעם קנעפל. און די 2 גענעראללן ( וועלכע האבן געמעגט טראגן מיט זיך גאנס.) זענען אריינגעקומען. און בעריא איז געזיצן ביי א דעסק. ווען ער האט זיי געזעהן אריינקומען. וירא...האט ער פארשטאנען כי כלתה אליו הרעה. פארוואס פארא צוועק זיי זענען אריינגעקומען. און ער האט זיך אראפגעבויגן, ארויסצונעמען זיין אייגענעם גאן פון זיין בריעף קעיס. צו זיין גרויס ערשטוינונג האט ער באמערקט אז דער גאן איז נישט דא. מ'האט עס איהם ארויסגעגנב'עט. איז ער בלאס געווארן פאר שרעק. אבער בשעת ער האטציך אראפגעבויגן האבן איהם די 2 גענעראללן דערשאסן...! וימות. און ער איז געשטארבן...!

וימלוך תחתיו ניקיטא כרושטשעוו. אבער ער האט זעהט אויס מכח עניוות יתירה נישט געוואלט נעמען דעם גאנצן עול פון פיהרן די רעגירונג אויף זיינע אייגענע פלייצעס, האט ער זיך צו גענימען א שותף. איינעם מאלענקאוו. נאר עפעס אויף א וואונדערליכן אופן איז דער שותף נאך א קורצע צייט פלוצלינג נעלם געווארן. און כרושטשעוו איז געבליבן ביי די מלוכה אליין.

איך מיין אז איך האב שוין גענוג אויסגעמוטשעט דעם עולם מיט די שטותים. ע"כ וועללן מיר לאזן דעם המשך פאר א צווייט מאל. ועוד חזון למועד, אי"ה...!

א שטיקל הוספה צו די פריער'דיגע באשרייבונג: נאכדעים וואס דער גרויסע פאטער פון די פעלקער יאסעף סטאלין'ס ערשטער פאליציי שעף, דזשערזשינסקי איז .."פלוצים" געשטארבן. און נאך פאר דער צווייטער אפיציעלער פאליציי שעף , דער קליינטשיג'ער איד'עלע יעזשאף איז אריין אין אמט. האט דער גרויסער און קלוגער פיהרער פון סאוויעטן פארבאנד אויפגענימען א צייטווייליגן הויפט פון די זיכערהייטס פאליציי די נ.ק.וו.ד.. ער האט געהייסן יאגאדא. דער מר. יאגאדא האט אויסער זיין הויפט מעלה אז ער איז געווען א גרויסער רוצח, איז ער אויכעט געווען זייער א דערבארעמדיגער מענטש מיט א ווייעך הארץ פול מיט רחמנות. ער האטציך זייער שטארק געזארגט פאר די אלע קינדער וועלכע זענען נעבעך געבליבן יתומים. וועמענ'ס עלטערן ער האט אויסגעהרג'עט. ער האט געלאזט אויפשטעללן גרויסע יתומים הייזער און געזארגט אז די קליינע יתומים'לעך זאללן האבן געניג צו עסן. און קליידער און שפילצייגן... עד שהגיע סופו. אין א שיינעם טאג האט מען איהם ארעסטירט און געשיקט בדרך כל האדם...ער האט נעבעך געענדיגט געשאסן אין די קלערן פון די לוביאנקא פריזאן אין מאסקווע..!

יישר-כח ר' בערל פאר'ן ברייטען באריכט איבער די קאמאניסטישע גאווערמענט.

איין נקודה איז וויכטיג צו חוקר זיין.

צו סטאלין זעלבסט איז געוועהן א רשע-מרושע און א סאדיסטישער-מאסן-מערדער אן קיין שייכות צו זיין שיטה אין הנהגת המדינה.

אדער גאר אז אט די שיטה פון קאמאניזם האט אין זיך א נטור אז ס'ברענגט אריין השחתת המידות אין די פיהרער'ס פונעם לאנד, איינמאהל זיי האבן אזא מאכט אונטער זיך.
און מ'ברויך האבן גאלדענע מידות צו זיצן אויף אזא בענקל און בלייבן א וואוילער מענטש.

אין ר יצחק זילבערס בוך שרייבט ער דארט וויאזוי מענטשן האבן ממש גע'חלש'ט פאר צער ווען סטאלין איז געשטארבן, ער שרייבט וויאזוי א אידישע פרוי האט עם געזאגט וואס וועט זיין, ווער וועט זארגן פאר אונז, כאטש וואס עס איז דעמאלס געווען בעיצומו פון די אידישע דאקטוירים בלבול ווען אלע אידן האבן געלעבט אין א פחד איז זיי נעבעך נישט בייגעפאלן צו באשולדיגן סטאלין אין די גאנצע זאך , זיי האבן גאר באשולדיגט די דאקטוירים.
אבער ער שרייבט עס בעיקר צו צו די געוואלדיגע פראפאגאנדע וואס מען האט געמאכט , ווי צום ביישפיל מען האט אמאל געלייגט א בילד אין די צייטונגען ווי סטאלין זיצט אין זיין קאבינעט אינמיטן נאכט און ער ארבעט פארן לאנד , אין יעדן בוך האט דער מחבר געהאט אן הקדמה ווי ער האט אויסגעלויבט סטאלין , אין די סקולס האט מען געלערנט מיט די קינדער אז סטאלין איז דער מציל ומושיע, ( נישט קאמוניזם, נאר סטאלין) ועוד ועוד.

אונטער חכם: ייש"כ. דאס איז ממש די זעלבע וואס איך האב געזאגט אויבן אין דעם אשכול. און אין דעם אנדער'ן אשכול לידידנו התמים, ר' שבת אחים שליט"א. און הרב זילבער שליט"א קומט דאך פון דארט. איז עס אן ערשטהאנטיגע רעפארט. וואס איז ווערט מער פון טויזנט פעידזשעס אין א ביכל...!

נקודת-אמת האט געשריבן:יישר-כח ר' בערל פאר'ן ברייטען באריכט איבער די קאמאניסטישע גאווערמענט.

איין נקודה איז וויכטיג צו חוקר זיין.

צו סטאלין זעלבסט איז געוועהן א רשע-מרושע און א סאדיסטישער-מאסן-מערדער אן קיין שייכות צו זיין שיטה אין הנהגת המדינה.

אדער גאר אז אט די שיטה פון קאמאניזם האט אין זיך א נטור אז ס'ברענגט אריין השחתת המידות אין די פיהרער'ס פונעם לאנד, איינמאהל זיי האבן אזא מאכט אונטער זיך.
און מ'ברויך האבן גאלדענע מידות צו זיצן אויף אזא בענקל און בלייבן א וואוילער מענטש.

נקודת אמת: ייש"כ. טאקע מהאי טעמא. ווייל איך האב געהאט די זעלבע חקירה, און כ'האב געוואלט דערגיין דעם אמת, האביך געטון א ביסל (מחקר) ריסוירטש, בלע"ז ווי מ'זאגט אין אמעריקע...! איז, ביניך געקומען צו אן אינטרעסאנטע מסקנא. אז ביידע נקודות זענען ריכטיג. דער קאמוניסטישער סיסטעם איז געווען הורתו ולידתו מיט טעראר און רציחה פון מאסן שולדיגע (לשיטתם) און אויך אומ-שולדיגע מענטשן. נאר די נפקא מינה איז אז וולאדימיר לענין. דער ערשטער פרעזידענט פון די קאמוניסטישע מדינה האט געוואלט איינפיהרן גאנץ א מענטשליכן און יושר'דיגן סיסטעם פאר יחידים. מ'רעדט נישט פון גרויסע ביזנעס אונטערנעמונגען וואס אלע קאמוניסטן האבן לפי שיטתם חרוב געמאכט און בארויבט די בעלי בתים.דאס איז דאך איינס פו די עיקרי האמונה ביי די קאמוניסטן. אבער לענין האט געוואלט ערלויבן אז יחידים זאללן מעגן האבן אייגענע הייזער און קליינע פארמס. וואס די רעגירונג האט זיי געדארפט צו טיילן. אוועקנעמענדיג עס פון די פריצים. די בעלי בתים פון די גרויסע שטיקער לאנד. און אנדערע קליינע ביזנעס'ן ווי גראסעריס און אנדערע קליינע געשעפטן. אבער ער איז פריצייטיג געשטארבן. און דער גרויסער רוצח סטאלין האט פארכאפט די מאכט. און ער פערזענליך איז אויכעט געווען א קאלטבלוטיגער, צינישער רוצח. אבער דער קאמוניסטישער, פארדארבענער סיסטעם האט איהם געגעבן די געלעגנהייט אדורכצופיהרן זיינע רציחות. וואס ער וואלט נישט געקענט טון אין א דעמאקראטיע. הגם די אריגינאלע פריצים. די הויפט מאכערס אין די קאמוניסטישע פארטיי האבן יא געוואלט איינפיהרן עפעס א שטיקל יושר'דיגן סיסטעם. אבער ער האט זיי צו ביסלעך אלע פון די אלטע גווארדיע אויסגעהרג'עט. ער האט געמאכט קאנספיראציעס פון איינעם אקעיגן זיין חבר. און נאכדעים אקעיגן דעם. און דעם אנדער'ן. נאר ער האט אויך געקענט רעדן זייער שיין . מיט א שמייכל. און לסוף האט ער געהרג'עט זיינע בעסטע גוטע פריינט. ווייל איהם האטציך אזוי געלוינט. ואכמ"ל כמו שהארכתי במאמריי הקודמים...!

לסיכום: אז דער סיסטעם אליין איז אויכעט געווען פארדארבן. ווייל אלע זיינע חברים און נאכפאלגער. אפילו די וועלכע האבן לכאורה געהאלפן אים אפרוימען פון וועג. זענען געווען אויך גאנץ גרויסע רוצחים בזכות עצמם. אפשר נישט אזעלכע גרויסע רוצחים ווי ער. אבער זיי זענען געווען גאנץ קליינע צדיקים...!

נקודת אמת" נאך איין קליינע נקודה. ביי זיי איז ריכטיג מקויים געווארן דער מאמר המשנה אין מסכת אבות ביי הילל הזקן. ווי די משנה ברענגט..."אף הוא ראה גילגולת אחת צפה על המים. אמר לה.."על דאטפת, אטפוך... וסוף מטייפך, יטופון"...!

דער עיקר וואס איך האב געוואלט חוקר זיין איז לאו דווקא וועגן די קאמאניסטישע רעגירונג אין ברית-מועצות-חבר-העמים

נאר בכלל אויב ס'איז מעגליך צו האלטן די סארט רעגירונג צו פיהרן א לאנד אן צו זיין אזא רויבער און מאסן מערדער,

לאמיר ניט פארגעסן אז רציחות איז נישט געוועהן די איינציגסטע עבירה וואס זיי האבן עובר געוועהן.

ס'איז געוועהן אן עכטע שלטון מושחתים דארטן וואס אלעס האסטו געקענט האבן פאר אפאר טאלער...

און דאס איז מיין שאלה, אויב ס'איז מעגליך צו געבן פאר א קבוצה מענטשן צו פיהרן א גאנצע לאנד מיט פול מאכט

אן אז זיי זאלן ווערן רויבער'ס מערדער'ס וכו'.

נקודת אמת: אלס א דירעקטן ענטפער צו דיין שאלה. ניין. ס'איז נישט מעגליך צו ווערן דער הויפט פון א דיקטאטורישע רעגירונג און בלייבן אן ארנטליכער מענטש. ווייל די נסיונות זענען צו שטארק. ראשית כל האט דער דיקטאטאר א צוטריט צו א סאך געלט. און כח. און אט דעם אומבאגרעניצטן כח נוצט ער אויס אקעיגן זיינע פאליטישע (און פערזענליכע) שונאים. און ס'איז נישט דא קיינער וואס קען איהם צוריקהאלטן.

נאר אין דעם פאל פון דעם קאמוניסטישן סאוויעטן פארבאנד איז געווען נאך א נקודה וואס איז נישט געווען בנמצא אפילו אין כמעט קיין איין אנדערע דיקטאטורישע מלוכה. זיי האבן אקטיוו געזוכט שונאים . באהאלטענע און אפענע. דאס איז דער כלל. און דער פרט אז סטאלין אליינס איז געווען א בלוטדורשטיגער, קאלטבלוטיגער רוצח. וואס האט כסדר ארויס געזוכט נייע גרופס און יחידים וועם צו טעראריזירן און אפרוימען פון וועג. מיט'ן תירוץ אז זיי זענען שונאים פאר די מלוכה.

אפשר אלס א שטיקל לימוד זכות. (נישט אז ס'בארעכטיגט זייערע מעשים) אז די נייע קאמוניסטישע רעגירונג איז אדורך גאר שווערע און אומזיכערע צייטן. ווייל זיי האבן געקעמפט אקעיגן פארשידענע גרופס וועלכע האבן זיי געוואלט אראפזעצן פון די מאכט.ווי למשל די סאציאל דעמקראטן. אנגעפיהרט דורך קערענסקי (אויך א איד). נאר מיט איהם האבן זיי זיך לכאורה גאנץ גרינג אדורכגעקומען. זיין גרופ האט באקומען שלא ביושר דעם כינוי ..."מענשעוויקס"...וואס מיינט דער מיעוט. לעומת די קאמוניסטן האבן באקומען דעם כינוי..."באלשעוויקס".. די רוב. במציאות איז די מעשה געווען פארקערט. אבער די באלשעוויקן זענען געגאנגען מיט טעראר מלכתחילה. ואכמ"ל. אפשר ביי א צווייטע געלעגנהייט...! אבער די עיקר שונאים פון די באלשעוויקן וועלכע האבן נאך געהאט א גרויסן כח זענען געווען די צאריסטן. די..."ווייסע"...זיי האבן שטארק געקעמפט אקעיגן די באלשעוויקן. זייער מטרה איז געווען צוריקצוברענגען דעם צאר צו די מאכט. צווישן זיי זענען געווען א סאך מיליטערלייט. און הויכע אפיצירן פון די צארישע ארמיי. און ס'האט אויסגעבראכן א ציווילע מלחמה אין לאנד...!
און ווען די באלשעוויקן האבן זיך גובר געווען און ענדגילטיג אונטערדריקט א יעדן אויפשטאנד איז עס צוגעגאנגען מיט גרויס אכזריות און א סאך רציחה. בלוט האט זיך געגאסן ווי וואסער. מ'האט נישט געמאכט קיין לאנגע (און אפילו נישט קיין קורצע) משפטים. מ'האט איינעם חושד געוון אז ער איז א קאנטער רעוואלוציאנער. (פי, מתנגד לממשל המהפיכה .) איז געווען אחת דתו...! און נאך א פאקטאר אין די פארמערטע רציחות איז געווען. אז א יעדער איינער פון די הויכע פריצים אין די פארטיי האט באקומען א רעוואלווער. און ער האט געקענט לפי רצונו אראפשיסן איינעם וואס האט נאר געקוקט קרום אויף איהם. מיט'ן תירוץ אז ער איז א קאנטעררעוואלוציאנער...!

נאר סטאלין איז געקומען און ער האט נאך מוסיף געווען אויף די רציחות.ער האטציך גענימען צו אלע זיינע חברים. פארשטייצעך נישט אלע אויף איינמאל. נאר אחד, אחד, כמו שאמרנו למעלה. ביז די אלטע גווארדיע זענען שוין געווען אויסגעראטן. ווייל ער האט מורא געהאט אז זיי וועללן איהם אראפווארפן פון בענקל. און דארט האט נישט געמיינט גיין אויף וואקאציע. נאר ס'האט געמיינט, מיט א קאפ קורצער...!