קאווע שטיבל

בארא פארק - א איד וועלכער האט געהאלטן בעפארן חתונה מאכן א קינד האט זיך אינעם יום החופה ערוועקט מיט שווערע יסורים, און זיין דאקטאר האט אים דיאגנאזירט מיט א ערנסטע מחלה אויף די נירן, זאגנדיג אז ער מוז זיך באלד אפערירן. בצר לו האט ער אנגערופן צו זיין רבי'ן כ"ק אדמו"ר מבאבוב-45 שליט"א וועלכער האט אים געהייסן פארלאזן דעם שפיטאל און ארויסגיין צו די חתונה, טראץ די הפצרות פון די דאקטוירים אז מען מוז תיכף מאכן די אפעראציע. דעם קומענדיגן טאג ווען ער איז צוריק געקומען צום דאקטאר צוליב די נאכאנאנדע ווייטאגן, האט זיך ארויסגעשטעלט אז די נעכטיגע טעסט'ס זענען געווען בטעות יסודם און עס איז באמת געווען נאר א קלייניגקייט אויף וועלכע ער האט בלויז געדארפט אריבערגיין א מינימאלע באהאנדלונג.

בארא פארק - א איד

וואס איז זיין נאמען?

וועלכער האט געהאלטן בעפארן חתונה מאכן א קינד

וועלכע טאג איז געווען די חתונה?

האט זיך אינעם יום החופה ערוועקט מיט שווערע יסורים, און זיין דאקטאר האט אים דיאגנאזירט מיט א ערנסטע מחלה אויף די נירן

וועלכע מחלה?

זאגנדיג אז ער מוז זיך באלד אפערירן

פארוואס?

בצר לו האט ער אנגערופן צו זיין רבי'ן כ"ק אדמו"ר מבאבוב-45 שליט"א וועלכער האט אים געהייסן פארלאזן דעם שפיטאל און ארויסגיין צו די חתונה, טראץ די הפצרות פון די דאקטוירים אז מען מוז תיכף מאכן די אפעראציע.

האט דער רבי מסביר געווען פארוואס?

דעם קומענדיגן טאג ווען ער איז צוריק געקומען צום דאקטאר צוליב די נאכאנאנדע ווייטאגן, האט זיך ארויסגעשטעלט אז די נעכטיגע טעסט'ס זענען געווען בטעות יסודם און עס איז באמת געווען נאר א קלייניגקייט אויף וועלכע ער האט בלויז געדארפט אריבערגיין א מינימאלע באהאנדלונג.

דאס מיינט אז ער איז נעבעך געווען ביי זיין קינד'ס חתונה מיינענדיג אז ער האט א שווערע מחלה וואס אויב דער רבי וואלט אים געהייסן מאכן נאך א טעסט פאר די חתונה וואלט מען דאס שוין געוואוסט נאך פאר די חתונה.

Man City האט געשריבן:בארא פארק - א איד וועלכער האט געהאלטן בעפארן חתונה מאכן א קינד האט זיך אינעם יום החופה ערוועקט מיט שווערע יסורים, און זיין דאקטאר האט אים דיאגנאזירט מיט א ערנסטע מחלה אויף די נירן, זאגנדיג אז ער מוז זיך באלד אפערירן. בצר לו האט ער אנגערופן צו זיין רבי'ן כ"ק אדמו"ר מבאבוב-45 שליט"א וועלכער האט אים געהייסן פארלאזן דעם שפיטאל און ארויסגיין צו די חתונה, טראץ די הפצרות פון די דאקטוירים אז מען מוז תיכף מאכן די אפעראציע. דעם קומענדיגן טאג ווען ער איז צוריק געקומען צום דאקטאר צוליב די נאכאנאנדע ווייטאגן, האט זיך ארויסגעשטעלט אז די נעכטיגע טעסט'ס זענען געווען בטעות יסודם און עס איז באמת געווען נאר א קלייניגקייט אויף וועלכע ער האט בלויז געדארפט אריבערגיין א מינימאלע באהאנדלונג.

מן הסתם האט ער עס גע'פועל'ט מיט א ניגון...

אויב א פאציענט איז אין שפיטאל און דער דאקטאר admitted אים און מ'מוז זאפארט אפערירן, קען מען זוך דען ארויסגליטשען פון שפיטאל אן דעם וואס איינער פון די אויפזעהר זאלן באמערקן?

קרן זוית האט געשריבן:אויב א פאציענט איז אין שפיטאל און דער דאקטאר admitted אים און מ'מוז זאפארט אפערירן, קען מען זוך דען ארויסגליטשען פון שפיטאל אן דעם וואס איינער פון די אויפזעהר זאלן באמערקן?

ווענדט זיך וועלכע שפיטאל, אבער ס'איז מעגליך.

מען דארף זיך נישט ארויסגליטשען, מען קען זיך ארויס סיינען AMA

אויב די 45 רבי האט דאס טאקע געטון ממש ווי די לייגסט עס אראפ איז ער אפשר נידון ווי א רוצח בפה. א מפתה אויף רציחה.

דאס אז ס'איז אים געלונגען די מופת (אויב אלעס איז אמת ווי די לייגסט עס אראפ) גייט אריין אין חישוב לעשות עבירה רציחה וואס איז א ערענסטע חטא.

איך וואנדער מיר צו @Man City האט געשריבן די מעשה צו מרבה זיין כבוד לבית באבוב-45, אדער ער האט געוואוסט וויאזוי מען גייט עס מקבל זיין אין אונזער הייליגע שטיבל, און ער האט פשוט געוואלט מרבה זיין לצנות לבית באבוב-45.

יעצט זאל ער מאכן א מופת, און אלע בחורים זאלן חתנים ווערן.

יעקב מעקסוועל האט געשריבן:איך וואנדער מיר צו @Man City האט געשריבן די מעשה צו מרבה זיין כבוד לבית באבוב-45, אדער ער האט געוואוסט וויאזוי מען גייט עס מקבל זיין אין אונזער הייליגע שטיבל, און ער האט פשוט געוואלט מרבה זיין לצנות לבית באבוב-45.

מרבה זיין כבוד.

איך וויל פרעגן רשות פארצולייגן מיינע צוויי צענט.

איינער איז ארויף געקומען דא מיט א מעשה איבער א איד וואס האט זיך שיעור נישט אפערירט אומזונסט און נאר ווייל זיין רבי האט איהם אויפגעהאלטן פון גיין אונטערן מעסער, האט ער זיך דאס פארשפָּארט.

דאס איז דער מעשה? שטומט?

יעצט. אזוי ווי דא איז דאך קאווע שטיבל און נישט קיין 'אנדערע וועלט' קען מען דער מעשה אפירלייגן אונטערן אפעראציע בעטל אנשטאט דעם אינגערמאן און אנהייבן צו אנאליזירן וואס דא האט זיך אפגעשפילט.

ברם. אבער, צו וואס דארף מען אוועק מאכן, שפעטן, און אפלאכן דער מעשה? דאס איז דאך אויך נישט קיין חכמה און העדר חכמה הא'מער שוין איבערגעלאזט פאר אנדערע וד"ל.

און צום מעשה.

דער רבי האט איהם געזאגט אז ער זאל גיין צום חתונה. מיט וועלכע רעכטן האט דער רבי דאס איהם געראטן? טאמער האט דער רבי רוח הקודש פארוואס האט דער רבי נישט קלאהר איהם געזאגט די סיבה פאר זיין באשלוס, נעמליך, אז ער האט בסך הכל א קליין געזונט פראבלעם? ואם תמצא לומר אז דער רבי האט אליין נישט געוויסט, דאן פון וואו נעמט ער דער היתר איהם צו געבן עצות וואס זענען אין קעגנזאץ מיט די דאקטוירים?

און בכלל וואס איז דאס א מופת? עס איז באשערט פאר איינער די עגמת־נפש זיך צו דארפן ספראווען מיטן פחד אז ער ליידט פון עפעס ביטער און ווערן אפערירט פאר גארנישט און פלוצלונג קומט זיך אן א רבי און פארדרייט דער גאנצע פלאן. און טאמער ווילסטו זאגן אז עס איז נישט געווען באשערט פאר דעם מענטש צו דארפן דורכגיין אלע פחדים איז פארוואס האבן די דאקטוירים צוערשט געמיינט אז עס איז אן ערנסטע פראבלעם?

וואס וואלט געשען ווען נישט דער רבי הייסט איהם זיך אויסלאכן? וואלט ער דאך אדורך דעם גאנצן פרשה און נישט אפילו געוויסט אז ער האט זיך אפערירט לָרִיק, ער וואלט אפילו אפשר געמאכט א סעודת הודאה אז ער איז אויסגעהיילט געווארן און ניטאמאל געוויסט אז אלעס איז געווען צוליב א גרייז.

און איין ווארט, איך וויל נאר אויפמערקזאם מאכן אז מען קען אנאליזירן די מעשיות אויף א ראציאנאלישן אופן און אזוי ארום אפשר קליגער ווערן דורך דעם, אנשטאט זאגן wow און נתפעל ווערן, לויט ווי די וואס זענען מפרסם דער מעשה ווילן אז עס זאל אויף אונז ווירקן.

איך גלייב אז די מעשה אין איר אריגיאנעלע צורה וואלט געווען זייער פארשטענדליך, מ'האט נאר אראפגענומען/צוגעלייגט/געטוישט פרטים עס צו מאכן אויסקוקן ווי א מיסטעריעזע מופת

איך גלייב נישט אז אדמו"ר מבאבוב 45 האט out of the blue געזאגט פאר איינעם זיך נישט צו אפערירן, קיין איין נארמאלע מענשט טוט נישט היינט אזאנס. מסתם זענען געווען צדדים און די רבי האט אים אזוי מייעץ געווען אדער עפעס כעין זה

Sounds like Kidney stones נאר דער דאקטאר האט געװאלט מאכן דעם procedure און צום סוף איז עס ארױס לפע״ד

ליימדארפער האט געשריבן:יעצט זאל ער מאכן א מופת, און אלע בחורים זאלן חתנים ווערן.

ליימדארפער: ווער זאגט דיר אז ער (די רבי שליט"א) ארבעט נישט אויף דעם.

ווען מיין זון האט געלערנט ביי איהם אין ישיבה האט ער זיך אייביג נאכגעפרעגט אויף זיין מצב. ממש ביי א יעדע געלגעגנהייט. האט זיך די רבי נאכגעפרעגט אויב ער איז שוין געווארן א חתן. ער האט אויך אנגעטראגן צו העלפן מיט שידוכים...!

ביטע הערטס אויף מיט די ליצנות און די קרומע פשט'לעך.

מ'דארף דאנקען דעם באשעפער אז ס'זענען נאך פארהאן ערליכע אידן וולכע האבן אמת'דיג אהבת ישראל. שמח בשמחת חבירו ומצטער בצערו (ח"ו).

פארקערט, איך זאג ער זאל נאר ממשיך זיין צו ווייזן וואונדער, ווייל די באן פון שידוכים איז זייער זייער שטייט.

[הגם איך וואונדער מיך דערויף, און איך פרעג אזוי.
מ'שטופט שידוכים - און מ'וויינט ס'גייט נישט; איינמאל ס'ווערן חתנים, וויינט מען ס'נישטא קיין געלט, קיין זאלן. ס'ווערן יונגעלייט, וויינט מען ס'נישטא קיין דירות פאר ביליג, ס'נישטא קיין קינדער, און בוני עולם, און צרכי העיר, און דאס און יענץ... אין די צייט וואס א אלטע בחור ווארט פינעף יאר, האט ער געשפארט אסטראנאמישע סכומים און דאגות פון אזויפיל אזויגערופענע עסקנים... חחחחחחחחח]

איינער וואס לעבט מיט זיינע עלטערן ביז ער גייט אין מושב זקנים שפארט זיך נאך א סאך מער. איך האב געקענט אזא איינעם...!

berlbalaguleh האט געשריבן:איינער וואס לעבט מיט זיינע עלטערן ביז ער גייט אין מושב זקנים שפארט זיך נאך א סאך מער. איך האב געקענט אזא איינעם...!

און איך קען איינער וואס מאכט נישט קידוש פרייטיג צו נאכטס ווילאנג ער האט נישט מסיים געווען דעם רבינס לעצט-וואכיגע תורה; און ער מאכט טאקע נישט קיין קידוש...

ליימדארפער האט געשריבן:יעצט זאל ער מאכן א מופת, און אלע בחורים זאלן חתנים ווערן.

אדער אז אלע בחורים זאלן ווערן אנגענומען אין ישיבה

באבוב-45 קען ניצען א מופת אז זייערע מנהלים אין די חדרים זאלן באקומען שכל, הייליגע רבי, חנני מאתך חכמה בינה ודעת

ליימדארפער האט געשריבן:

berlbalaguleh האט געשריבן:איינער וואס לעבט מיט זיינע עלטערן ביז ער גייט אין מושב זקנים שפארט זיך נאך א סאך מער. איך האב געקענט אזא איינעם...!

און איך קען איינער וואס מאכט נישט קידוש פרייטיג צו נאכטס ווילאנג ער האט נישט מסיים געווען דעם רבינס לעצט-וואכיגע תורה; און ער מאכט טאקע נישט קיין קידוש...

ליימדארפער: און איך קען איינעם וואס מאכט נישט קיין הבדלה אויך. ער טוט נישט נאך א סאך אנדערע זאכן. און וואס ער טוט יא. פון דעם לאמיר בעסער נישט רעדן...!

דיכטער: און אויב דו רעדסט פון אנאליזירן (דעם רבינ'ס "מופת") ראציאנאל. קענמען זאגן זייער פשוט. די רבי האט איהם געהייסן גיין נעמען א "סעקאנד אפיניאן". א זאך וואס א יעדער מענטש פארשטייט און איז מסכים מיט דעם. און אזוי ווי אין א סאך פעלער, ווייזט די סעקאנד אפיניאן אדער טעסט אז די ערשטע דיאגנאז איז געווען בטעות יסודו. דאס איז מעשים בכל יום. און קיינער פרעגט נישט קיין קשיות. אדער מ'בויעט אויף גאנצע בניינים. צי ערנסט אדער סארקאסטיש...!

דער מעשה איז נישט אמת. נישטא קיין מחלה אויף דער נירען וואס פאדערט א באלדיגע אפעראציע. בפרט איינער וואס קומט אריין דער ערשטער מאל מיט שמערצן.

די מעשה באשריבן אינעם פאפולערן גליון 'אן אוצר', אינעם נומער וואס איז נארוואס ארויס לקראת פסח תשפ"ג, באזאלצן מיט מער 'פרטים'...