קאווע שטיבל

נשלח: **פרייטאג יאנואר 18, 2013 11:45 am**

הנה נא א הייס שטיקעל
התעוררות און א קיצעל,
א נייע HIT פון ביבער
נישט וואס זינגט לידער

פונעם רבי'ן פלעגן הער'עך
פון א בעל חי א נעבאך,
דער ביבער'ל דער שוטה
וואס קען נישט זיין נוטה

גלייך ער שטייט
גראד ער גייט,
צום הימל ער בעהט
ווייזט מיר א וועג

ס'כאפט אים א ציטער
זיין מצב איז ביטער,
מיט זיין אייגן בחירה
נעמט ער זיין קבורה

וואס שטייסטו?
וואס וויינסטו?
איין קליינע דריי!
און דו ביסט פריי!

אריין אין זיין פאסקע
גיט ער א טראסקע,
ער פגר'ט אין קבר
בלייבט נישט קיין זכר

דער חסיד נעמט תמיד מיט
אויף זיין קאפ, דעם הוט,
צו געדענקען דעם ביבער
אלץ א וועג פירער

שטענדיגט נעמען אין אכט
אבער נישט אין באטראכט,
אזוי ווי דער ביבער
חלילה זיין קלוגער

"טראכט גוט
ווי א ביבער טוט,
גלייך זאלסטו שטיין
גראד זאלסטו גיין"

צו זיך ער גיט א פרעג
"איז דאס דען א וועג?"
אזוי ווי ער קריכט
זעהט ער א ליכט

נאך דעם שיין
וויל ער גיין,
צום הימל ער בעהט
"ווייזט מיר א וועג"

מיט זיין אייגן בחירה
נעמט ער זיין קבורה,
אריין אין זיין פאסקע
גיט ער א טראסקע

וואס שטייסטו?
וואס וויינסטו?
איין קליינע דריי!
און דו ביסט פריי!

חסיד שוטה
שוין זיי נוטה!
אראפ מיטן הוט
וועט דיר זיין גוט!

נשלח: **פרייטאג יאנואר 18, 2013 11:49 am**

מר' קאווע דו ביסט אייזען

נשלח: **פרייטאג יאנואר 18, 2013 12:04 pm**

אייזן? גאלד!

נשלח: **פרייטאג יאנואר 18, 2013 12:14 pm**

נשלח: **פרייטאג יאנואר 18, 2013 3:24 pm**

וואס טוט זיך מיט שטאפנע הוטן ? וואס לערנט זיי די ריכטיגע וועג?

נשלח: **מוצ"ש יאנואר 19, 2013 8:20 pm**

גוט איז גוט. מיין מוח באגלט (מלשון boggle) פון די טאלאנט וואס גיסט זיך דא.

נשלח: **זונטאג יאנואר 20, 2013 3:13 am**

נולד מאוחר האט געשריבן:וואס טוט זיך מיט שטאפנע הוטן ? וואס לערנט זיי די ריכטיגע וועג?

דא ליגט די פוינט מר קאווע גייט מיט א שטאפענע היט, ער גייט וועלכע זייט ער וויל..

נשלח: **זונטאג יאנואר 20, 2013 12:02 pm**

יאנקל האט געשריבן: דו ביסט אונז אייביג דא אזוי מהנה,
צוזאמען מיט דיינע סעקראטארינס ציפי און חנה,

אפשר ליגט גאר די פוינט דא.

נשלח: **זונטאג יאנואר 20, 2013 12:06 pm**

גראדע איז דבורה היבש באליידיגט, אבער, יאנקל האט מיר זייער איבערגענומען מיט זיינע ברכות/קללות. ועל כל פשעים תכסה אהבה רבה.

נשלח: **זונטאג יאנואר 20, 2013 12:18 pm**

זי איז נאר מזכירה (צו גאר מזקירה) בימי החופש פארוואס זאל זי זיין באליידיגט.

נשלח: **זונטאג יאנואר 20, 2013 12:21 pm**

ווען מיין הוט ווערט שווער אויפן קאפ, פאר איך אוועק אויף ביזנעס..
ס'מאכט זיך אפט.
בד"וו, איך פאר גראדע די וואך אוועק פאר א 5 טעג

נשלח: **זונטאג יאנואר 20, 2013 12:26 pm**

מיט ציפי אדער חני?

נשלח: **זונטאג יאנואר 20, 2013 12:28 pm**

ואם שלש אלה יעשה לה כמשפט הבנות
אלע דריי, קראך אוועק.

נשלח: **זונטאג יאנואר 20, 2013 12:32 pm**

זוכסט אפשר א ארבייטער?

נשלח: **זונטאג יאנואר 20, 2013 12:34 pm**

continue on gtalk

נשלח: **מאנטאג יאנואר 21, 2013 12:35 am**

I don't have a yiddish keyboard. So I can't write a normal review on this wonderful poem but I promiss I will, its unbeliveble nice, deep and talanted.

נשלח: **מאנטאג יאנואר 21, 2013 7:56 pm**

דאס איז א הערליכער פאעם, און א גאר אריגינעלע איידיע. אויב איך מעג זאגן א הערה, קאווע טרינקער, איך האב בעסער ליב ווען דו מאכסט גראמען וואס שטימען נישט פונקטליך. נעם עס אן פאר א קאמפלימענט, ווייל דאס איז וואס עס איז.

נשלח: **מיטוואך אפריל 08, 2015 11:53 pm**

כ'ברעג ארויף דעם אשכול כדי צובאקומען נאך לייקס. יא.

נשלח: **דאנערשטאג אפריל 09, 2015 12:03 am**

אז מ'בעט שיין באקומט מען

נשלח: **דאנערשטאג אפריל 09, 2015 12:03 am**

באקומסט די לייק פאר'ן ארויפברענגען. יעצט לאמיר ליינען דיין שטיקל.

נשלח: **דאנערשטאג אפריל 09, 2015 12:11 am**

וואונדערבאר!

נשלח: **דאנערשטאג אפריל 09, 2015 12:15 am**

זייער זייער גוט!
מעניינא דיומא פון ר' זונדל און ר' נחום.

נשלח: **דאנערשטאג מערץ 03, 2016 12:18 am**

ווי נעמט מען די טאלאנט. ממש אין מילים, להפליא עד מאוד.

קאווע שטיבל

POEM / א HIT פון ביבער

POEM / א HIT פון ביבער

Re: POEM / א HIT פון ביבער

Re: POEM / א HIT פון ביבער