קאווע שטיבל

א היימיש פלאץ איז אן ארט וואו מ'שפירט זיך באקוועם. א היימיש מאכל איז א געקעכטץ ווי די באבע פלעגט מאכן. וויאזוי אבער איז מען מגדיר א היימישער מענטש? סינאנים מיט חסידיש? אידיש? נישט אלע אידיש רעדנדע זענען היימיש. אלזא, מיהו היימיש?
אינספירירט דורך @פישעלע.

היימיש מיינט לכאורה איינער וואס קען די סימנים. ער ווייסט ווי איין און ווי אויס אן קיין הסברים.

היימיש איז באמת א געפיהל נישט א סטאטוס פון א געוויסע מענטש אדער זאך. ביי יעדעם מיינט היימיש עפעס אנדערש ד"ה ווי ער פילט זיך באקוועם. א ליטוואק איז היימיש מיט צוקערדיגע זופ און חבירים פון גבוה, און א חסיד מיט קרויט און זיין חבר אין שוהל.

איך וועל קיינמאל נישט פארגעסן ווי איך האב דערמאנט אין א שמועס מיט דעם ברסל'בער חקלאי פון צפת וועלכער גייט מיט א לאנגער טלית קטן צעפלאשעטע פיאות און רעדט א פליסיגן אידיש דער מושג פון א "היימישער". ער האט מיר אנגעקוקט ווי פון די לבנה אראפגעפאלן. אוי איז דאס געווען א לעקציע.

איך זעה די דיקשענערי איז מסכים: (ס'איז א דייטשע ווארט במקורה)

haim·ish also heim·ish (hmsh)
adj. Slang
Warm and comfortable; homey; folksy: "It is very gentle and sweet up here. It's . . . sort of haimish" (Janet Malcolm).
http://www.thefreedictionary.com/haimish


haim•ish or heim•ish (ˈheɪ mɪʃ)

adj. Slang.
homey; cozy and unpretentious.
http://www.thefreedictionary.com/heimish

גיי זיי מסביר פאר א נישט-היימישן וואס ס'מיינט היימיש...
ווילסט וויסן אויב ער איז א היימישער, פרעג אים וואס מיינט היימיש.

רויטע וואנצעס האט געשריבן:איך זעה די דיקשענערי איז מסכים: (ס'איז א דייטשע ווארט במקורה)

haim·ish also heim·ish (hmsh)
adj. Slang
Warm and comfortable; homey; folksy: "It is very gentle and sweet up here. It's . . . sort of haimish" (Janet Malcolm).
http://www.thefreedictionary.com/haimish


haim•ish or heim•ish (ˈheɪ mɪʃ)

adj. Slang.
homey; cozy and unpretentious.
http://www.thefreedictionary.com/heimish

וואס ברענגט איר מיר ראיות פון א דייטשע ווערטערבוך? א כפרה וואס די שורש פון די ווארט איז. וואס באדייט היימיש פאר אונז? ס'קלאר ס'האט א געוויסע באשטימטע באדייט. ווען א וויליאמסבורגער זאגט אויף א דאקטאר ער איז א היימישער, וואס מיינט ער? ער גייט א קאפל? קען אידיש עפעס מער ווי "מאך אויף דיין מויל"? גיבט א דיסקאונט פאר חסידים?

קאם אן הערשי, א דיסקריפציע אויף אן אוט אוו טאון קאלעזש סטודענט אלס היימיש איז פארפירעריש.

גור, למשל, איז נישט היימיש.

מיט זייערע ווייבער מיינסטו.

אפטעמיסט האט געשריבן:גור, למשל, איז נישט היימיש.

דאכט זיך אז ליטוואקס זענען נישט היימיש.
אזוי אויך ליבאוויטש איז נישט היימיש.
בעעלי תשובה זענען נישט היימיש.

לכאורה מכל זה יוצא אז היימיש איז א ראסיסטיש ווארט. דאס איז א וועג וויאזוי מיר אידענטיפירצירן די בעסערע ראסע.

ראש הישיבה האט געשריבן:

אפטעמיסט האט געשריבן:גור, למשל, איז נישט היימיש.

דאכט זיך אז ליטוואקס זענען נישט היימיש.
אזוי אויך ליבאוויטש איז נישט היימיש.
בעעלי תשובה זענען נישט היימיש.

לכאורה מכל זה יוצא אז היימיש איז א ראסיסטיש ווארט. דאס איז א וועג וויאזוי מיר אידענטיפירצירן די בעסערע ראסע.

מוחה!!!

דאס אז מ'קען פרעגן "מיהו היימיש?" זאגט שוין אויס דעם תירוץ און ווייזט אז עס איז נישט קיין הארטע זאך וואס האט נאר איין משמעות, נאר עס ווענדט זיך ווי דער חמר שטייט איין.
ווען צוויי עלטערע אידן אין ראדני זאגן "יענער איז א היימישער" מיינען זיי אביסל אנדערש ווי ווען איינער זאגט עס פאר זיין חבר אין מונקאטשער שוהל. איינעם אן א שטריימל וועט שוין מסתמא נישט מיינען היימיש. אבער אפילו ביי די צוויי ראדני-אידן אליין ווענדט זיך אויך לגבי וואס זיי רעדן. אויב למשל לגבי זיין זון זאל זיך חבר'ן מיט יענעמ'ס קינד, וועט עס נישט מיינען סתם איינער מיט פיאות אויב זיי האבן ווידיא אין שטוב (איז דען דאס היימיש?...), נאר טאקע "א עכט היימישער". אויב זיי רעדן לגבי גיין צו יענעם עסן אויף שבת, קען עס מיינען סך הכל אז יענער עסט גוטע הכשירים. און אויב רעדן זיי לגבי א דאקטאר, קענען זיי מיינען מיט "היימיש" בלויז אז יענער רעדט אידיש.
ווייטער ווען דער בלאט שרייבט א "היימישער איד" קען ער מסתמא מיינען יעדן חסידישן איד, אבער מסתמא וואלט ער עס נישט גענוצט אויף קיין שטריימל-לאזע אדער ליטוואקעס. אבער ווען א ליטוואק וועט זאגן "א היימישער" וועט ער מסתמא יא קענען אינזין האבן אויך א חסיד (אפילו באמת קען זיך דארט אויך ווענדן לויט די קאנטעקסט).
בקיצור, איך קלער אז "ער איז א היימישער" איז א בחינה ווי ווען מען זאגט "He is one of us", וואס דעמאלט ווענדט זיך דאך ווער עס איז דער "אונז" און ווער עס זאגט דאס און לגבי וואס ער זאגט עס.
די זעלבע איז מסתמא מיט "א משלנו", "אן אונזעריגער", און ענליכס (ווען מ'זאגט עס אין עירפארט אויף איינעם מיינט עס געווענליך סיי וועלכן מענטש מיט א קאפל, אבער ווען איינער זאגט עס אין אן ארונישע מקוה מיינט ער געווענליך נאר א הייסן ארוני...)

היימישער מענטש, איז א בחינה פון א היימיש- מאכל וואס ברויך נישט קיין השגחה. מיט א היימישן אינגערמאן טרויען (יע) די עלטערן דאס קינד זאל כאפן א רייד, פארן ערגעץ, פארברענגן ביי אים אינדערהיים, עסן ביי אים, וכדו'. יעצט ס'איז דא וואס נוצן בלויז וואלעווע, די בדרך כלל טערעריזירן די קינדער מיט וועמען זיי מעגן זיך חבר'ן (בעסער געזאגט מיט וועמען נישט). אנדערע וואס זענען מער ליבעראל איבער הכשרים, איז דער "היימיש" באקס, געוויס ברייטער.

פשוט אזוי, א היימישע עלעקטרישען\פלאמער מיינט אז ער האט נישט קיין לייסענס, היימישע טעראפיסט מיינט אז ער האט נישט קיין לייסענס, און היימישע קוגל האט נישט קיין הכשר, חושבנא הדין כחושבנא הדין.

הערשי האט געשריבן:

רויטע וואנצעס האט געשריבן:איך זעה די דיקשענערי איז מסכים: (ס'איז א דייטשע ווארט במקורה)

haim·ish also heim·ish (hmsh)
adj. Slang
Warm and comfortable; homey; folksy: "It is very gentle and sweet up here. It's . . . sort of haimish" (Janet Malcolm).
http://www.thefreedictionary.com/haimish


haim•ish or heim•ish (ˈheɪ mɪʃ)

adj. Slang.
homey; cozy and unpretentious.
http://www.thefreedictionary.com/heimish

וואס ברענגט איר מיר ראיות פון א דייטשע ווערטערבוך? א כפרה וואס די שורש פון די ווארט איז. וואס באדייט היימיש פאר אונז? ס'קלאר ס'האט א געוויסע באשטימטע באדייט. ווען א וויליאמסבורגער זאגט אויף א דאקטאר ער איז א היימישער, וואס מיינט ער? ער גייט א קאפל? קען אידיש עפעס מער ווי "מאך אויף דיין מויל"? גיבט א דיסקאונט פאר חסידים?

נעמט מעדיקעיד.

געפילטע פיש האט געשריבן:פשוט אזוי, א היימישע עלעקטרישען\פלאמער מיינט אז ער האט נישט קיין לייסענס, היימישע טעראפיסט מיינט אז ער האט נישט קיין לייסענס, און היימישע קוגל האט נישט קיין הכשר, חושבנא הדין כחושבנא הדין.

און ווען א יונג און א מויד ווערן צו היימיש מיינט דאס אז די עלטערן האבן אויף זיי אראפגענומען די השגחה.

גמירנא שמעתתא משמיה @ברסלבר. דעפיניציע:
א היימישער איז עמיצער וועם מען דארף נישט מסביר זיין וואס דאס מיינט.

אזוי פריער דערמאנט הכל לפי המקום האיש והזמן..