קאווע שטיבל

עס ווערט לעצטענס מער און מער די רעדט פון שטאט וועגן נאך און נאך אידן וועלכע האבן געקויפט דארטן דירות. די עמי מאגאזין (טפו) גייט מארגן האבן א לענגערע אפהאנלונג איבער די נייע געדאנק.

למעשה האבן שוין ארום 15 גורע משפחות און 10 סקעווערע משפחות געקויפט דארט דירות און מופן אריין שוין דארט.

יונג איזראעל שוהל האט שוין צוגעשטעלט א מנין פאר זיי שבת שפעטער אינדערפרי.

למעשה איז די פחד אזוי:
צו גייט עס נישט ווערן א נייע סיגעיט אדער בעיסוואטער?
אויב גייען זיך אהינרוקן די מער קולע אינגעלייט גייען די ערענסטע מער נישט דארט זיין, און יעדע שטאט דארף פון אלע סארט.

די וועג פאר די קינדער קיין בארא פארק גייט נעמען א קנאפע האלבע שעה אן טרעפיק, וואס דאס איז יענץ געשעפט פאר קליינע קינדער וועלכע דארפן א בית הכסא די מינוט וואס מ׳פארט ארויף אויפן הייוועי. און מיט אלע סטאפס גייט עס נעמען א שיינע 45-50 מינוט און א גוטע טאג. און א טאג וועלכע איז דא טרעפיק קען די וועג נעמען א פיינע שעה. אבער דאס איז נאר ביז ווען עס איז שוין דא ארום 100 משפחות פון א קרייז וועלכע וועט עפענען א מוסד.

די אלע ברוקלינע אידן וועלכע זענען צוגעוואוינט צו זיין אין ארבעט 10 מינוט פון דערהיים, זיין א שעה יעדן טאג ביז די ארבעט און אהיים איז נישט די געשמאקסטע זאך.

וואס האלט דער עולם דא?

מיינע קינדער זענען אויפן באס יעדען טאג א גוטע האלבע שעה אפי איך וואין נישט ווארט פונעם חדר/שולע,
כ'מיין ס'נישט קיין נפק''מ צווישען א האלבע שעה קריכען די היימישע גאסן אין טרעפיק אדער א האלבע שעה אויפן הייוועי.

נעבן יונג איזראעל

Wow כ'האב זייער הנאה דערפון, ווען איך פלעג דארטן אהין פארן פלעג איך אייביג טראכטן אז הלוואי ווען איך קען דארט וואוינען, איך האף אז ס'וועט זיך אויסארבעטן

ממי, אויב איינער גיבט דיר 400k בתנאי אז דו דארפסט פארן אויף א באס איין שעה א טאג, צופרי און ביינאכט, וואס וואלסטו געטון?

אינצווישן דארף איך געבן הונדערט טויזענט דאלער פאר א חלום וואס קען זיך ענדיגן זייער שנעל זייער נישט גוט.

דאס איז שוין א טענה... אבער א יעדע ביזנעס דיעל האט זיך אירע ריסקס.

ממי_שאמרו האט געשריבן:נעבן יונג איזראעל

ווי קימט עס אויס? ווי טיף אריין אין ס''א? איך וויל טשעקען מיט גאגעל מעפס ווי ווייטער ס'איז פון ווילי און ב''פ

835 Forest Hill Rd
Staten Island, NY 10314
http://goo.gl/maps/HI9Fi

בערך וויפיל קאסט א דירה דארט?

400-600 פאר א מאנסי סטייל הויז

ממי_שאמרו האט געשריבן:835 Forest Hill Rd
Staten Island, NY 10314
http://goo.gl/maps/HI9Fi

לויט גאגעל קימט עס אויס (יעצט ביינאכט) 22 מינוט פון אינמיטען ב''פ און 39 מינוט פון אינמיטען ווילי.
מיין שאלה איז פארוואס גייט מען נישט מער רעכטס נענטער צו די וועריזאנא, וואס קען מאכן די וועג מיט 5-10 מינוט קערצער

ככל שאני יודע, חסידי גור קנו בתים ליד בית הכנסת של הרב פולק

https://maps.google.com/maps?q=93+ruper ... CAgQ_AUoAQ

בית הכנסת שלו ממוקם ב
98 Rupert Ave.
https://maps.google.com/maps?q=98+Ruper ... CAgQ_AUoAQ

היא קרובה לרחוב ראשי, שדרת ברדלי

באקימען אין אימעיל


א גרויסע היימישע עולם גרייט זיך צו מופען אין די נעקסטע פאר חדשים אין א הערליכע געגענט אין ניו יארק סיטי. 20 מינוט פון וויליאמסבורג אין 10 מינוט פון בארא פארק. פאראינטערעסירטע- ביטע שיקט א email מיט אייער נאמען אין טעל # צו: StatenIslandGroup@Gmail.com רענטען אדער קויפען אוועלעבעל.

איך בין זייער צופרידען דאס צו הערען, פיינעלי טוט מען צום זאך. איך האף אז עס וועט זיין א סאקסעס און דאס וועט געבען די קוראש פאר אנדערע נאכצוטוהן
איבער יו"ט האט מיר א חבר פארציילט אז אין וויליאמסבורג איז דא 10 חתונהגעהאטע קאפלס וואס וואינען ביי די עלטערן ווייל זיי האבן נישט געקענט טרעפן קיין דירות

ווייסט איינער צו דאס איז אמת?

ביי עלטערן ווייס איך נישט, אבער בשעת איך שרייב די שורות זענען דא עטליכע פארפעלקער וואס וואוינען אין פוינט פלאזא האטעל.

דאכט זיך מיר אז די עמי מעגאזי"ן רעדט דערוועגן דער וואך

ס'איז שוין דא א ליסטע פון צוואנציג יונגעלייט פון סקווער אויפן ציל דארט זיך צו באזעצן

שלום עליכם טייערע אידן,

די אינטערעסע אין זיך אריבערציען קיין סטעטען איילענד וואקסט ב"ה יעדן טאג, און ס'איז כדאי צו אפדעיטן דעם עולם וואס ס'גייט פאר.
צום ערשטן דארף מען קלאר מאכן אז דא רעדט מען נישט פון קיין דעוועלאפמענט וואס מ'גייט יעצט בויען, נאר מ'רעדט פון זיך אריינציען אין דעם עקזיסטירנדן שטאט, און זיך באזעצן דארטן. סטעטען איילענד איז בערך 25 מינוט אוועק פון בארא פארק, אבער די פרייזן פון הייזער זענען בערך 40% ביליגער.


די וועג פון וויליאמסבורג, ביז בארא פארק, ביז סטעטען איילענד

רוב הייזער זענען איין-פאמיליע הייזער, און שטייען אויף א לאט פון 40X100. עס זענען דא פארשידענע סארט הייזער פון אלע מיני פרייזן – פונקט ווי אין יעדע אנדערע באוואוינטע שטאט. א קלענערע הייזקע קען מען קויפן פאר אזוי ביליג ווי $350,000, און גרעסערע הייזער קענען גיין ביז $700,000. א נארמאלע הויז פון 2,100 סקווער פיס + א בעיסמענט קען לויפן פון $475,000 און ארויף. דאס איז אלעס איין פאמיליע הייזער, מיט א גרויסע לאט, פארשטייט זיך מיט א דרייוו-וועי.

פארשטייט זיך אז די פרייזן ווענדן זיך אויך אויף די קוואליטי פון די הייזער, ווי אלט די הויז איז, און צי עס איז געבויט פון ציגעל אדער נישט.
די הויפט מעלה פון סטעטען איילענד – חוץ דאס אז עס איז אזוי נאנט צו בארא פארק – איז אז עס איז שוין דא א שטארקע אידישע אינפראסטראקטשור, מיט בתי מדרשים, מקוה, הצלה, וכו'. פאלגענד איז א מאפע פון די אידישע געגענט.



די בלויע ליניע ארום איז דער עירוב. די געגענט איז איינגעטיילט אין דריי חלקים. אין חלק A וואוינען די היימישע ליטווישע, א חרדישע תורה'דיגע עולם. עס וואוינען אויך אסאך יאנג איזראעל טייפ אידן. עס איז מסתמא בערך 75% אידיש. אין חלק B וואוינען בעיקר יאנג איזראעל אידן. אין חלק C וואוינען אויך בעיקר יאנג איזראעל אידן, אבער ס'איז דא אסאך מער גוים. די רויטע סימן אין חלק A איז וואו עס געפינט זיך דער ביהמ"ד פון הרב פאלאק שליט"א, חתן הגה"צ ר' יונתן בנימין גאלדבערגער שליט"א.

עס זענען שוין יעצט דא צוויי חסידישע גרופעס וואס ארבעטן פעסט אויף זיך אריבערציען קיין סטעטען איילענד. א גרופע פון איבער 10 סקווערע יונגעלייט, און 15 גערער יונגעלייט. כ"ק האדמו"רים מסקווער און גער שליט"א האבן שוין געגעבן ברכת קדשם אויף דעם פראיעקט, און טייל פון די יונגעלייט שליסן שוין אדער האלטן שוין ביים שליסן דעם מקח. אויך איז דא א גרופע פון וויזניצע יונגעלייט וואס טוען שטארק אין דעם ענין. די אלע קוקן בעיקר דירות אין די געגענטער פון A און B.

פארשטייט זיך אז דער פראיעקט איז נישט געבינדן דווקא צו גרופעס פון חסידים. יעדער מענטש קען זיך אויפהייבן און אריבערציען קיין סטעטען איילענד, און מ'דארף נישט קיינעמ'ס הסכמה. יעדער קען צאמנעמען דריי פיר חברים און מחליט זיין צוזאמען זיך אריבערצוציען, און עס זענען טאקע דא אסאך וואס טוען שטארק אין די נושא.

דער עולם איז מכובד צו פרעגן שאלות, און כ'וועל פראבירן צו ענטפערן עד מקום שידי מגעת.

א דאנק!
דאס הארץ וואקסט פון פרייד און גליק ווען מען זעהט עפעס פירות נאך יארן ליידיגע קאמפלעינטס און וויינערייען וואס האט געפירט אין ערגעץ נישט, און ענדליך זעהט מען עפעס זאכליך, די ישועה הייבט אן שפראצן, עס איז דא ווי די ברכה זאל חל זיין.
מיר וואונטשן פאר די דעוועלאפער, עסקנים, און די משפחות וואס ציען זיך אריבער, רוב ברכות והצלחה בכל מעשי ידיהם בכל אשר יפנו.

[tag]סטעטען איילענד[/tag], לויט ווי איך פארשטיי, וועט מען צוזאמענשטעלן א ווען צו א באס פאר די קינדער, זיי צו פירן קיין בארא פארק יעדער טאג.

דו קענסט אפשר מער מסביר זיין ווי אזוי דאס וועט ארבעטן, און אזוי אויך, אויב מען וועט צושטעלן א ווען פאר פרויען וואס דארפן פארן צו זייערע דזשאב אין ברוקלין?

און וואס איז די מעשה מיט די ריעל עסטעיט דארט, איז דא גענוג הייזער צום פארקויפן אז סזאל קענען ווערן א ישוב?